Matiu 21:9 - Yennu Gbounpaauŋ Mɔɔr

⁹ Ki niburchiauŋ nba din gar u tɔɔnn po nan binba din waa u poorpo ji din yikin ki yeen a “Hosana! I piak man David yaaboonn maŋ. Yennu mɔsonŋann-ii be wunba baat nan ti Yomdaanɔ sann ni na paak. Yii woot man hosana sanpaapo.”

Yennu Gbouŋ Mɔɔr

⁹ Ki nibur nba gar u tɔɔnn po nan binba din waa u poorpo ji yikin ki yeen a “Hosaana, ii piak man Defid yaaboonn maŋ. Piisin-ii be wunba baat Yennu sann ni na paak. Yimm nba be sanpaapo, ii hoot man a ‘Hosaana.’ ”

Matiu 21:9 ပူးပေါင်းရင်းမြစ်များ

Matiu 21:10

Wa din tan kɔɔ Jerusalem yoonba, ki doo maŋ niib kur fiir, ki bi boi bi leeb a “Ŋmee na?”

Matiu 21:15

Ŋaan Yennu jiantu yudamm nan sennu wannteeb nba din la bakitnauŋ toona nba ki u tun na, ki bia gbat ki waas yikin Yennu jiantu ŋasaakak ni ki yeen a “Hosana! I piak man David yaaboonn na,” ki li donn bi wutoa.

Matiu 23:39

N beerie, la nyii dinna ki jii saa i kan mi ki la min ki saa tuu daar nba ki i tan sa yet a ‘Yennu mɔsonŋann be wunba baat nan ti Yomdaanɔ sann ni paak.’ ”

Matiu 9:27

Yisa nba din nyii leŋ ki gaar saa tɔɔnn po na, ki jab nna bannlee din tee jɔɔnii ki waa u poorpo, ki yikin ki yeen a “Fin David yaaboonn, a tint ninbaauk.”

Barŋanii nba ki LUK din sɔb nae na 13:35

Gotir man, Yennu nyik i jiantu ŋaak nawa. N beerie na, la nyii dinna ki jii saa, i ji kan mi ki lan ki saa tuu daar nba ki i tan sa yet a ‘Yennu mɔsonŋann-ii be wunba baat nan ti Yomdaanɔ Yennu sann ni na paak.’ ”

Barŋanii nba ki LUK din sɔb nae na 2:14

“Dont Yennu sann sanpaapo man; parmaasir-ii be u nigannkab paak, tingbouŋ ni.”