Matiu 27:2 - Yennu Gbounpaauŋ Mɔɔr

² Ki bi lorɔ ŋmii ki jiiu ki saan nanɔ tiŋ yudaanɔ nba ki bi yiu Pailat na boor ni.

Yennu Gbouŋ Mɔɔr

² Ki bi baanɔ bant ki saan nanɔ tiŋ yudaanɔ nba ki bi yiu Pailat na boor.

Matiu 27:2 ပူးပေါင်းရင်းမြစ်များ

Matiu 20:19

Bi tan sa jiin ki tur binba ki tee Juu teeb a bii fiakin, ki boon kpaasir, ki kpaa tabinin dapunpunn paak ki man kpo, ŋaan ki li daa ŋanntaa daar, n bia sa fiir kuun niwa.”

Matiu 28:14

ŋaan li-i tee ki tiŋ yudaanɔ na gbat nnaie, timm sa dɔkin i paak u boor ni ki nyinni.”

Barŋanii nba ki LUK din sɔb nae na 13:1

Li yoo na ki nisiab din baar ki yet Yisa ki jikit saa Galilee teeb kpinu po, binba ki Pailat din kpiib yoo nba ki bi din mann marouŋ ki teen Yennu na.

Barŋanii nba ki LUK din sɔb nae na 20:20

Li paak, ki bi ji din waa pikiiɔ, ŋaan bia tun pikiiteeb binba kpann a bi tee popeendamme, a bin la u mɔbonkpetir nba tee linba, ki fit lian soorɔ ki teenɔ tiŋ yudaanɔ nuu ni.

Barŋanii nba ki LUK din sɔb nae na 23:1

Ŋanne ki niib na kura din fiir ki jii Yisa ki saan nanɔ Pailat boor.

Barŋanii nba ki LUK din sɔb nae na 23:12

Li daar maŋ ki Pailat nan Herod soor leeb naasinyɔɔsir, kimaan bi din tuu tee dataie sinsinn tuuk.

Barŋanii nba ki LUK din sɔb nae na 3:1

Yoo nba ki kpanbara yudaanɔ Taiberius din dii naan bina piik nan ŋaŋŋmu, ki Ponshus Pailat mun din tee Judea yudaanɔ, ki Herod mun din tee Galilee batsaakɔɔ, ki u waarɔ Filip mun din tee Iturea nan Trakonitis batsaakɔɔ, ki Laisanias din tee Abilene batsaakɔɔ,

Jɔɔnn 18:12

Ŋanne jik ki lanjimanba nan bi yudaanɔ nan Juu teeb yudamm toontunna na soor Yisa, ki lorɔ,

Jɔɔnn 18:24

Li yooe ki Annas te ki bi jii Yisa ki saan nanɔ Kayafas wunba tee Yennu jiantu yudaanɔ na peŋ; ki Yisa bia lek daa lor nan ŋmiit.

Jɔɔnn 18:28

Kayafas nba din boi Yisa buboit ki gbenn na poorpoe, ki Juu teeb yudamm jiiu ki saan nanɔ tiŋ na yudaanɔ nba ki bi yiu Pailat na ŋaak ni. Li din tee sanyapob nie. Ki Juu teeb yudamm maŋ ki loon ki bin kɔɔ ŋaak maŋ ni, kimaan bi din loon bin dia bi mɔŋe bonŋann Yennu boor ni, a ki bin tan fit lian di yukitgar tiaru jaamm.

Toona 12:6

Tɔn, ki Herod din dukii nan li-i yent sanyiɔk u sa nyinn Piita ki kpiu; ki li daar nyiɔk maŋ ki Piita lor nan jarit ŋannlee, ki gɔɔnt guura bannlee na sinsuuk ni, ki guura maŋ siab mun din guu dansarik diiuk na tammɔb.

Toona 21:33

Ki lanjimanba yudaanɔ na saan soor Pɔɔl, ŋaan tur mɔb a bin baanɔ jarit ŋannlee, ŋaan boib a “Nirɔ na tee ŋmee? A u biir bia?”

Toona 22:25

Ki bi lorɔ, ŋaan ji yaa bin boou. Ŋanne ki u boi lanjimanba saakabik nba see leŋ na a “Min nba ki Rom teeb chabin yaak, ya daa ki bu n buuti, sennu na chabi a yin boomii?”

Toona 22:29

Li taakpaak ni na, ki lanjimanba nba bo loon ki bin boi Pɔɔl boot buboit na ji furin, ki ŋmat potuntuna jik. Ki jaŋmaanii ji soor lanjimanba yudaanɔ na, kimaan wa ji bann nan Rom teeb chab Pɔɔl bi yaak na, nan wa bia te ki bi lorɔ na paak.

Toona 24:27

Tɔn, bina ŋannlee poorpo ki Posius Festus mun gaar Fiiliks setu ki gaar yudant maŋ. Fiiliks nba din yaa wun nyik toonn na, ki u din loon ki wun penn Juu teeb para, ki ŋaan ki Pɔɔl be dansarik ni.

Toona 28:20

“Li paake te ki n yiini ma n tan lai ŋaan beti labaar na po. Ma mɔɔntir Yennu Niganntɔɔ po na, wunba ki Juu teeb daan dindann na poe, ŋanne te ki bi baanin jarit na.”

Toona 3:13

Yennu nba din tee Abraham nan Aisak nan Jakɔb nan ti yejaleeb Yennu na, ŋɔɔe tee daanɔ nba donn u Toontunnɔ Yisa ki turɔ u mɔŋ yabint. Yisa maŋe ki i jiiu ki teenɔ ti yudamm nuu ni na, ki Pailat din poŋ bikin sinsinn a wun ŋaau, ki i bia yêtɔ Pailat boor ni.

Toona 4:27

“Li tee barmɔniie nan Herod nan Ponshus Pailat nan binba ki tee Israel teeb na nan Israel teeb daan set lakin doo na ni, ki lor lora a bin kpi a popeenn toontunnɔ Yisa, wunba ki a din gann ki sennɔ na.

Toona 9:2

a wun gaar kadaat, a ki saan Damaskus ki saa wann Yenjiantu diit yudamm, a wu sii la wunba waa Yisa sɔnu maŋ, jɔɔ amii poo, see wun soorib ki lorib ki jen namm Jerusalem.

1 Timoti 6:13

N kpaana kpaaniie Yennu nba teen bonsiar kura manfoor, nan Yisa Masia tɔɔnn po; ŋɔɔe din nyinn u mɔŋ siarŋann Ponshus Pailat numm ni; n kpaana kpaaniie, a fii dia Yennu sennu fanu ki biit-ii kaa mɔkmɔk nan daar nba ki ti Yomdaanɔ Yisa Masia na tan sa dɔkit.

2 Timoti 2:9

barŋanii maŋ paak, ki n be nan jarit ki di fara kaman nan biitdaanɔ na; Yennu barii maŋ ŋanin ki be jarit ni.

Hiibru teeb 13:3

Yii tian nisiab nba be dansarii ni na po kaman nan yimm nan ŋamme lakin be li ni; kii tian nisiab nba laat muksuk na po, kimaan i mun daa be tingbouŋ na ni nan i gbanante.