Matiu 23:13 - Yennu Gbounpaauŋ Mɔɔr

¹³ Ki Yisa bia din yet a “Yimm sennu wannteeb nan Farisiinba nba tee kpinkpannii damm na, li sii bi i paak, kimaan yimme loo Yennu naan tammɔb a niib daa kɔɔ. I mɔŋ mɔŋ kan kɔɔ, ŋaan dɔk binba loon bin kɔɔ tammɔb na.

Yennu Gbouŋ Mɔɔr

¹³ Yiisa bia yet a “Yimm sennu wannteeb nan Farisiinba nba tee kpinkpannii damm na, li sii bi turi, kimaan yimme loo Yennu naan tammɔb a niib daa kɔɔ. I mɔŋ mɔŋ ki kɔɔ, ŋaan dɔk binba loon bin kɔɔ tammɔb maŋ na. ((

Matiu 23:13 ပူးပေါင်းရင်းမြစ်များ

Matiu 23:16

“Yimm jɔɔndat teeb na, li sii bi i paak. I want niib na a ‘Sɔɔ-i por Yennu diiuk, li kaa biiti, a ŋaan li-i tee ki sɔɔ por likirii nba be diiuk maŋ ni na, a see ki u gbeen wa por biaŋinba na.’

Matiu 23:23

“Yimm sennu wannteeb nan Farisiinba nba tee kpinkpannii damm na, li sii bi i paak. I jikit baarii nan bukuŋ nan narii nan li bonlia piik nɔɔk ni yennkɔɔ ki teen Yennu, ŋaan nyik linba tee barkpaana u sennu ni; ŋanne tee barbunu nba took, nan ninbatinu, nan yada teenu. Linba na nbae bo ŋan nan yii tuun, ki daa nyikit li yenninba tumu.

Matiu 23:25

“Yimm sennu wannteeb nan Farisiinba nba tee kpinkpannii damm na, li sii bi i paak, kimaan i sokii nyunyuŋmanii nan senii poorpoe, ŋaan ki nɔɔk ni gbee nan fatu nan jawuuk.

Matiu 23:27

“Yimm sennu wannteeb nan Farisiinba nba tee kpinkpannii damm na, li sii bi i paak. I tee kaman nan kaat nba ki bi maa ki pent senne, ki li poorpo fane, ŋaan ki li nɔɔk ni gbee nan kpaba nan pɔyuu.

Matiu 23:29

“Yimm sennu wannteeb nan Farisiinba nba tee kpinkpannii damm na, li sii bi i paak. I maa Yennu sɔkiniinba kaat, ki jabib, ki sent, ki li tee linba sa tiar niib yentina kuun po,

Matiu 3:7

Wa din tan la ki Farisiinba nan Sajusiinba bonchiann ki bi mun baat u boor ni a wun wurib Yennu nyunwuru na, ki u betib a “Yimm walabirii na! Ŋmee kpaani a yii tin ki nyi Yennu wutoor nba yaa lin baar i paak na ni?

Barŋanii nba ki LUK din sɔb nae na 11:52

“Yimm sennu wannteeb, li sii bi i paak, kimaan i dɔkin Yennu maan a niib daa bant li paak. I mɔŋ yêt li bannu, ki bia dɔk binba tuu kor a bin bannir na.”

Jɔɔnn 9:22

U damm din yet nna maŋ, kimaan bi tiin Juu teeb yudamm na jaŋmaanii, kimaan yudamm maŋ poŋ taan mɔb ki yet a wunba yaa a Yisae tee Yennu Niganntɔɔ Masia, see ki bi nyinnɔ bi Yenjiantu ni.

Jɔɔnn 9:24

Ki li taar munnlee nie ki bi bia ŋamm yiin jɔɔ nba tuu tee jɔɔŋ ŋaan tan nyɔɔnt na, ki tan betɔ a “I teen Yennue nibaakir nan niipoouk; kimaan ti mi nan Yisae tee biitdaanɔ.”

Jɔɔnn 9:34

Ki bi jiin ki yetɔ a “Fin nba ki bi mara nan biit na po, a tee ŋmee ki want timmi?” Ki bi nyinnɔ bi Yenjiantu ni.

Toona 13:8

Ŋaan ki nyɔkluurɔ maŋ, wunba sann din yi Elimas, Griik maan ni na, ki u ki sakibi, ŋaan koor a wun tia yudaanɔ maŋ ki u daa tee Yisa yada.

Toona 5:28

“Ti daan turi mɔb nan nunmɔnn, ki yaa a i daa want niib Yisa sann ni, ŋaan gotir ya tan tun linba na, ya jii i wannu maŋ ki yat Jerusalem kur po, ŋaan ji loon a i teent Yisa kpiira.”

Toona 5:40

ki yiin toomiinba maŋ ki kɔɔmm, ki te ki bi boob kpaasir, ŋaan ŋaab, ŋaan turib mɔb a “I mi man ki i ji kii yi Yisa sann maŋ.”

Toona 8:1

Ki Sɔɔl din sak ba din yaa bin kpiu na po. Li daar maŋe ki muksubiir din baar Yisaweira nba din be Jerusalem na paak; ki bi kura din nyii yat ki saan Judea nan Samaria yaka po, ŋaan nyik toomiinba na kuukɔɔ leŋ.

2 Timoti 3:8

Janes nan Jamberes nba din ki sak nan Moses biaŋinba na, li jabooru mun tee nnee, bi kɔn nan barmɔnii, bi dudukit bia ki ŋani, bi bia ki waa yada na sɔnu;

2 Timoti 4:15

I mi a mɔŋ nanɔ, kimaan u kɔn nan barŋanii nba ki ti mɔɔntir na bonchiann.