Matiu 21:22 - Yennu Gbounpaauŋ Mɔɔr

²² Siar kur nba ki i sa miar Yennu li po na, li-i tee ki i teen yada a i sa lar, i set sa lawa.”

Yennu Gbouŋ Mɔɔr

²² Linba kur ki i saa miar Yennu li po, li-i tee ki i teen yada a i saa la, i set saa lawa.”

Matiu 21:22 ပူးပေါင်းရင်းမြစ်များ

Matiu 18:19

“N bia beerie na, yimm ni bannlee-i taan mɔb tingbouŋ na ni ki mei n Baa Yennu wunba be sanpaapo na siar paak, u sa tun ya loon biaŋinba ki turiiwa.

Matiu 7:11

Ki li-i tee ki yimm nba tee biitdamm na mi biaŋinba ki i sa tur i waas bonŋana, ki i Baa Yennu nba be sanpaapo na mantik sa tur binba meiɔ na bonŋana.

Matiu 7:7

“Miat Yennu man, ki u sa turi; lomin man, ki i sa lawa; kpaan gann man, ki u sa loot ki turi,

Barŋanii nba ki MAK din sɔb nae na 11:24

Li paake ki n beeri, li-i tee ki i mei Yennu ki boiɔ siar po, yii mɔk yada i para ni nan i poŋ gaar bont maŋa, ki i set sa lawa.

Jɔɔnn 14:13

Ki linba kur ki i sii meiɔ li po nan n sann ni, n sa tuma, ki ŋɔɔ Yennu-n la dontir n paak.

Jɔɔnn 15:7

Ki bia jenna, li-i tee ki i yɔɔ gaa n paak, ki n maan na be i ni, miat Yennu linba kur ki i loon, ki i sa lawa.

Jɔɔnn 16:24

Ŋaan nan mɔtana, i daa ki mi miarɔ bonsiar nan n sann ni. Yii meiɔ, ki i sa la, ki fit lian la parpeenn ki saa yakir.

Jeems 5:16

Fiitir i toonbiit ki wann leeb, ki miar Yennu ki tur leeb, ki Yennu sa te ki i paak. Popeendaanɔ-i miar Yennu nan ninmɔnn, li mɔk paŋ bonchiann.

1 Jɔɔnn 3:22

Ki bia jenna, ti-i dia u sennii ki tuun linba pent u parie, ŋannii sa te ki u teent linba ki ti meiɔ na.