Matiu 26:61 - Yennu Gbounpaauŋ Mɔɔr

⁶¹ “Jɔɔ na daan yet a u mɔk yikoo ki sa fit bet Yennu jiantu ŋasaakak na, ŋaan bia maar daa ŋanntaa sinsuuk ni.”

Yennu Gbouŋ Mɔɔr

⁶¹ “Jɔɔ na daan yet a u mɔk yiikoo ki saa fit bet Yenjiantu ŋasaakak na, ŋaan bia jii daa ŋantaa ki maar.”

Matiu 26:61 ပူးပေါင်းရင်းမြစ်များ

Matiu 12:24

Ŋaan Farisiinba na nba din gbat nna maŋ, ki bi yaa a “Narinbiit bat Beelsebule teen jɔɔ maŋ yikoo a wuu nyint narinbiit niib ni.”

Matiu 26:62

Ŋanne ki Yennu jiantu yudaanɔ maŋ fiir set, ŋaan boi Yisa “Linba ki jab maŋ piak a po na, li paak tee bee? A ki mɔk li jiinu-uu?”

Matiu 26:71

ŋaan fiir nyii ki saa kar nanyer po. Ki ŋaak maŋ ni bonpoleek bia nyii lau, ki yet binba be leŋ na a “Jɔɔ na mun tuu yɔɔ be Yisa nba nyii Nasaret na boor ni.”

Matiu 27:40

ki yeen a “Fin nba yaa a a sa fit bet Yennu jiantu ŋasaakak na ŋaan bia maar daa ŋanntaa sinsuuk ni na, fine na, tint a mɔŋ. Li-i tee ki a set tee Yennu Bijaie, fan nyi dapunpunn na paak ki sik na.”

Matiu 27:5

Ki Judas jii likirii na ki lu Yennu jiantu ŋasaakak ni, ŋaan nyii ki saan saa jɔnn u mɔŋ ŋmiuk.

Barŋanii nba ki MAK din sɔb nae na 14:58

“Ti gbat ki u yet a u sa bet Yennu jiantu ŋasaakak nba ki niib din maa nan bi nii na, ŋaan li daa ŋanntaa sinsuuk ni ki u sa jii ki maar, ki li tan kii tee nirɔ nii kaa maa nanni.”

Barŋanii nba ki MAK din sɔb nae na 15:29

Tɔn, ki binba somm gaar leŋ na pakin bi yura ŋaan sukiiɔ, ki yeen a “Fini! A tuu yaa a sa fit bet Yennu jiantu diiuk na ŋaan bia maar daa ŋanntaa sinsuuk ni.

Barŋanii nba ki LUK din sɔb nae na 23:2

Leŋe ki bi ji din piin ki want u biit ki yeen a “Ti la nirɔ na ki u biir ti niib ki yaa a bi daa pa lampo kii teen Kpanbar Siisa, ki bia yeen a ŋɔɔe tee Yennu Niganntɔɔ Masia, ki bia tee kpanbar.”

Jɔɔnn 9:29

Ti mi nan Yennu din piak nan Moses, ŋaan nirɔ na ŋarin, ti ki mi wa nyii siami.”

Toona 17:18

Ki saakayandaansiab nna din be, ki bi yi bi yemm Epikurus teeb, ki leeb mun Stoik teeb, ki bi mun tan baar ki faa labaar nan Pɔɔl. Ki bi siab tan pak nan bi leeb a “Barifoouk daanɔ nba want u mɔŋ na mun yeen bee na?” Ki bi yemm jiin a “Li taan tee nan u piak digbangana yennii poe na.” Bi din yet nna maŋ, kimaan Pɔɔl mɔɔntir Yisa po nan u kuunfiiru po.

Toona 18:13

ki saa yet a “Jɔɔ na paant niib ba jiantir biaŋinba na, ki li mun biir ti sennu.”

Toona 22:22

Tɔn, Pɔɔl nba piak nna maŋ, ki niib na lek maak bi mɔŋ ki gbiint wa pak linba maŋ, ŋaan wa tan pak joont ki bi ji ki saki, ki tian tintianii sanpaapowa a “Jɔɔ na ki ŋan nan wuu be tingbouŋ na ni. Yimm taan lek kpimɔ man.”