Matiu 26:28 - Yennu Gbounpaauŋ Mɔɔr

²⁸ Linba nee tee n sɔn nba sa te ki Yennu mɔsonn-n set nan barmɔnii, sɔn nba tan sa nyi n gbanant ni, nisaarii bonchiann paak, a Yennu-n nyik chab bi biite na.

Yennu Gbouŋ Mɔɔr

²⁸ Linba nae tee n sɔn nba gbeen Yennu mɔlor na, sɔn nba tan saa nyi n gbanant ni, nisaarii bonchiann paak, ki Yennu n nyik chab bi biite na.

Matiu 26:28 ပူးပေါင်းရင်းမြစ်များ

Matiu 20:28

kaman nan min nisaarik Bik nba tee biaŋinba na, kimaan n ki baar ma niib-n tun turin kaa, ŋaan n baar ma n tun ki tur niibe, ki bia kpo a n te ki niib bonchiann-n la tinnu.”

Matiu 26:27

Ki u bia din jii nyunyuŋmaŋ nan tilɔɔna nyun, ki tur Yennu niipoouk li paak, ki jiir ki turib ŋaan betib a “Gaat man, ki i kura-n nyu.

Matiu 26:29

N beerie, n kan mi nyu tilɔɔna nyun maŋ, see daar nba ki min nan yimm tan sa lakin nyu li bonpaann n Baa Yennu naan ni sanpaapo.”

Matiu 6:12

Nyikin chab ti toonbiit kaman nan ta mun nyikit ki chabit binba tuumit biit biaŋinba na.

Barŋanii nba ki MAK din sɔb nae na 1:4

Jɔɔnn nba din wuur niib Yennu nyunwuru na din be muuk ni, ki mɔɔntir ki teen niib a bin nyik bi biit ki wun wurib Yennu nyunwuru ki Yennu-n nyik chab bi biit.

Barŋanii nba ki MAK din sɔb nae na 14:24

Ki u yetib a “Linba nee tee n sɔn nyinn; ki n sɔn na sa nyi n gbanant ni nisaarii bonchiann paak, ki wann nan Yennu senn mɔsonpaann.

Barŋanii nba ki LUK din sɔb nae na 22:19

Ŋanne ki u jii boroboro ki tur Yennu niipoouk li paak, ki ŋmit ŋmit ki turib ŋaan yetib a “Nee tee n gbanant ki n yaa n tur ki bin kpir i paak na. Yii yɔɔ kii tee nna kii tian n po.”

Barŋanii nba ki LUK din sɔb nae na 22:20

Ki dinu na poorpoe ki u bia jii nyunyuŋmaŋ na nan tilɔɔna nyun na, ŋaan yetib a “Tilɔɔna nyun na tee Yennu mɔsonn lorpaanne, linba ki n lor nan n sɔn, ki li luun i paak.

Rom Teeb 5:15

Ŋaan bi bannlee na ki jan, kimaan Yennu piinii nba ki u pit yann na ki tee kaman nan Adam toonbiit na kaa. Li tee mɔniie nan niib bonchiann kpo niyenɔkɔɔ toonbiit paake; Yennu ninkpabauŋ yab, ki u piinii nba ki u teen niib bonchiann ki li nyii yenɔkɔɔ Yisa Masia ninkpabauŋ na mun bia yab.

Rom Teeb 5:19

Niyenɔkɔɔ nba ki bi yiu Adam na mɔyêtuk paake te ki niib kur teen biitdamm; li mun tee nnee nan niyenɔkɔɔ nba ki bi yiu Masia na mɔsaku paake te ki niib bonchiann teen niŋamm Yennu boor.

1 Korint teeb 11:25

Jeet na dinu poorpo, ki u bia jii nyunyuŋmaŋ nan tilɔɔna nyun, ŋaan yetib a “Tilɔɔna nyun na tee n sɔn nyinn, ki wann nan Yennu senn mɔsonpaann ki tur niib; a ki yoo nba kur ki i yaa i nyu, nyun man kii tian n po.”

Efesus teeb 1:7

Kimaan Yennu nyik chab ti biit ki nyinnit daabsin ni u Bilonkak maŋ sɔn paake.

Kolosa teeb 1:14

U Bija maŋ paak ki u nyik chab ti biit ŋaan nyinnit daabsin ni.

Kolosa teeb 1:20

Li paak, u Bija maŋ paake ki Yennu te ki bont kur nba be sanpaapo nan tiŋ ni ŋamm teemm u yɔɔsinba nan parmaasir; ki sɔn nba nyii u Bija maŋ ni dapunpunn paak na paake ki u te ki parmaasir be timm nan ŋɔɔ Yennu sinsuuk ni.

Hiibru teeb 10:29

Li paak, nirɔ nba fiak Yennu Bija maŋ ki ki baakit sɔn nba ŋamm Yennu mɔlor ki nyinnɔ u biit ni na, ki sukii burchinseyeeŋ na, bikint li yɔɔ nba tan sa jaŋ nan tubdatbiiuk nba.

Hiibru teeb 13:20

Yennu nba teent parmaasir nae din fiin ti Yomdaanɔ Yisa kuun ni. Ŋɔɔ Yisae tee ti guutɔjaann na, kimaan u din kpo, ki u sɔn ŋamm Yennu mɔlor nba sii see yoo nba kaa gbennu;

Hiibru teeb 9:28

Li paak, Masia nba din jii u mɔŋ mann marouŋ yomkɔɔ ki nyinn nifosaarii bonchiann biit na tan sa jena, ki ji tan kan boi biit po kaa, ŋaan u tan sa tinn binba guu-u nan bi para kur nee.

1 Jɔɔnn 2:2

Ki wa din sik ki tan gaar ti paak ki kpo na, ŋɔɔe ji teen ti marouŋ Yennu boor ni ti toonbiit paak; ki u marouŋ maŋ, li ki tee timm Masiaweira kuukɔɔ toonbiit paak kaa, ŋaan li tee timm nan tingbouŋ na ŋaateeb kur toonbiit paake.

Fiitu 7:14

Ki n jiin ki yetɔ a “Chanbaa, fine mi, ŋaan min ki mi.” Ki u yetin a, “Niib na nyii fargbeŋŋir na nie, ki wuur bi liatfɔkit na Pebik na sɔn ni ki li ji peen,

Fiitu 7:9

Li poorpoe ki n got ki la niburchiauŋ ki bi kaa kanni, ki nyii tingbouŋ na yent kur ni, nan nibooru booru kur ni, nan maaru kur ni, nan mabooru kur ni, ki lia liatfopeenii ki see naangbouŋ na nan Pebik na tɔɔnn po, ki dia dia biabfaat bi nii ni, ki yikin nan kunkɔsaakara ki yeen a,