Matiu 27:4 - Yennu Gbounpaauŋ Mɔɔr

⁴ ŋaan yet a “N tun biita, kimaan n fikis wunba kaa biita.” Ŋanne ki bi jiin ki boiɔ a “Ti baka mun ji be linba na ni-ii? Li ji tee a maame.”

Yennu Gbouŋ Mɔɔr

⁴ ŋaan yet a “N tun biita, kimaan n kɔi wunba kaa biita.” Ŋanne ki bi jiin a “Ti baka mun ji be linba na ni-i? Li tee a maame.”

Matiu 27:4 ပူးပေါင်းရင်းမြစ်များ

Matiu 27:19

Pailat nba daa kar buut kok paak na, ki u ŋaapoo tun toomii ki tan betɔ a “Nyint a nuu Yennu nifopeemɔ na maan ni, kimaan nyiɔk na n won la daamuk bonchiann n daamiit ni u paak.”

Matiu 27:54

Ki lanjimanba yudaanɔ na, nan u lanjimanba nba pukin u paak ki bi guu Yisa na nba la nna yoonba, nan tiŋ dammu na, ki jaŋmaanii soorib bonchiann, ki bi yeen beer bi leeb a “Barmɔniie, jɔɔ na set tee Yennu Bijae.”

Barŋanii nba ki LUK din sɔb nae na 23:22

Ki Pailat boib taar munntaa ni, “Bee paake? U biit mantik tee lannpoe? N ki la linba ki u tumi ki li jaŋ nan kuunkpinu. Ŋannimi n sa boou kpaasire, ŋaan ŋaau ki wun saan.”

Barŋanii nba ki LUK din sɔb nae na 23:41

Timm ŋanin ŋan nan li tubdatu, kimaan bi jiintit pankpera nba ki ti tuu tuun na paake;”

Barŋanii nba ki LUK din sɔb nae na 23:47

Ki lanjimanba yudaanɔ nba la linba teen na, ki u pak Yennu ki yet a “Barmɔniie, jɔɔ na set tee popeendaanɔe.”

Jɔɔnn 19:7

Ki Juu teeb yudamm na jiin yaa a “Ti mɔk sennsau, ki sennu maŋ want nan u kpan lek tee wun kpoe, kimaan u yaa a u tee Yennu Bijae.”

Toona 13:28

Bi din ki la u bisiat nba tee linba paak ki bi yaa bin kpiu, ŋaan lek bia yaa a Pailat-n kpiu.

Rom Teeb 3:19

Tɔn, ti mi nan Yennu sennu-i yet linba, li yeen ki teen binba be li yikoo ni, li paake ki niib kur sii muu bi mɔi, ki tingbouŋ na teeb kur be Yennu buut ni, ki u tɔɔnn sɔɔ kaa ki mɔk mɔnii.

1 Timoti 4:2

Binba want li kpinkpannii wannu na fa faak, ki bi dudukit ji ki mukisib li paaki.

Taitus 1:16

Bi yi bi mɔŋ Yenmiirae, ŋaan ki bi toona want nan bi ki sak bann Yennu. Bi tee mɔyêtdamme, ki ki pent Yennu par ni, ki kan fit tun toonŋansiari.

Hiibru teeb 7:26

Li paak, Yisae tee ti mantɔɔ nba jaŋ nan ti sommir. Ŋɔɔe tee popeendaanɔ, ki ki mɔk bisiati; u be u kɔɔe nan biitdamm, ki Yennu donnɔ ki gar Yendɔuŋ ni teeb kura.

1 Piita 1:19

ŋaan u jii Yisa Masia sɔn nba ŋan gar likirii kura; ki li tee kaman nan mannu pebik nba ki mɔk biit amii dɔk u paak nee.

1 Jɔɔnn 3:12

Li ki ŋan ki tii be kaman nan Keenn nba din be biaŋinba na; ŋɔɔ din tee bonbiiuk daanɔ Sintaanii yɔɔe, ki din kpii u waarɔ. Bee paake te ki u din kpiiu? U din la u waarɔ tuun toonŋana, ŋaan ki u yar bi.

Fiitu 11:10

Tingbouŋ na niib sii mɔk parpeenn bonchiann niib bannlee na kuun paak, ki bi sa jerin ki pi bi leeb piinii, kimaan bee paaki, sɔkiniinba bannlee na te ki tingbouŋ na niib dii fara bonchiann.