Matiu 24:3 - Yennu Gbounpaauŋ Mɔɔr

³ Yisa nba din tan saan ki saa kar kunkonn nba ki bi yir Olif Tiinii kunkonn na paak na, ki u poorpoweiteeb tan baar u boor ni, bi kuukɔɔ, ki boiɔ a “Betirit, bee yooe ki linba na kura tan sii tee? Bee tan sii tee a baaru nyinn nan dunia gbennu nyinni?”

Yennu Gbouŋ Mɔɔr

³ Yiisa nba din tan saan kar kunkonn nba ki bi yir Olif Tiinii kunkonn paak na, ki u poorpoweiteeb baar u boor, bi kuukɔɔ, ki boiɔ a “Bia yooe ki linba na kur tan sii tee? Bee tan sii tee a baaru nyinn, nan durinya na gbennu nyinni?”

Matiu 24:3 ပူးပေါင်းရင်းမြစ်များ

Matiu 13:36

Ŋanne ki Yisa din nyik nibur maŋ leŋ, ŋaan saan kɔɔ u ŋadɔɔtik ni. Ki u poorpoweiteeb din baar u boor ni ki tan betɔ a “Betirit dinatimii barjouk na paak.”

Matiu 13:49

Li tan sii tee nnee dunia na gbennu daar; Yennu malakanba tan sa baare ki gann nifoŋamm, ŋaan nyik nibiit.

Matiu 15:12

Ŋanne ki u poorpoweiteeb baar u boor ni ki tan boiɔ a “A mi nan Farisiinba na nba gbat a maan maŋ na, bi wutoa doo a paakawa-aa?”

Matiu 16:27

Kimaan min nisaarik Bik tan sa jen nan n Baa Yennu paŋ, nan n malakanba, ki li yoo maŋ n tan sa pa sɔɔ kur kaman nan u toona nba tee biaŋinba.

Matiu 16:28

Barmɔniie ki n beeri na, siab be nna, ki daa kan kpo see ki bi tan la min nisaarik Bik naan dinu baaru.”

Matiu 17:19

Li poorpo, ki Yisa poorpoweiteeb baar u boor, bi kuukɔɔ, ki tan boiɔ a “Bee ki timm ŋanin bo ki fit nyinn narinbiiuk maŋi?”

Matiu 21:1

Ba din tan per Jerusalem ki baar Betfej doo nba biak kunkonn nba ki bi yir Olif Tiinii kunkonn na, ki Yisa tun u poorpoweiteeb na ni bannlee u tɔɔnn po,

Matiu 24:27

kimaan min nisaarik Bik na baaru tan sii tee kaman nan saak nba tuu nyikint ki nyi yendo po ki saa sik yenbaa po nee.

Matiu 24:30

Li yoo maŋ ki niib tan sa la min nisaarik Bik jenu nyinn sanpaapo, ki nibooru booru nba be tingbouŋ na kur tan sii fabin, ki ji la min nisaarik Bik ki n be sanpagbana ni ki siik nan paŋ nan yentsaakar.

Matiu 24:37

La din teen biaŋinba Nowa yoo na, li mun bia tan sii tee nnee min nisaarik Bik jenu yoo.

Matiu 24:39

Ki niib maŋ din bia daa ki bann linba tuumi ki tan tuu daar nba ki nyunsaakan din baar ki tan dii bi kur saaka. Li bia tan sii tee nnee yoo nba ki min nisaarik Bik tan sa jen.

Matiu 24:43

Ŋaan bant man nan li-i tee ki ŋaadaanɔ poŋ mi yoo nba ki nanyukɔɔ yaa wun baar u ŋaak ni nyiɔku, u sii kare ki guu; u kan sak ki nanyukɔɔ-n tan kɔɔ ki jamɔ.

Matiu 28:20

ki wannib ki bin sak linba ki n wanni na kura. Ŋaan yii tian man nan n sii be i boor ni yoo kura mɔkmɔk nan dunia gbennu.”

Barŋanii nba ki LUK din sɔb nae na 21:7

Wa pak nna maŋe ki bi boiɔ a “Wanntɔɔ, bee yooe ki linba na tan sii tee? ki li nyinn bia tan sii tee nlee, la tan sii yaa lin teeni?”

Toona 1:7

Ki Yisa yetib a “Li ki laini nan ki i bann jinjaŋ yoo nba ki n Baa Yennu senn yaa lin tan teeni; ŋɔɔe mɔk u mɔŋ yaak ki senn u yoo.

Hiibru teeb 9:26

Li-i diŋŋi bo-i tee nnaie, ŋann la din nyii dunia namu pinpiik niwa u din bo sa di fara taar bonchiann. Ŋaan mɔtana, yoo nba ji tan per joontu na ki u din dɔkit a wun jii u mɔŋ ki mann marouŋ ki kpeen biit.