Matiu 23:16 - Yennu Gbounpaauŋ Mɔɔr

¹⁶ “Yimm jɔɔndat teeb na, li sii bi i paak. I want niib na a ‘Sɔɔ-i por Yennu diiuk, li kaa biiti, a ŋaan li-i tee ki sɔɔ por likirii nba be diiuk maŋ ni na, a see ki u gbeen wa por biaŋinba na.’

Yennu Gbouŋ Mɔɔr

¹⁶ “Yimm jɔɔnii nba daar i leeb na, li sii bi turi. I want niib na a ‘Sɔɔ-i por Yenjiantu ŋasaakak na, li ki kpaa talasi, ŋaan li-i tee ki sɔɔ por likirii nba be ŋasaakak maŋ ni na, a see ki u gbeen u mɔpor na.’

Matiu 23:16 ပူးပေါင်းရင်းမြစ်များ

Matiu 15:14

Li paak, ŋaantib man ki bii saa, kimaan bi tee kaman nan jɔɔnii nee ki daar bi jɔɔnlei; ki li-i tee ki jɔɔŋ daar u lɔɔ, see ki bi kura baa bootuk ni.”

Matiu 23:13

Ki Yisa bia din yet a “Yimm sennu wannteeb nan Farisiinba nba tee kpinkpannii damm na, li sii bi i paak, kimaan yimme loo Yennu naan tammɔb a niib daa kɔɔ. I mɔŋ mɔŋ kan kɔɔ, ŋaan dɔk binba loon bin kɔɔ tammɔb na.

Matiu 23:17

Yimm jɔɔndat teeb na, bona ŋannlee na ni, lannpoe kpaa barkpaanni, likirii na amii Yennu diiuk nba te ki likirii na tee Yennu yar na?

Matiu 23:19

I set tee jɔɔniie nan barmɔnii. Bona ŋannlee na ni, lannpoe kpaa barkpaanni, mannu bonkobuk na amii binbintir nba te ki li tee Yennu yari?

Matiu 23:24

Yimm jɔɔndat teeb na, i tuu lot kpajuuk nyun ni ki lue, ŋaan nak lagumii nan nyun!

Matiu 23:26

Yimm Farisiinba nba tee jɔɔnii na, sokit man nyunyuŋmanii nan senii nɔi ni sinsinn, ki li poorpo sa nyiwa.

Galasia teeb 5:3

N ŋammit beer nifosɔɔ nba waa punkokitu sɔnu nee, nan li kpaa talase ki wun wei sennu kura.

Jeems 5:12

N naa waas, linba kpaa talase tee nee: i daa poor mɔpora. I daa yi sanpaapo amii tiŋ ni bonsiar sann ki poor mɔpora. Ŋaant ki i nn-ii tee i nn, ki i aaii-ii tee aaii, ki Yennu tan daa dar i tuba.