Matiu 24:43 - Yennu Gbounpaauŋ Mɔɔr

⁴³ Ŋaan bant man nan li-i tee ki ŋaadaanɔ poŋ mi yoo nba ki nanyukɔɔ yaa wun baar u ŋaak ni nyiɔku, u sii kare ki guu; u kan sak ki nanyukɔɔ-n tan kɔɔ ki jamɔ.

Yennu Gbouŋ Mɔɔr

⁴³ Ŋaan bant nan li-i tee ki ŋaadaanɔ poŋ mi yoo nba ki nanyukɔ yaa wun baar u ŋaak ni nyiɔku, u sii kare guu; u kan sak ki nanyukɔ na n tan kɔɔ ki jamɔ.

Matiu 24:43 ပူးပေါင်းရင်းမြစ်များ

Matiu 14:25

Li poorpoe ki Yisa tan nyii jɔɔr na paak ki sik nyunpaanu paak ki somm kojomɔɔk, ki saa bi boor ni.

Matiu 20:11

Ba din gaar bi likirii gbenn yoonba, ki bi piin ki burin sukii ŋaadaanɔ na,

Matiu 24:42

“Li paak, yi chekin i mɔŋ paak man, kimaan i ki mi daar nba ki min i Yomdaanɔ sa jeni.

Matiu 24:44

Li paak, li ŋan ki i mun-ii teen siir yoo kura, kimaan min nisaarik Bik mun bia tan sa jen yoo nba ki i ki dukii n jenu na po nee.

Matiu 25:10

Sapaanjata na nba din yaat ki saan a bin saa daa kpan yoonba, ki pooyookir sɔrɔ na dɔkit. Subindamm baŋŋmu na nba din teen siir na din wei pooyookir sɔrɔ maŋe, ki saan poochianu ŋaak na ni ki kɔɔ diiuk ni, ŋaan ki bi loon gann ki kpar.

Matiu 25:13

Ki Yisa bia din betib a “I mi man, kimaan i ki mi daar nba amii yoo nba ki min i Yomdaanɔ tan sa jeni.”

Barŋanii nba ki MAK din sɔb nae na 13:35

I mun-ii guu man, kimaan i ki mi yoo nba ki min i Yomdaanɔ sa jen; li pasiar dajouko, amii tansuuniie, amii sanyafaare, amii sanyiɔk nie.

Barŋanii nba ki MAK din sɔb nae na 6:48

ki tan la ki u poorpoweiteeb gbaa nan burgbetir kannu, kimaan bi din kan ki tookit wouŋo. Ŋanne ki u din fiir somm nyun paak ki baar bi boor ni, kojomɔɔk sanyafaar. Wa tan baar yoonba, ki u teen nan u yaa wun garib na.

Barŋanii nba ki LUK din sɔb nae na 12:38

Li-i tee ki bi chanbaa taŋŋi kpen tansuunii amii kojomɔɔk, ki la ki bi guu-u, parpeenn sii tee daaba maŋ yare.

Barŋanii nba ki LUK din sɔb nae na 12:39

“Nnara, li-i tee ki ŋaadaanɔ poŋ mi yoo nba ki nanyukɔɔ sa baarie, u kan ŋaan ki wun baar kɔɔ; u sii guue.

Barŋanii nba ki LUK din sɔb nae na 21:36

Yii guu man kii mei Yennu yoo kur a wun turi paŋ nba sa te ki i nyann bikinu na kur nba tan sa baar, ki bia set min nisaarik Bik tɔɔnn.”

Fiitu 16:15

Tɔn, Yisa yet a “Nnara, n baat kaman nan nanyukɔɔ nba tuu baar biaŋinba nae. Parpeenn be daanɔ nba ki gɔɔnt ŋaan nyɔi na paak, ki lia u tiat ki ki somm yanni, ki niib kan la u fei.”

Fiitu 3:3

Li paak, yii tian man wannu nba ki i din gbat ki waa-r na. Yii diar man ŋaan nyik i toonbiit tumu na; ŋaan li-i tee ki i ki fiir, n sa baar i boor ni kaman nan nanyukɔɔ nba tuu baar biaŋinba nee, ki i kan bann n baaru yoo.