Matiu 4:23 - Yennu Gbounpaauŋ Mɔɔr

²³ Yisa din lin Galilee tiŋ maŋ kura po, ki want niib Yennu maan, jiantu diit ni, ki mɔɔntir Yennu naan barŋanii mɔɔntii ki teemm, ki te ki binba mɔk yiarboorii boorii kur nan binba mɔk gbanantont kur paak.

Yennu Gbouŋ Mɔɔr

²³ Yiisa din lin Galilii yent kur po, ki want niib Yennu maan, jiantu diit ni, ki mɔɔntir Yennu naan barŋanii mɔɔntii ki teemm, ki te ki yiarboorii kur damm nan binba mɔk danii na kur laat laafia.

Matiu 4:23 ပူးပေါင်းရင်းမြစ်များ

Matiu 11:5

a i la ki jɔɔnii nyɔɔntir, ki wɔbii taa naatir ki bi somm, ki gbaata ŋaat gbent, ki tukpaa ji gbia, ki kpeemm fi kuun ni, ki talasdamm gbiintir barŋanii mɔɔntii.

Matiu 12:9

Ki Yisa din nyii leŋ ki saan kɔɔ bi jiantu diiuk ni.

Matiu 13:19

Nirɔ-i gbat Yennu naan barŋanii, ŋaan ki bann li paaki, Sintaanii tuu baare ki tan nyinn linba bo kɔɔ li daanɔ par ni maŋ; ŋanne tee bonboorii nba baa sanjouk paak na.

Matiu 13:54

ki kun u mɔŋ mɔŋ doo ni, ki saa want niib Yennu maan bi jiantu diiuk ni. U wannu maŋ din teen niib na bakitnauŋ bonchiann, ki bi boi bi leeb a “Lee ki jɔɔ na la yanbooru na? Lee ki u la paŋ ki tuun bakitnauŋ toonjaana na?

Matiu 14:14

Yisa nba saa nyii burgbetir ni ki la nibur maŋ na, ki ninbaauk soorɔ bonchiann, ki u te ki binba yiar ki be leŋ na kura paak.

Matiu 24:14

Ki bi tan sa mɔɔnt Yennu naan barŋanii mɔɔntii na tingbouŋ na kur po, a nibooru kur-n gbat, ki dunia gbennu-n yen fit baar.

Matiu 3:2

“Nyikin man i biit, kimaan Yennu naan dinu per na.”

Matiu 9:35

Tɔn, ki Yisa din kak lin doi kur ni nan digbanbis ni, ki kɔɔ Yenjiantu diit ni, ki mɔɔntir Yennu naan barŋanii ki want niib, ki te ki binba yiar yiarboorii boorii kur paak, nan binba yiar yiarbiit kur.

Barŋanii nba ki MAK din sɔb nae na 1:14

Tɔn, ki bi din tan soor Jɔɔnn wunba wuur niib Yennu nyunwuru na, ki kɔɔnɔ dansarik; ki li poorpo ki Yisa saan Galilee tiŋ ni, ki mɔɔntir Yennu barŋanii

Barŋanii nba ki MAK din sɔb nae na 1:21

Ki Yisa nan ŋamm din saan kɔɔ digbansiar ki li sann yi Kapenaum; ki Juu teeb foon daar tan baar, ki bi kɔɔ Yenjiantu diiuk ni, ki u piin ki want niib Yennu maan.

Barŋanii nba ki MAK din sɔb nae na 1:39

Ki u din gɔrin ki lin Galilee tingbouŋ ni kura, ki mɔɔntir barŋanii maŋ Yenjiantu diit ni, ki bia nyint narinbiit niib ni.

Barŋanii nba ki MAK din sɔb nae na 3:10

kimaan wa din te ki baatib bonchiann paak na paake din te ki binba kur yiar ji din nakii a bin siiu.

Barŋanii nba ki MAK din sɔb nae na 6:2

Ki foon daar ki u tan kɔɔ Yenjiantu diiuk ni a wun saa wann nibur nba din be leŋ na Yennu maan. Niib na nba gbat u wannu na ki li teen bi kura yaarlituk, ki bi boi bi leeb a “Yanboor lannpoe ki u mɔk mani? U teen nlee ki tuun bakitnauŋ toonjaana na? U la linba na kur lee?

Barŋanii nba ki MAK din sɔb nae na 6:6

kimaan niib maŋ nba ki teenɔ yada na; ki linba na yaar ŋaan litɔ bonchiann. Ŋanne ki Yisa lin digbanbis ni ki want niib Yennu maan.

Barŋanii nba ki LUK din sɔb nae na 10:9

ŋaan bia te ki baatib-n paak doo maŋ ni kii beer niib maŋ a ‘Yennu naan nakiniiwa.’

Barŋanii nba ki LUK din sɔb nae na 13:10

Foon dasiar ki Yisa din want niib Yennu maan Yenjiantu diiuk ni;

Barŋanii nba ki LUK din sɔb nae na 16:16

“Moses sennu nan Yennu sɔkiniinba sɔbu din mɔk yaak mɔkmɔk nan Jɔɔnn nba din tan baar. La nyii Jɔɔnn baaru yoo niewa ki bi mɔɔntir Yennu barŋanii ki jikit saa Yennu naan po, ki sɔɔ kur mukisir u mɔŋ a wun kɔɔ Yennu naan maŋ ni.

Barŋanii nba ki LUK din sɔb nae na 20:1

Dasiar Yisa nba din be Yennu jiantu ŋasaakak ni ki mɔɔntir Yennu barŋanii ki want niib, ki Yennu jiantu yudamm nan sennu wannteeb nan saakab din baar u boor

Barŋanii nba ki LUK din sɔb nae na 4:14

Ki Yisa din gbee nan Yennu Seyeeŋ paŋ ki tan ŋmat saan Galilee. Ki bi din mɔɔnt u labaar ki li yat tiŋ maŋ kur kur.

Barŋanii nba ki LUK din sɔb nae na 5:17

Sianyoo ki Farisiinba nan sennu wannteeb mun din nyii Galilee doo kur ni, nan Judea doo kur ni, nan Jerusalem, ki baar Yisa boor. Li daar ki Yisa din want niib Yennu maan ŋasiak nna diiuk ni, ki Farisiinba nan sennu wannteeb maŋ kar leŋ, ki ti Yomdaanɔ Yennu paŋ din be Yisa ni a wuu te ki niib-n paak.

Barŋanii nba ki LUK din sɔb nae na 6:17

Yisa nba din nyii kunkonn na paak ki sik namm yoonba, ki u din saan set paanu ni; ki u poorpojɔɔmu lakin bonchiann; ki niib bonchiann mun dɔŋ nyii Judea po nan Jerusalem nan Taya nan Saidon kur doi nba kpia mɔkgbeŋŋir kpianu na,

Barŋanii nba ki LUK din sɔb nae na 6:6

Foon daleer ki Yisa din kɔɔ Yenjiantu diiuk ni ki wann niib Yennu maan, ki jasɔɔ din be leŋ ki u nuudiitu kpo ki goon.

Barŋanii nba ki LUK din sɔb nae na 7:21

Li yoo li yoo na ki Yisa din te ki baatib nan yiarpaarii damm bonchiann paak, ki nyinn narinbiit siab ni, ki nyɔɔnt jɔɔnii bonchiann;

Barŋanii nba ki LUK din sɔb nae na 7:22

ki u ji bet Jɔɔnn toomii na “Yi ŋmat man ki saa bet Jɔɔnn linba ki i la ki bia gbat na; a i la ki jɔɔnii nyɔɔntir, ki wɔbii taa naatir ki bi somm, ki gbaata ŋaat gbent, ki tukpaa ji gbia, ki kpeemm fi kuun ni, ki talasdamm gbiintir barŋanii mɔɔntii.

Barŋanii nba ki LUK din sɔb nae na 8:1

Li poorpo ki Yisa din lin digbansaakara ni nan digbanbis ni, ki mɔɔntir Yennu naan baaru barŋanii, ki u poorpoweiteeb piik nan bannlee din waau.

Barŋanii nba ki LUK din sɔb nae na 9:11

Ki nibur na nba din gbat nna maŋ, ki bi wei Yisa ki saan. Wa din tan lab ki bi baat yoonba ki u tookib nan parpeenn, ki wannib Yennu naan po, ki bia te ki binba loon paaku na paak.

Barŋanii nba ki LUK din sɔb nae na 9:60

Ki Yisa jiin betɔ a “Ŋaant ki kpeemm-ii pii bi kpeenleeb. Fin, i saawa kii sai mɔɔntir niib Yennu naan po.”

Jɔɔnn 18:20

Ki Yisa jiin betɔ a “N poŋ tuu piak yeenin ni ki teen sɔɔ kur, ki ki bɔri n wannu kur nba ki n tuu wanti. N tuu want niib Yenjiantu diit ni nan Yennu jiantu ŋasaakak ni, siaminba ki Juu teeb kur tuu baat lakint na. Min ŋarin ki mi pak siar ki wooni.

Jɔɔnn 6:59

Yisae din pak linba na, wa daa din be Kapenaum, Yenjiantu diiuk ni, ki want niib na.

Jɔɔnn 7:1

Li poorpoe ki Yisa ji din be Galilee tiŋ ni, ŋaan lin leŋ digbana ni. U din ki loon wuu be Judea tiŋ ni, kimaan Juu teeb yudamm din loon bin kpiu.

Toona 10:38

I bia poŋ mi biaŋinba ki Yennu nyinn senn Yisa maŋ, ki turɔ u Seyeeŋ nan u paŋ, ki u lin ki tuun toonŋana, ki bia te ki binba kur ki Sintaanii teemm baatib na la laafia, kimaan Yennu be nanɔ.

Toona 18:4

Ki foon daar kur u tuu kɔɔ Yenjiantu diiuk ni, ki saa faa nan Juu teeb labaar Yisa po, ki yabii u mɔŋ a wun tunn Juu teeb nan Griik teeb yan ki jiin li po.

Toona 20:25

“Nnara, i mi nan n din lin i kura ŋei ni, ki mɔɔntir Yennu naan labaar. Tɔn, ki mɔtana, n mi nan i ji kan mi ki lami.

Toona 28:31

Ki u bia din tuu mɔɔntir Yennu naan po, ki bia want niib ti Yomdaanɔ Yisa Masia po, ki din tuu piak u yama ni nan parcheenn.

Rom Teeb 10:15

Ki Yennu-i kii tun toomiinba, nlee ki barŋanii maŋ sa mɔɔnti? Li sɔb Yennu gbouŋ ni a “Binba lin ki mɔɔntir barŋanii maŋ, bi baaru ŋan bonchiann.”