Matiu 24:11 - Yennu Gbounpaauŋ Mɔɔr

¹¹ Ki faak sɔkiniinba tan sa nyi ki kpann niib bonchiann.

Yennu Gbouŋ Mɔɔr

¹¹ Ki faak sɔkiniinba tan saa nyi ki kpann niib bonchiann.

Matiu 24:11 ပူးပေါင်းရင်းမြစ်များ

Matiu 24:12

Biit nba tan sa mantik yabit tingbouŋ na ni na paak, ki niib bonchiann loomm tan sa maak.

Matiu 24:24

kimaan li yoo maŋ, faak Masianba nan faak sɔkiniinba tan sa nyi ki tuun nyina nan bakitnauŋ toonjaana a bin kpann niib; ki li-i taŋŋi fit gbaa, bi tan sa kpann Yennu nigannkab tiauŋɔ gbaa.

Matiu 24:5

kimaan niib bonchiann tan sa jii n sanne ki baar ki yeen a ŋamme tee min Masia na, ki kpann niib bonchiann.

Matiu 7:15

“I mi man faak sɔkiniinba na po, binba baat i boor ni ki naan nan pei na, ŋaan tee kinkata nan barmɔnii na.

Barŋanii nba ki MAK din sɔb nae na 13:22

kimaan faak Masianba nan faak sɔkiniinba tan sa baar ki tuun nyina nan bakitnauŋ toona, a bin kpann niib. Ki li-i taŋŋi sa fit gbaa, bi tan sa kpann binba tee Yennu nifogannkab tiauŋɔ gbaa.

Toona 20:30

Ki yoo bia baat ki nisiab tan sa nyi i mɔŋ mɔŋ sinsuuk ni, ki fa fai Yennu barmɔnii wannu po, ki biir Yisaweira, ki tunnii bi yan ki te ki bii waa ŋamme.

1 Timoti 4:1

Tɔn, Yennu Seyeeŋ set wantit yeenin ni nan yoo nba waa poorpo na ki nisiab tan sa nyik Masia labaar nawa, ŋaan sak narinbiit nba sa kpannib na, ki bia wei Sintaanii wannu na.

2 Piita 2:1

Faak sɔkiniinba nba din be Juu teeb sinsuuk ni sianyoo biaŋinba na, nnee ki faak wannteeb mun bia sii be i sinsuuk ni, ki wanti faak wannu woonin ni, linba sa biiri. Bi sa yêt ti Yomdaanɔ Yisa wunba din daab na gbaa; ki Yennu sa dat bi tuba yiama.

1 Jɔɔnn 2:18

N waas, dunia gbennu yoo baat. I poŋ mi gbat a Masia datasɔɔ sa baar; ki mɔtana, Masia datasiab bonchiann poŋ baar na, ki ŋanne te ki ti set bann nan dunia gbennu yoo baat.

1 Jɔɔnn 2:26

N sɔbin linba na ki teeni ki chekinti ki jikit saa niib nba yaa bin kpanni na poe;

1 Jɔɔnn 4:1

N walonkai, i daa tee nisiab kur nba yaa a bi mɔk Yennu Seyeeŋ na maan yada, ŋaan bikintib man, ki got laan bi sei maŋ nyii Yennu boor ni amii lee, kimaan faak sɔkiniinba bonchiann nba kpann niib na poŋ baar na ki yat lin niib ni.

Juud 1:4

kimaan nisiab nba ki tiin Yennu na din kɔɔ i sinsuuk ni woonin nie, ki lebit ŋɔɔ Yennu ninbatinu labaar a bii tuun bi gbanant loonbiit; bi ki saak Yisa Masia mɔbi; ŋɔɔ kuukɔɔe tee ti yudaanɔ nan ti Yomdaanɔ. Li yukira ki biitdamm maŋ tubdatu poŋ sɔb Yennu gbouŋ ni na.

Fiitu 19:20

Ki bi soor muuk ni bonkobuk na, nan u faak sɔkinii nba daan tuu tee bakitnauŋ nyina u tɔɔnn po ki kpann binba mɔk muuk ni bonkobuk maŋ dɔk na, nan binba daan jiantir u naauŋ na; bi soor muuk ni bonkobuk maŋ nan u faak sɔkinii maŋ na ki bi fo, ki lub bootuk nba gbee nan muu ki sarwuutaa di nann na ni.