Matiu 21:44 - Yennu Gbounpaauŋ Mɔɔr

⁴⁴ Ŋaan wunba tan baa tann maŋ paak, u sa but butee, ŋaan tann maŋ-i baa wunba paak, see ki li nannɔ buk buk nan yon na.”

Yennu Gbouŋ Mɔɔr

⁴⁴ Ŋaan wunba tan baa tann maŋ paak, u saa but bute, ŋaan tann maŋ-i baa wunba paak, bimm, see ki li nannɔ buk buk nan yon na.”

Matiu 21:44 ပူးပေါင်းရင်းမြစ်များ

Matiu 21:43

Ki Yisa ji betib a “Barmɔniie ki n beeri na, Yennu tan sa gaar u naan i boor ni ki tur nibooru nba sa te ki wun di u naan nyɔɔt.

Matiu 21:45

Ki Yennu jiantu yudamm nan Farisiinba na nba din gbat barjokit na ki gbenn, ki bi bann nan Yisa yin barjokit na ki denn ŋamme.

Matiu 26:24

Min nisaarik Bik set sa kpo kaman nan Yennu gbouŋ nba wann biaŋinba nee, ŋaan bonbiir sii be wunba yaa wun nyi n poor na paak. Bi-i bo-i diŋŋi kii mar li daanɔ gbaa, li bo din sɔ.”

Matiu 27:25

Ki niib na jiin a “Nn, u sɔn-n jii timm nan ti waas yura paak.”

Barŋanii nba ki LUK din sɔb nae na 2:34

Ki Simeon din miar Yennu mɔsonŋann bi paak, ŋaan bet bik na naa Mari a “Nnara, Yennu nyinn bik na ki sennɔ a Israel teeb bonchiann-n baa yann u paak; ki leeb bonchiann mun bia tan sa tinn u paake. Ŋɔɔ tan sii tee nyinn nba ki niib bonchiann sa pak ki biir na;

Barŋanii nba ki LUK din sɔb nae na 20:18

Tɔn, wunba kur baa tann maŋ paak sa but bute; ŋaan tann maŋ-i baa wunba paak, bimm! li sa mat matɔe.”

Jɔɔnn 19:11

Ki Yisa ji jiinɔ a “Yennu-i bo-i kii chaba yikoo, a bo kii mɔk n yikoo. Li paak, daanɔ nba soorin ki jiin kubina na, u biit yab bonchiann ki gar a yara.”

Rom Teeb 9:33

tann nba ki bi sɔb li po Yennu gbouŋ ni a “Gotir, min Yennu bir tann Sion doo ni, linba sa te ki niib-n gbiat ki baa; a li tee tangbeŋŋire, ki bi sa birint li paak ki baa. Ŋaan wunba teenɔ yada, u kan di fei.”

1 Tesalonika teeb 2:16

Bi yabii bi mɔŋ paak gbaa a bin gɔɔrit ki ti daa mɔɔntir Yennu barŋanii ki tur binba ki tee Juu teeb na a bin la tinnu. Linba nee want nan bi poŋ pukin bi toonbiit nba ki bi tuu tuune mɔkmɔk nan Yennu wutoor nba ji daan tan baar nan tubdatu bi paak.

1 Piita 2:8

Li bia sɔb a “Tann maŋe ki niib sa gbiat, tanpiiuk maŋe sa te ki niib-n baa.” Ba ki sak Yennu mɔmaan paake ki bi gbiatir kaman nan wa din sennib biaŋinba na.