Matiu 24:5 - Yennu Gbounpaauŋ Mɔɔr

⁵ kimaan niib bonchiann tan sa jii n sanne ki baar ki yeen a ŋamme tee min Masia na, ki kpann niib bonchiann.

Yennu Gbouŋ Mɔɔr

⁵ kimaan niib bonchiann tan saa jii n sanne ki baar ki yeen a ŋamme tee min Masia na, ki kpann niib bonchiann.

Matiu 24:5 ပူးပေါင်းရင်းမြစ်များ

Matiu 24:11

Ki faak sɔkiniinba tan sa nyi ki kpann niib bonchiann.

Matiu 24:24

kimaan li yoo maŋ, faak Masianba nan faak sɔkiniinba tan sa nyi ki tuun nyina nan bakitnauŋ toonjaana a bin kpann niib; ki li-i taŋŋi fit gbaa, bi tan sa kpann Yennu nigannkab tiauŋɔ gbaa.

Jɔɔnn 5:43

N baar nan n Baa Yennu yent nie, ŋaan ki i ki gaarimi. Ŋaan li-i tee ki sɔɔ baar nan u mɔŋ yent ni, i tuu gaarɔe.

Jɔɔnn 8:24

Li paake te ki n yeti ma i sa kpo ŋaan kan poŋ la nyikinchabi; ki li-i tee ki i ki teen yada nan n tee ma tee wunba na, i set sa kpo ŋaan kan poŋ la nyikinchabi.”

Jɔɔnn 8:28

Li paak ki Yisa betib, “Yoo nba ki i sa jii min nisaarik Bik ki donnin sanpaapo na, li yooe ki i tan sa bann nan n tee ma tee wunba, ki i bia sa bann nan n ki tuun siar nan n mɔŋ mɔŋ yikoo, ŋaan n bia yeen linba ki n Baa wannin a n tan yete.

1 Jɔɔnn 2:18

N waas, dunia gbennu yoo baat. I poŋ mi gbat a Masia datasɔɔ sa baar; ki mɔtana, Masia datasiab bonchiann poŋ baar na, ki ŋanne te ki ti set bann nan dunia gbennu yoo baat.

1 Jɔɔnn 2:22

Ki ŋmee tee faak daanɔ? Li tee wunba yaa a Yisa ki tee Yennu Niganntɔɔ Masia wunba ki u din tumɔ tingbouŋ na ni nae. Ŋɔɔe tee Yisa dataak maŋ, ki yêen ti Baa Yennu nan u Bija Yisa mun biak.

1 Jɔɔnn 4:3

Ŋaan wunba ki seek piak u ni, ki u yaa a u ki teen yada nan bi mar Yisa nisaarike, ŋɔɔe ki mɔk Yennu Seyeeŋi. Li daanɔ seeke tee Yisa dataak seek na. Bi din poŋ beti nan Yisa dataak maŋ sa baar na, ki mɔtana u poŋ set baar tingbouŋ na niwa.

Fiitu 13:8

Niib kur nba be tingbouŋ na ni, ki bi sana ki sɔb manfoor gbouŋ ni yoo nba ki dunia daa din kaa na, bi sa jiant muuk ni bonkobuk na. Manfoor gbouŋ na tee Pebik nba ki bi din kpiiu na yare.