Matiu 25:4 - Yennu Gbounpaauŋ Mɔɔr

⁴ ŋaan ki sapaansubindamm na ŋanin din jii kpan ki liak liak salena ni ki dia pukin bi fita po.

Yennu Gbouŋ Mɔɔr

⁴ ki sapaansubindamm na ŋarin jii kpan ki liak salena ni, ki dia pukin bi fita po.

Matiu 25:4 ပူးပေါင်းရင်းမြစ်များ

Matiu 10:16

“Gotir man, n tuumi ki i sii tee kaman nan pei nba be kinkata sinsuuk ni. Yii sub man kaman nan walabirii na, ŋaan kii be soonna kaman nan ŋmana na.

Matiu 25:2

Sapaamm maŋ ni baŋŋmu din tee jatite, ki baŋŋmu mun din tee subindamm.

Matiu 25:3

Sapaanjata na din jii bi fita, ŋaan ki jii kpan ki guun bi mɔŋi,

Matiu 25:5

Pooyookir sɔrɔ maŋ din ki baar yiami, ki gɔɔn tan soor sapaamm na kura, ki bi gɔɔn.

Matiu 7:24

“Li paak, wunba kur gbia n maan na ki waa-r fanu, n sa nannɔ nan yandaansɔɔ nba din maa u ŋaak tanpiiuk paak nee;

Jɔɔnn 3:34

Yennu Bija nba ki u tumɔ na, wa piak maan nba na, li tee Yennu maame, kimaan Yennu tur u Bija maŋ Seyeeŋ nba yab ki kaa bikinu.

Rom Teeb 8:9

Yennu Seyeeŋ-i set be i ni, i benu ki waa nisaarik loommu, ŋaan li waa Yennu Seyeeŋ na loomme. Wunba ki mɔk Masia Seyeeŋ maŋ u ni, li daanɔ ki tee Masia yɔɔ.

2 Korint teeb 1:22

Ŋɔɔe jii u Seyeeŋ ki teen ti para ni, ki jii u dɔk ki dɔk ti paak, ki li want nan u tan sa turit linba kur ki u lor nawa.

1 Jɔɔnn 2:20

Yisa Masia, popeendaanɔ nee, sikin u Seyeeŋ i paak, ki u te ki i kur mi wannu nba took.

1 Jɔɔnn 2:27

ŋaan yimm ŋarin, Yisa sikin u Seyeeŋ maŋ i paaka. Seyeeŋ maŋ nba biar be i ni na, i ji kii loon ki sɔɔ-n wanniini, kimaan Seyeeŋ maŋ mɔŋe wanti bont kura, ki u wannu maŋe tee barmɔnii wannu, ki li ki tee faak wannu kaa. Li paak, yii gaa Yisa paak man kaman nan Seyeeŋ maŋ nba wanti biaŋinba na.

Juud 1:19

Li niboorue baat nan bɔkitu i sinsuuk ni; bi gbanant loomm kuukɔɔe diab, Yennu Seyeeŋ kaa bi ni.