Matiu 26:29 - Yennu Gbounpaauŋ Mɔɔr

²⁹ N beerie, n kan mi nyu tilɔɔna nyun maŋ, see daar nba ki min nan yimm tan sa lakin nyu li bonpaann n Baa Yennu naan ni sanpaapo.”

Yennu Gbouŋ Mɔɔr

²⁹ N beerie, n ji kan mi nyu tilɔɔna nyun na, see daar nba ki min nan yimm tan saa lakin nyu li bonpaann, n Baa Yennu naan ni.”

Matiu 26:29 ပူးပေါင်းရင်းမြစ်များ

Matiu 13:43

Ŋaan li yoo maŋ, yentina kur tan sii be bi Baa Yennu naan niewa ki nyirii kaman nan yennu nba nyirii na. Wunba mɔk tuba, wun gbiint.

Matiu 16:28

Barmɔniie ki n beeri na, siab be nna, ki daa kan kpo see ki bi tan la min nisaarik Bik naan dinu baaru.”

Matiu 18:20

Kimaan siaminba ki niib bannlee amii banntaa taan lakin n sann ni, leŋe ki n mun bia be bi sinsuuk ni.”

Matiu 25:34

Ki min, Bat na, sa yet binba see n nuudiitu po na a ‘Yimm nba ki n Baa Yennu senn mɔsonŋann i paak na, i saana man ki tan kɔɔ naan nba ki Yennu din ŋamm ki guuni dunia piinu niwa na,

Matiu 26:28

Linba nee tee n sɔn nba sa te ki Yennu mɔsonn-n set nan barmɔnii, sɔn nba tan sa nyi n gbanant ni, nisaarii bonchiann paak, a Yennu-n nyik chab bi biite na.

Matiu 26:30

Ŋanne ki bi din yin Yenjiantu yanii, ŋaan nyii ki saan Olif Tiinii kunkonn paak.

Matiu 28:20

ki wannib ki bin sak linba ki n wanni na kura. Ŋaan yii tian man nan n sii be i boor ni yoo kura mɔkmɔk nan dunia gbennu.”

Barŋanii nba ki MAK din sɔb nae na 14:25

Barmɔniie ki n beeri na, n ji kan mi ki nyu tilɔɔna nyun na see daar nba ki n tan sa nyu li nyunpaann Yennu naan ni na.”

Barŋanii nba ki LUK din sɔb nae na 12:32

“N niib nba ki yab na, i daa tiin jaŋmaanii, kimaan i Baa Yennu yaa wun turi naan maŋ, ki bia mɔk parpeenn nan wa sa turi na paak.

Barŋanii nba ki LUK din sɔb nae na 15:32

Li poŋ ŋan nan tin teen jaamm kii mɔk parpeenn, kimaan n tuu mi a a waarɔ kpoe, ŋaan ki u be; ki bia mi a u bote, ŋaan ki u tan jenna.’ ”

Jɔɔnn 15:11

“N pak na ki turi a n parpeenn na boorue mantik-ii be i ni, ki saa yakir.

Jɔɔnn 16:22

Li tan sii tee i mun nnee; mɔtana ya mɔk parbiir na, ŋaan n bia tan sa laiwa, ki i para tan sa penn bonchiann, ki sɔɔ kaa ki tan sa nyinn parpeenn maŋ i ni.

Jɔɔnn 17:13

Ki mɔtana n baat a peŋe; ki ma daa be tingbouŋ na ni na, n piak linba na ki teemm, a bin fit lian la n parpeenn na booru ki saa yakir.

Toona 10:41

Ŋaan niib kur kaawa din laatɔ. Li din tee timm nba ki Yennu gannit a tii tee u siara damm nee din laatɔ, ki bia din tuu di ki nyu nanɔ u kuunfiiru poorpo maŋ.

Hiibru teeb 12:2

Ŋaant ki tin kpan kpaa ti ninbina Yisa paak; ŋɔɔe ki ti yada gaa u paak li pinpiik niwa nan li joontu ni na. Dapunpunn na din ki te ki u nyik u yabiru, kimaan parpeenn nba din baat u paak na paak, u din ki dukin ki li mɔkɔ fei nan wun kpo li dapunpunn paaki, ŋanne te ki u ji kar Yennu naangbouŋ paak u nuudiitu po mɔtana.

Fiitu 14:3

Ki niib tuskobik nan tuspiinna nan tusa ŋanna maŋ see naangbouŋ nan bonfoa banna na nan saakab na tɔɔnn po ki yiin yanpaanii nba ki sɔɔ ki fit tumii, see niib maŋ nba ki Yennu gannib tingbouŋ na ŋaateeb ni ki tinnib na kuukɔɔ.

Fiitu 7:17

a ki Pebik nba be naangbouŋ na tɔɔnn na sii guub, ki chiamm saan namm nyunbuur nba teen manfoor na ni, a ki Yennu sa fiar bi ninnyuut kur.”