Matiu 25:1 - Yennu Gbounpaauŋ Mɔɔr

¹ “Yennu naan labaar tan sii tee kaman nan sapaamm piik nba din jii bi fita ki saa a bin saa took pooyookir sɔrɔ nee.

Yennu Gbouŋ Mɔɔr

¹ “Yennu naan labaar tee nan sapaamm piik nba din jii bi fita ki saa a bin took pooyookir sɔrɔ nae.

Matiu 25:1 ပူးပေါင်းရင်းမြစ်များ

Matiu 13:24

Ki Yisa bia din yimm barjouk na ki pukin a “Yennu naan tee kaman nan jasɔɔ nba din doo u kpaab ni ki saa bur diboorŋanii, ŋaan ŋmat kun.

Matiu 13:31

Ki Yisa bia din yimm barjouk na ki pukin a “Yennu naan tee kaman nan kanpotik binn nba ki nirɔ din jii ki bur u kpaab ni,

Matiu 13:38

Tingbouŋ nae tee kpaab na; ki diboorŋanii na tee Yennu naan ni niib; ŋaan ki dinatimii na mun tee Sintaanii niib.

Matiu 13:47

“Yennu naan bia tee kaman nan janlaauŋ nba ki bi tuu jii ki lu nyun ni ki soor janbooru booru nee.

Matiu 20:1

“Kimaan Yennu naan tee kaman nan ŋaadaanɔ nba din nyii sanyapob ni ki loon niib a wun jiib ki bin ko u kpaab nee.

Matiu 22:2

“Yennu naan tee kaman nan batsɔɔ nba din teen siir a wun teen poochianu jaamm ki tur u bija nee.

Matiu 25:7

Ki sapaamm piik na kura fiir ki ŋak ŋak bi fita na.

Matiu 3:2

“Nyikin man i biit, kimaan Yennu naan dinu per na.”

Matiu 5:16

Yimm mun-ii be nna; ŋaant ki i yentu-n yent tur nifosaarii, a bii laat i toonŋana kii dont i Baa Yennu nba be Yendɔuŋ ni na.

Matiu 9:15

Ki Yisa din jiin ki boib a “Poochianu-i be, saamm sii mɔk parbiir yoo nba ki pooyookir sɔrɔ daa be bi boor ni nawa-aa? Aaii. Ŋaan yoo baat na, ki bi tan sa nyinn pooyookir sɔrɔ na bi boor; li yooe ki bi sa lor mɔi.

Jɔɔnn 18:3

Ŋanne ki Judas tan baar kpaab maŋ ni nan lanjimanba, nan Yennu jiantu yudamm nan Farisiinba toontunna; ki bi din dia jatiat nan fita nan mulanbaabii.

Jɔɔnn 3:29

Poosɔrɔe tee wunba yen pooyookir na. Wunba tee poosɔrɔ na yɔɔk ki be u boor ki gbiintirɔ, ŋɔɔe mɔk parpeenn poosɔrɔ na kunkɔr paak. Nnee ki n mun set mɔk parpeenn bonchiann Masia na paak.

Toona 20:8

Ti din tikir ditɔɔtuk nna nie, ki bi din joo fita bonchiann leŋ.

1 Korint teeb 11:2

N naa waas, n mɔk parpeenn nan ya tian linba ki n wanni na kur, ki bia tee nnee.

2 Korint teeb 11:2

N looni bonchiann kaman nan Yennu nba looni biaŋinba na. I tee kaman nan sapaamɔ nba ki mi jɔɔ nae, ki n loon ki n jiie ki tur Masia ki yii waa ŋɔɔ kuukɔɔ.

2 Timoti 4:8

Li paak, ki nyɔɔt nba tee yentinu nyɔɔt dɔɔ guun sanpaapo; ki ti Yomdaanɔ wunba bu niib buut nan barmɔnii na tan sa turin nyɔɔt maŋ Daar maŋ daar. U tan kan tur min kuukɔɔ kaa, ŋaan u tan sa tur binba kur mun loon ki wun jen na.

Taitus 2:13

kimaan ti guu ki mɔk dindann nba turit parpeenn nan ti yabint Yennu nan ti Tinntɔɔ Yisa Masia sa dɔkit nan yentsaakar ni;

Fiitu 14:4

Ŋamme tee jab nba dia bi mɔŋ fanu ki ki chommi, ki ki mi dɔɔ nan poo gbaa; ŋamme bia waa Pebik na ki saa siaminba kur ki u saa; ŋamme tee binba ki Yennu gannib nisaarii sinsuuk ni a bin teen sinsinn teeb nba ki ŋɔɔ Yennu nan Pebik na gaarib.

Fiitu 19:7

Ŋaant man ki tii kpamm kii mɔk parpeenn kii dont u sann ki turɔ nibaakir, kimaan yoo na baara ki Pebik na loon wun kɔɔn u poo, ki sarkpeŋ poŋ teen siira.

Fiitu 21:2

Ki n la Yennu doo nba tee Jerusalem paann na, ki li nyii Yennu boor Yendɔuŋ ni, ki siik, ki tee kaman nan pooyookir nba tuu teen siir ki faŋŋit u mɔŋ ki tookit u jɔɔ nba yaa wun kɔɔnɔ na.

Fiitu 21:9

Li yoo na ki malakanba bannlore nba daan dia senii ŋannlore ki li gbee nan farbiit ŋannlore nba waa poor na yenɔ betin a n baar ki wun wannin Pebik na pooyookir na.

Fiitu 4:5

Ki sanyikintii nyi naangbouŋ maŋ ni nan fuut nan satianii. Ki fita ŋannlore lakin di naangbouŋ na tɔɔnn, ŋanne tee Yennu Sei ŋannlore na.

Fiitu 8:10

Malaka nba pukin banntaa na nba pebir u kikaak na, ki ŋmaabir gbeŋŋir nba di ki naan nan muu na nyii sanpaapo ki tan baa mɔka nan nyunbua nba be tingbouŋ na ni li bɔkitu taar munntataa yenn ni.