Matiu 26:24 - Yennu Gbounpaauŋ Mɔɔr

²⁴ Min nisaarik Bik set sa kpo kaman nan Yennu gbouŋ nba wann biaŋinba nee, ŋaan bonbiir sii be wunba yaa wun nyi n poor na paak. Bi-i bo-i diŋŋi kii mar li daanɔ gbaa, li bo din sɔ.”

Yennu Gbouŋ Mɔɔr

²⁴ Min nisaarik Bik set saa kpo nan Yennu gbouŋ nba wann biaŋinba nae, ŋaan bonbiir sii be wunba yaa wun nyi n poor na paak. Bi-i bonni kii mar li daanɔ gbaa, li bo sɔ.”

Matiu 26:24 ပူးပေါင်းရင်းမြစ်များ

Matiu 18:7

Bonbiir sii be tingbouŋ na teeb nba kpann bi leeb ki bi tuun toonbiit na paak. Jinjammii set sa baar, ŋaan li sii bi ki teen wunba te ki jinjammii baat niib paak.

Matiu 26:31

Li yoo na ki Yisa din betib a “Nyiɔk na, i kura sa tin ŋaan nyikima, kimaan li sɔb Yennu gbouŋ ni a ‘Yennu tan sa kpi pekpaarik na, ki pei nba ki u tuu kpaarib na sa tin yat.’

Matiu 26:54

Ŋaan mi-i teen nna, nlee ki li sa tun ki gbeen linba sɔb Yennu gbouŋ ni ki yet a see ki n di fara nba baat na?”

Matiu 26:56

Ŋaan linba na kur tun na a lin gbeen Yennu sɔkiniinba nba din sɔb linba Yennu gbouŋ ni nee.” Li yoo ki u poorpoweiteeb na kur chiar ŋaan nyikɔ.

Barŋanii nba ki MAK din sɔb nae na 14:21

Min nisaarik Bik set sa kpo kaman nan la sɔb Yennu gbouŋ ni biaŋinba nae, ŋaan bonbiir sii be daanɔ nba yaa wun nyi n poor na paak. Bi-i diŋŋi bo-i kii mar li daanɔ gbaa, li bo din sii sɔ u po.”

Barŋanii nba ki MAK din sɔb nae na 9:12

Ki Yisa betib a “Elaija set baar sinsinn na a wun tan ŋamm bonsiar kur fanu. Ŋaan li bia sɔb nlee Yennu gbouŋ ni? Li sɔb a see min nisaarik Bik lek tan dii fara bonchiann, ki niib bia tan sa siannin.

Barŋanii nba ki LUK din sɔb nae na 22:22

Min nisaarik Bik set yaa n kpo kaman nan Yennu nba senn biaŋinba nee, ŋaan bonbiir sii be wunba yaa wun nyi n poor na paak.”

Barŋanii nba ki LUK din sɔb nae na 24:46

ki yetib a “Li sɔb a Yennu Niganntɔɔ Masia sa di fara ki kpo ki tan fiir kuun ni daa ŋanntaa daar;

Jɔɔnn 17:12

Ma daa be namm na, n diab fanu nan a sann nba ki a din purin na ni. N baak bi paak, ki bi ni sɔɔ ki teen yanni, see wunba tee Sintaanii yɔɔ na. Wa teen yann na, li tee kaman nan la sɔb Yennu gbouŋ ni biaŋinbae.

Jɔɔnn 19:24

ki bi yet bi leeb a “I daa pati. Ŋaant ki ti tɔ tiatia ki laan wunba sa yentir.” Li din teen nna, a Yennu gbouŋ nba din yet nna, lin fit lian gbee a “Bi chent n tiat, ki bia tɔ tiatia n tiŋ po liatfouk paak.” Nnee ki lanjimanba na set din tun.

Jɔɔnn 19:28

Li poorpoe, Yisa din mi nan bonsiar kur nba ki u din tuun na, li ji gbenna, ŋaan yet a “Nyunyukiru mɔkin.” U yet nna a lin gbeen linba sɔb Yennu gbouŋ ni na.

Toona 2:23

Ŋaan Yennu mi linba yaa lin tan teen. Li paak, ki u dɔŋ lor lor ki kubinɔ i nuu ni, ki i te ki biitdamm kpaa tabinɔ dapunpunn paak ki kpiiu, ki li want nan yimme set kpiiu.

Toona 28:23

Li paak ki bi senn daar. Ki niib bonchiann tan baar Pɔɔl peŋ daar maŋ ni. Ki u kat wannib nan nunmɔnn Yennu naan po, sanyiɔk ni mɔkmɔk nan dajouk, ki wantib Yisa barii nba be Moses sennu ni nan Yennu sɔkiniinba sɔbu ni biaŋinba, ki yabii a wun tunn niib na yan ki jiin Yisa po.

Toona 4:28

Ŋanne ki bi lakin, a bin tun linba kur ki a poŋ din dukin a yanbɔɔt ni nan a paŋ, ki yaa li tan sa teen na.

1 Korint teeb 15:3

Kimaan n din beti labaar nba ki n mun din gaar na, ki li tee barjaann ki gar barii kura; a Masia din gaar timm biit damm paak ki kpo, kaman nan la sɔb Yennu gbouŋ ni biaŋinba na;