Matiu 24:14 - Yennu Gbounpaauŋ Mɔɔr

¹⁴ Ki bi tan sa mɔɔnt Yennu naan barŋanii mɔɔntii na tingbouŋ na kur po, a nibooru kur-n gbat, ki dunia gbennu-n yen fit baar.

Yennu Gbouŋ Mɔɔr

¹⁴ Ki bi tan saa mɔɔnt Yennu naan barŋanii mɔɔntii na tingbouŋ na kur po, a nibooru kur n gbata, ki durinya gbennu n yen fit baar.

Matiu 24:14 ပူးပေါင်းရင်းမြစ်များ

Matiu 10:7

ŋaan yetib a “Ya saa na, yii mɔɔntir Yennu naan barŋanii, kii yeen a ‘Yennu naan dinu per na,’

Matiu 18:19

“N bia beerie na, yimm ni bannlee-i taan mɔb tingbouŋ na ni ki mei n Baa Yennu wunba be sanpaapo na siar paak, u sa tun ya loon biaŋinba ki turiiwa.

Matiu 24:3

Yisa nba din tan saan ki saa kar kunkonn nba ki bi yir Olif Tiinii kunkonn na paak na, ki u poorpoweiteeb tan baar u boor ni, bi kuukɔɔ, ki boiɔ a “Betirit, bee yooe ki linba na kura tan sii tee? Bee tan sii tee a baaru nyinn nan dunia gbennu nyinni?”

Matiu 24:6

I tan sa gbat tɔb fuut i kɔɔnn ni, nan li labaar banfɔka, ŋaan i daa jee, kimaan li kpaa talase nan linba na kur-n tun, ŋaan li ki want nan dunia gbennu baare na.

Matiu 4:23

Yisa din lin Galilee tiŋ maŋ kura po, ki want niib Yennu maan, jiantu diit ni, ki mɔɔntir Yennu naan barŋanii mɔɔntii ki teemm, ki te ki binba mɔk yiarboorii boorii kur nan binba mɔk gbanantont kur paak.

Matiu 9:35

Tɔn, ki Yisa din kak lin doi kur ni nan digbanbis ni, ki kɔɔ Yenjiantu diit ni, ki mɔɔntir Yennu naan barŋanii ki want niib, ki te ki binba yiar yiarboorii boorii kur paak, nan binba yiar yiarbiit kur.

Barŋanii nba ki MAK din sɔb nae na 13:10

Bi tan sa mɔɔnt barŋanii na tur nibooru kura, ki yoo maŋ-n baar.

Barŋanii nba ki LUK din sɔb nae na 2:1

Li yoo na ki kpanbara yudaanɔ Ɔgustus din tur mɔb u yent ni a bin sɔb sɔɔ kur nikant.

Barŋanii nba ki LUK din sɔb nae na 24:47

a bin saan ki mɔɔnt niib u sann paak a bi-i nyik bi biit Yennu sa nyik chabib; a bin piin ki mɔɔnt Jerusalem teeb barii maŋ sinsinn, ki bia mɔɔnt nibooru kur mun.”

Barŋanii nba ki LUK din sɔb nae na 4:5

Li poorpoe ki Sintaanii ji din jiiu ki doo nanɔ sanpaapo ki saa wannɔ tingbouŋ yent kur kur li tonton na,

Toona 1:2

Ŋaan sinsinn daann, wa din daa ki doo na, Yennu Seyeeŋ yaak nie ki u din wann wa din gann binba ki teemm u toomiinba na, ba sii tuun biaŋinba.

Toona 11:28

Bi yenɔ sann din yi Agabus, ki Yennu Seyeeŋ nie ki u din fiir ki set ki bunt buntir, ki yet a kon bonchiann tan sa baa tingbouŋ na kur po; ki kon maŋ din set tan baa yoo nba ki Klɔdius din tee kpanbara yudaanɔ na.

Toona 17:31

kimaan ŋɔɔ Yennu poŋ senn daar nba ki u sa bu tingbouŋ na ŋaateeb kur buut chib chib. U sa te ki sɔɔ nba ki u gannɔ na-n bu buut maŋ, ki u set fiinɔ kuun ni, ki li tee nyinn ki tur sɔɔ kur a ŋɔɔe sii tee barbuurɔ.”

Toona 17:6

Ba ki lab yoonba, ki bi soor Jason nan Yisaweilesiab, ki datib baar namm doo na yudamm boor, ŋaan tian yeen a “Niib na lin labii tingbouŋ na ki te ki mukir muk niib, ki mɔtana ki bi tan baar ti doo na,

Toona 19:27

Li pasiar ki ti toona na sann tan sa kpet mann biir, ki bia jenna, ki ti yabint yennu Diana pochianfeek tan sa kpet mann ki teen yann, ki bia jenna, ki ti yennu Diana nibaakir tan sa mann ki waab, daanɔ nba ki sɔɔ kur nba be Asia tiŋ ni nan tingbouŋ na kura jiantirɔ na.”

Toona 20:25

“Nnara, i mi nan n din lin i kura ŋei ni, ki mɔɔntir Yennu naan labaar. Tɔn, ki mɔtana, n mi nan i ji kan mi ki lami.

Rom Teeb 10:18

N loon ki n boi ki laan niib ki gbat barŋanii maŋ amii? Mɔmɔmm, bi gbata. Li sɔb Yennu gbouŋ ni a “Niib gbat bi kunkɔra nan bi mɔmaan tingbouŋ lokir kur po.”

Kolosa teeb 1:23

li paak, yii yabii man setik nan mɔnii, ki teen Yisa yada kii see chimm, ki daa fɔrii nyi dindann nba ki i la yoo nba ki i din gbat u barŋanii; ki bi din mɔɔntir barŋanii maŋ ki teen niib kur nba be tingbouŋ na ni; ki min Pɔɔl teen li toontunnɔ na.

Kolosa teeb 1:6

Ki barŋanii maŋe baat nani kaman nan la yat ki kpaatir tingbouŋ na kur ni ki ŋammit niib binbeŋ, ki bia tuun nna i mɔŋ boor ni, la nyii daar nba ki i din gbat ki bann Yennu ninbatinu nan barmɔnii maŋ nba tee biaŋinba na.

Hiibru teeb 1:6

Ki Yennu nba din tan yaa wun baar nan u Bija wunba tee bonnankaa yur na tingbouŋ na ni yoonba, u gbouŋ yet u po a “Li kpaa talas ki Yennu malakanba kura-n jiantɔ.”

Hiibru teeb 2:5

Dunia nba baat ki ti pak li po na, Yennu din ki yaa a malakanbae tee li yudammi.

Fiitu 14:6

Ki n bia la malakasɔɔ ki u yuuk sanpaapo ki dia barŋanii nba kaa gbennu ki mɔɔntir ki teen tingbouŋ na teeb: nibooru kur nan maaru kur nan mabooru kur nan yent kur niib nba be tingbouŋ na ni;

Fiitu 16:14

Bi tee narinbiit nba tuun bakitnauŋ toonae ki lin tingbouŋ na ni kpanbara kur boor, ki tikiib a bin took tɔb na, ti Yomdaanɔ Yennu wunba mɔk paŋ kur na dagbeŋŋir daar maŋ.

Fiitu 3:10

Kimaan ya sak n mɔmaan ki mɔk mintir na paak, n sa dia-i bonŋann ki i tan kan kɔɔ bonbiir nba baat tingbouŋ na kur paak a lin tan bikin tingbouŋ na niib na.