Matiu 25:34 - Yennu Gbounpaauŋ Mɔɔr

³⁴ Ki min, Bat na, sa yet binba see n nuudiitu po na a ‘Yimm nba ki n Baa Yennu senn mɔsonŋann i paak na, i saana man ki tan kɔɔ naan nba ki Yennu din ŋamm ki guuni dunia piinu niwa na,

Yennu Gbouŋ Mɔɔr

³⁴ Ki min Bat saa yet binba see n niidiitu po na a ‘Yimm nba ki n Baa Yennu teen piisin i paak na, ii saana man ki tan kɔɔ naan nba ki Yennu ŋamm ki guuni durinya piinu niwa na,

Matiu 25:34 ပူးပေါင်းရင်းမြစ်များ

Matiu 13:35

U tun nnee a linba ki Yennu sɔkiniisɔɔ din sɔkin na, lin teen gbeen, a “N tan sa yaat n mɔb ki yet nan barjokite, ki pak fiit wann woonin ni bona nba din woon ki ki nyii paanu dunia piinu niwa ki tan tuu mɔtana na.”

Matiu 19:29

Ki wunba kur nyik u ŋaak, amii u yɔɔrib, amii u waarii, amii u baa, amii u naa, amii u waas, amii u kpaant, n sann paak, u tan sa la bona booru booru kobik, ki bia la manfoor nba kaa gbennu.

Matiu 20:23

Ki Yisa betib a “Tɔn, i set sa jii n jikpiatir nawa; ŋaan n ki mɔk yaak nba sa gann wunba tan sa kar n diitu po amii n niigaŋ po, kimaan n Baa Yennu mɔŋ mɔŋe gann binba tan sa kar li kinkaanii paak.”

Matiu 21:5

“Yetir Sion doo teeb a ‘Gotir man, i bat nee baat i boor ni na. U tee wunba sikint u mɔŋe ki jak boŋ nba set tee bonbik na paak.’ ”

Matiu 25:21

Ki u yomdaanɔ na betɔ a ‘N faan, a tee daabiŋanɔe, ki bia tuun fanu; fa dia waaminna fanu biaŋinba na, li paak, n sa jii saamewa ki teen a nuu ni. Parpeenn nba ki n mɔk na, li ji tee min nan fin yare.’

Matiu 25:23

Ki u yomdaanɔ yetɔ a ‘N faan, a tee daabiŋanɔe, ki bia tuun fanu; fa dia waaminna fanu biaŋinba na, li paak, n sa jii saamewa ki teen a nuu ni. Parpeenn nba ki n mɔk na, li ji tee min nan fin yare.’

Matiu 25:40

Ki min Bat na mun tan sa jiin ki betib a ‘Barmɔniie ki n beeri na, ya din tun linba ki tur wunba tee tatimɔɔ n naa waas na sinsuuk ni na yenɔkɔɔ, i din tuun ki teen mine.’

Matiu 25:41

“Li poorpo, n tan sa jiant ki bet binba see n nuugaŋ po na a ‘Yimm nibiit nba ŋan nan tubdatu na, seetir nna man. I saa man ki saa kɔɔ muu nba di ki kaa kpeenu nba ki Yennu din ŋamm ki guun Sintaanii nan u niib na ni,

Matiu 27:37

Ki bi sɔb ba yaa a u tun biit nba na, ki tabin u dapunpunn na yur paak. Ba din sɔb linba na ki li want a “Yisa nba tee Juu teeb Kpanbar nee na.”

Matiu 3:2

“Nyikin man i biit, kimaan Yennu naan dinu per na.”

Matiu 5:19

Li paak, wunba tan tun ki kpet Yennu sennu maŋ yennkɔɔ gbaa, ki bia wann leeb bonkpetir maŋ, u tan sa joont tarike Yennu naan ni; ŋaan wunba waa sennu maŋ fanu, ki bia want u leeb fanu, ŋɔɔe tan sii tee nijaann Yennu naan ni.

Barŋanii nba ki MAK din sɔb nae na 10:17

Yisa nba din nyii leŋ ki saa maŋ, ki jasɔɔ tin ki chetɔ ki tan gbaan u tɔɔnn ni, ŋaan boiɔ a “Wanntɔŋanɔ, n sa teen nlee ki tan la manfoor nba kaa gbennu?”

Barŋanii nba ki MAK din sɔb nae na 10:40

Ŋaan n ki mɔk yaak nba sa gann wunba tan sa kar n nuudiitu po nan n nuugaŋ po. Yennue gann binba tan sa kar li kinkaanii paak.”

Barŋanii nba ki LUK din sɔb nae na 11:28

Ki Yisa jiin yetɔ a “Binba gbia Yennu maan ki saakir, ŋamme ki parpeenn tee bi yar.”

Barŋanii nba ki LUK din sɔb nae na 11:50

a mɔtana nigbouŋ-n tan la tubdatu sɔkiniinba kur kpinu na paak. Kpinu maŋ din piin dunia namu yooewa,

Barŋanii nba ki LUK din sɔb nae na 12:32

“N niib nba ki yab na, i daa tiin jaŋmaanii, kimaan i Baa Yennu yaa wun turi naan maŋ, ki bia mɔk parpeenn nan wa sa turi na paak.

Barŋanii nba ki LUK din sɔb nae na 19:38

“Yennu mɔsonŋann be kpanbar nba baat nan ti Yomdaanɔ Yennu sann paak. Parmaasir be Yendɔuŋ ni; dont Yennu sann sanpaapo man.”

Jɔɔnn 1:49

Ki Natanael yetɔ a “Chanbaa, a tee Yennu Bijae, ki bia tee Israel teeb kpanbar.”

Jɔɔnn 12:13

Ki bi ji ŋat biabfaat ki chet a bin tookɔ, ki yikin wuyikinii sanpaapowa ki yaa a “Hosana, ti Yomdaanɔ, tintit mɔtana. Yennu mɔsonŋann-ii be daanɔ nba baat nan ti Yomdaanɔ Yennu sann ni. Yennu-n teen u mɔsonŋann timm Israel teeb kpanbar paak.”

Jɔɔnn 17:24

“N Baa, a turib mine, ki n loon ki bii taŋŋi be ma tan sii be siaminba, ki bin fit lian la fa dont n sann biaŋinba na, kimaan a din loonime yoo nba ki a daa din ki nan dunia na.

Jɔɔnn 19:15

Ki bi yakii kpayakit ki yaa a “Kpimɔ! Kpimɔ! Kpaamɔ dapunpunn paak.” Ki Pailat boib “I loon ki n kpaa i kpanbar ki kpiu-uu?” Ki Yennu jiantu yudamm na jiin a “Ti ki mɔk kpanbarsɔɔ see kpanbara yudaanɔ Siisa kuukɔɔ.”

Toona 15:18

Nnee ki ti Yomdaanɔ Yennu din yet, ŋɔɔ wunba te ki bi bann linba na yaayoo niwa.’ ”

Toona 3:26

Li paak ki Yennu gann u Toontunnɔ Masia maŋ ki tumɔ i boor ni sinsinn, a wun te ki i kur-n nyik i biit ki la mɔsonŋann maŋ.”

Rom Teeb 8:17

Ta set tee u waas na paak, ti sa la u bonŋann nba ki u bir ki guun u niib nawa; ti bia sa lakin nan Masia ki gaarira. Kimaan ti-i di fara Masia paak, u tan sa donnit u peŋa.

1 Korint teeb 15:50

N naa waas, n beerie nan gbanant nba tee nant nan sɔn na kan fit kɔɔ Yendɔuŋ ni; ki gbanant nba pɔɔk kan fit la manfoor nba kaa gbennu.

1 Korint teeb 2:9

Li sɔb Yennu gbouŋ ni a “Linba ki nirɔ ki la, ki bia ki gbati, ki bia ki dukin a li sa fit teen na, ŋanne ki Yennu teen siir ki guun binba loonɔ na.”

1 Korint teeb 6:9

I ki mi nan biitdamm tan kan kɔɔ Yennu naan ni-ii? I daa kpann i mɔŋ; binba tee joonbaarit amii bonchonchona amii patmannteeb amii jab nba mɔk niauŋ ki dɔɔ nan bi jaleeb

Galasia teeb 5:21

nan punponn, nan dayibu, nan bandakir, ki bia jii bonlia nba naan nna ki pukin; n ji beeri kaman nan ma poŋ beti biaŋinba na, binba tuun linba na kan mi di Yennu naami.

Efesus teeb 5:5

Li ŋan yii mi nan wunba tee bonchonchonn amii jakint daanɔ amii nianchiauŋ daanɔ, ŋamme kan la yiar Masia nan Yennu naan ni; ki nianchiauŋ tee kaman nan patmannu nee.

1 Tesalonika teeb 2:12

ki maant i para, ki lek tun kpaani a yii be binbensiak nba sa gboo Yennu numm. Ŋɔɔe yiini a wun kɔɔni u tiauŋ naan ni nan yentchiauŋ.

2 Timoti 2:12

Ti-i ŋammit yabii, ti mun tan sa di naan nanɔe; ŋaan ti-i yaa a ti ki miu, u mun tan sii yaa a u ki miti;

2 Timoti 4:8

Li paak, ki nyɔɔt nba tee yentinu nyɔɔt dɔɔ guun sanpaapo; ki ti Yomdaanɔ wunba bu niib buut nan barmɔnii na tan sa turin nyɔɔt maŋ Daar maŋ daar. U tan kan tur min kuukɔɔ kaa, ŋaan u tan sa tur binba kur mun loon ki wun jen na.

Hiibru teeb 1:14

Li paak, malakanba tee bee? Bi kur tee sei nba jiantir Yennue, ki ŋɔɔ Yennu tuumm a bii sommit niib nba la tinnu na.

Hiibru teeb 11:16

Ŋaan bi baka din be Yendɔuŋ ni digbann nba chee na poe. Ki li paak Yennu mɔk yuugontir nan bin yiinɔ bi Yennu, kimaan u poŋ din ŋamm dosaue ki guumm.

Hiibru teeb 4:3

Li paak, timm nba teen yada na, ti la foon maŋa. Li din tun kaman nan Yennu nba din yet biaŋinba na a “N wutoore doo, ki n por mɔb a ŋamm tan kan kɔɔ foon tiŋ nba ki n din bo sa turib na ni.” Ŋaan wa din tan yet linba na na, ki sɔɔ ki u poŋ tun u naamii toona gbenn pinpiik niwa.

Hiibru teeb 9:26

Li-i diŋŋi bo-i tee nnaie, ŋann la din nyii dunia namu pinpiik niwa u din bo sa di fara taar bonchiann. Ŋaan mɔtana, yoo nba ji tan per joontu na ki u din dɔkit a wun jii u mɔŋ ki mann marouŋ ki kpeen biit.

Jeems 2:5

N naa walonkai, gbiintir man, Yennue gann binba tee nandamm tingbouŋ na niib boor, a bin teen mɔkita u boor, kimaan bi teenɔ yada, ki teen u waas nba sa di naan nba ki u din senn mɔsonn a u sa tur binba loonɔ na.

1 Piita 1:9

Ya teenɔ yada na, li paak i la tinnuwa.

1 Piita 3:9

I daa tuun biit ki jiint biit paaki, i bia daa sukii ki jiint wunba sukiini, ŋaan kii jiinɔ a “Yennu-n senn mɔsonŋann a paak,” kimaan Yennu din yiini a yin gaar u mɔsonŋanne.

Fiitu 13:8

Niib kur nba be tingbouŋ na ni, ki bi sana ki sɔb manfoor gbouŋ ni yoo nba ki dunia daa din kaa na, bi sa jiant muuk ni bonkobuk na. Manfoor gbouŋ na tee Pebik nba ki bi din kpiiu na yare.

Fiitu 17:8

a bonkobuk nba ki n la na daan fo sianyoo, ŋaan ji ki fo, ŋaan sa nyi bootsunsuŋ nba kaa terik na ni ki do, ki sa saan siaminba ki u sa biir na boor; a ki niib nba be tingbouŋ na ni ki bi sana ki sɔb manfopaann teeb gbouŋ ni yoo nba ki dunia daa din ki piin na, sa got bonkobuk na lin bakitib, kimaan bee paake? bonkobuk na din fo, ŋaan ji ki fo, ŋaan bia tan sii fo;

Fiitu 19:16

Ki sansiar sɔb u liatir nan u pann paak a “Kpanbara kur Kpanbar, yomdamm kur Yomdaanɔ.”

Fiitu 21:7

a ki wunba nyann nyannu na, u sa gaar linba na n boor, ki n sii tee u Yennu, ki u mun sii tee n bik.

Fiitu 5:10

A bia te ki bi tee a naan ni niib binba tee manteeb, a bin tun Yennu toona; ki bi sii yen tingbouŋ na teeb.”