Matiu 22:3 - Yennu Gbounpaauŋ Mɔɔr

³ Ki u din tan tun u daaba a bin saan ki yiin niib nba ki u daan poib na a bin baar na; ŋaan ki bi ki loon bin baari.

Yennu Gbouŋ Mɔɔr

³ U din tan tun u daaba a bin saan bet niib nba ki u daan poib na a bin baar; ŋaan ki bi ki loon bin baari.

Matiu 22:3 ပူးပေါင်းရင်းမြစ်များ

Matiu 21:34

Ki tilɔɔna maŋ punpɔɔr yoo tan baar, ki ŋaadaanɔ na tun u daaba a bin saan toontunna na boor ni a ki saa gaar u tilɔɔna na.

Matiu 23:37

“Nbaayoo, Jerusalem teeb, yimm nba kpi Yennu sɔkiniinba, ki bia jaat u toomiinba nba ki u tumm i boor ni na tana, bikinu bikinu taar muŋŋae ki n gbaa ma n lakini yomm kaman nan korik nba tuu lakin u kobis u kpinkpant ni na, ki i ki saki.

Matiu 3:2

“Nyikin man i biit, kimaan Yennu naan dinu per na.”

Matiu 9:15

Ki Yisa din jiin ki boib a “Poochianu-i be, saamm sii mɔk parbiir yoo nba ki pooyookir sɔrɔ daa be bi boor ni nawa-aa? Aaii. Ŋaan yoo baat na, ki bi tan sa nyinn pooyookir sɔrɔ na bi boor; li yooe ki bi sa lor mɔi.

Barŋanii nba ki LUK din sɔb nae na 13:34

“Jerusalem teeb, nbaayoo, yimm nba kpi Yennu sɔkiniinba, ki bia jaat u toomiinba nba ki u tumm i boor ni na tana, bikinu bikinu taar muŋŋae ki n gbaa ma n lakini yomm kaman nan korik nba tuu lakin u kobis u kpinkpant ni na, ki i ki saki.

Barŋanii nba ki LUK din sɔb nae na 15:28

Ŋanne ki u yɔɔrɔ maŋ wutoor ji doo hei, ki u yêt ŋaak ni kɔɔnu. Ki u chanbaa nyii ki barimɔ a wun baar kɔɔ.

Barŋanii nba ki LUK din sɔb nae na 19:27

Tɔn, n datai na nba ki loon ki n teen bi bat na, ŋann baat namm nna na ki tan kpib n numm nna.’ ”

Jɔɔnn 5:40

ŋaan ki i lek yêt nan ki i baar n peŋ ki n turi manfoor maŋ.

Toona 13:45

Juu teeb nba din la nigbouŋ tikii na, ki bi fiin punpona, ki piak biir Pɔɔl wannu, ki bia sukiiɔ.

Rom Teeb 10:21

Ŋaan ki u yet Israel teeb po a u tant u nuu yennu ni nan nyiɔk a wun gaarib, ŋaan ki bi tee tubkangbata ki ki saak u mɔbi.

Hiibru teeb 12:25

Li paak, i mi man ki i yêt wunba kpaani na mɔb, kimaan Israel teeb nba din yêt wunba din kpaamm tingbouŋ na ni mɔb na, u din tan ki nyik bi tubdatu; ki ti-i yêt u kpaanii nba nyii Yendɔuŋ ni na, ti tan sa teen nlee ki nyi tubdatu ni?

Hiibru teeb 9:15

Li paak, Masiae tee wunba ŋammii mɔsonpaann na, a Yennu nba din yiin binba na-n la yiar sanpaapo yoo nba kaa gbennu, kaman nan ŋɔɔ Yennu nba lor mɔlor na. Bi sa la yiar maŋ, kimaan Masia poŋ din kpowa; li paak, binba din tuun toonbiit yoo nba ki sinsinn mɔlor daa din senn na, u kuun maŋ nyinnib toonbiit maŋ tubdatu niwa.

Fiitu 22:17

Tɔn, Yennu Seyeeŋ nan Pebik na pooyookir na yet a “Baat.” Ki wunba gbatir mun-n yet a “Baat.” Ki wunba kur ki nyunyukiru soorɔ, wun baar; ki wunba loon nyun maŋ, wun gaar yann.