Matiu 24:30 - Yennu Gbounpaauŋ Mɔɔr

³⁰ Li yoo maŋ ki niib tan sa la min nisaarik Bik jenu nyinn sanpaapo, ki nibooru booru nba be tingbouŋ na kur tan sii fabin, ki ji la min nisaarik Bik ki n be sanpagbana ni ki siik nan paŋ nan yentsaakar.

Yennu Gbouŋ Mɔɔr

³⁰ Li yoo maŋ, niib tan saa la min nisaarik Bik jenu nyinn sanpaapo, ki nibooru booru nba be tingbouŋ na ni kur tan sii fabin, ki la min nisaarik Bik, ki n be sanpagbouŋ ni, ki siik nan paŋ nan yentsaakar.

Matiu 24:30 ပူးပေါင်းရင်းမြစ်များ

Matiu 24:3

Yisa nba din tan saan ki saa kar kunkonn nba ki bi yir Olif Tiinii kunkonn na paak na, ki u poorpoweiteeb tan baar u boor ni, bi kuukɔɔ, ki boiɔ a “Betirit, bee yooe ki linba na kura tan sii tee? Bee tan sii tee a baaru nyinn nan dunia gbennu nyinni?”

Matiu 24:37

La din teen biaŋinba Nowa yoo na, li mun bia tan sii tee nnee min nisaarik Bik jenu yoo.

Matiu 24:39

Ki niib maŋ din bia daa ki bann linba tuumi ki tan tuu daar nba ki nyunsaakan din baar ki tan dii bi kur saaka. Li bia tan sii tee nnee yoo nba ki min nisaarik Bik tan sa jen.

Matiu 26:64

Ki Yisa jiin a “Nn, fine yaa. Ŋaan n beerie, la nyii mɔtana ki jii saa, i tan sa la min nisaarik Bik ki n kar Yabint Yennu nuudiitu po, ki bia tan sa lan ki n be sanpagbana ni ki siik.”

Barŋanii nba ki MAK din sɔb nae na 13:26

Li yoo maŋ ki min nisaarik Bik tan sa dɔkit sanpagbana ni nan paŋ bonchiann nan yentsaakar.

Barŋanii nba ki MAK din sɔb nae na 13:4

“Betirit, bee yooe ki linba na kur tan sii tee? ki bee tan sa tun ki wann nan li yoo maŋ per na ki li kura-n tan teeni.”

Barŋanii nba ki LUK din sɔb nae na 21:27

Li yoo ki bi tan sa la ki min nisaarik Bik dɔkitir baat sanpagbouŋ ni nan paŋ bonchiann nan yentsaakar.

Barŋanii nba ki LUK din sɔb nae na 22:69

La nyii mɔtana ki jii saa min nisaarik Bik tan sii kar Yabint Yennu nuudiitu po.”

Toona 1:11

ki boib a “Yimm Galilee teeb, bee ki i see nna ki gorii sanpaapo nna? Yisa na nba nyii i boor ni ki doo Yendɔuŋ ni biaŋinba na, u bia tan sa nyi Yendɔuŋ maŋ ni ki jen sik kaman nan ya goriiɔ ki u do sanpaapo biaŋinba nee.”

2 Tesalonika teeb 1:7

ki fat yimm nba di fara na, ki mun bia fatit. Yennu tan sa tun linba na yoo nba ki ti Yomdaanɔ Yisa nan u yabint malakanba tan sa nyi Yendɔuŋ ni ki baar nan mupeenu,

Fiitu 1:7

Gotir man, ŋɔɔe be sanpagbant ni ki baat na. Sɔɔ kur ninbina tan sa lau, nan binba din ŋmu-u na gbaa. Yoo nba ki u tan sii baat na, tingbouŋ na niib kur tan sa bui u paak. Mɔmɔmm, li sa teen nnawa.

Fiitu 12:1

Li poorpo ki nyingbeŋŋir dɔkit sanpaapo; ki poosɔɔ gbab yennu na kaman nan chinchenn na, ki see ŋmaarik paak, ki ŋmaabira piik nan ŋannlee bia be u yur paak ki tee fokirik na;