Matiu 28:6 - Yennu Gbounpaauŋ Mɔɔr

⁶ U kaa nna, u fiir kuun niwa kaman nan wa yet biaŋinba na. I saana man ki tan got wa daan dɔɔ siaminba na.

Yennu Gbouŋ Mɔɔr

⁶ U kaa nna, u fiir kuun niwa nan waa daan yet biaŋinba na. Ii saana man ki tan got waa daan dɔɔ siaminba.

Matiu 28:6 ပူးပေါင်းရင်းမြစ်များ

Matiu 12:40

kimaan Jona maŋ nba din be jaŋgbeŋŋir poor ni yennu nan nyiɔk ki saan jaŋ daa ŋanntaa na, nnee ki min nifosaarik Bik mun tan sii be tiŋ ni yennu nan nyiɔk ki saa jaŋ daa ŋanntaa.

Matiu 16:21

La din nyii li yoo maŋ ki jii saa, ki Yisa piin ki beer u poorpoweiteeb a “See ki n fabir ki saan Jerusalem, ŋaan ti tiŋ ni saakab, nan Yennu jiantu yudamm, nan sennu wannteeb sa dinin fara bonchiann, ki bia tan sa kpima; ŋaan daa ŋanntaa daar ki Yennu sa fiinin kuun ni.”

Matiu 17:23

ki bin kpin, ŋaan daa ŋanntaa daar ki n bia sa fiir kuun ni.” Ki li ji biir u poorpoweiteeb para ni bonchiann.

Matiu 17:9

Ba nyii jɔɔr na paak ki sik yoonba, ki Yisa kpaamm a “I daa beer sɔɔ linba ki i la na, ki saa tuu yoo nba ki min nisaarik Bik na tan sa fiir kuun ni.”

Matiu 20:19

Bi tan sa jiin ki tur binba ki tee Juu teeb a bii fiakin, ki boon kpaasir, ki kpaa tabinin dapunpunn paak ki man kpo, ŋaan ki li daa ŋanntaa daar, n bia sa fiir kuun niwa.”

Matiu 27:63

“Chanbaa, ti tian nan faak daanɔ maŋ nba daan be na, u yet a li-i tee ki u taŋŋi kpo, a ŋaan daa ŋanntaa daar u bia sa fiir kuun niwa.

Barŋanii nba ki MAK din sɔb nae na 16:6

Ki naasinbik maŋ yetib a “I daa jee siar mani. N mi nan i loon Nasaret nirɔ Yisa nba ki bi kpiiu dapunpunn paak nee. U kaa nna; u fiir kuun niwa. Gotir man ba daan birɔ siaminba na.

Barŋanii nba ki MAK din sɔb nae na 8:31

Ki Yisa ji want u poorpoweiteeb a “See ki min nisaarik Bik dii fara bonchiann, ki saakab nan Yennu jiantu yudamm nan sennu wannteeb-n tan yêtin, ki bia kpin; ŋaan li daa ŋanntaa daar ki n sa fiir kuun ni biak.”

Barŋanii nba ki LUK din sɔb nae na 24:12

Ŋaan ki Piita ŋanin din fiir ki chiar saan kaauk na boor, ki saa tibin ki got ki la kuun chinchenn na ki li dɔɔ li kuukɔɔe; ki u ji ŋmat kun ŋaak ni nan yaarlituk nan linba teen maŋ paak.

Barŋanii nba ki LUK din sɔb nae na 24:23

bi saa ki la u gbananti. Ba jen yoonba ki bi betit a ŋamm saa la Yennu malakanba nan bi numm; ki malakanba maŋ yetib a Yisa jen u manfoor niwa.

Barŋanii nba ki LUK din sɔb nae na 24:44

Ŋanne ki u betib a “I tian man n mɔmaan nba ki n daan wanti ma daan be i boor ni yoonba na, a n barii kur nba sɔb Moses sennu ni, nan Yennu sɔkiniinba sɔbu ni, nan Yennu gbouŋ nba ki bi yi yanii na nɔɔk ni, a li kpaa talas nan li kur-n tan mantik tun ki gbenn.”

Jɔɔnn 10:17

“N Baa Yennu loonin, kimaan n yaa n nyinn n manfoor, ki li poorpo ki n bia sa ŋamm la n manfoor maŋ.

Jɔɔnn 2:19

Ki Yisa jiin a “Tɔn, yi yeer Yennu jiantu diiuk na, ŋaan daa ŋanntaa sinsuuk ni n sa maar kaar.”

Toona 2:24

“Wa daan kpo ki daa be kuun nii ni na, ki Yennu fatɔ ki fiinɔ kuun ni, kimaan kuun ki fit diau.