Matiu 20:28 - Yennu Gbounpaauŋ Mɔɔr

²⁸ kaman nan min nisaarik Bik nba tee biaŋinba na, kimaan n ki baar ma niib-n tun turin kaa, ŋaan n baar ma n tun ki tur niibe, ki bia kpo a n te ki niib bonchiann-n la tinnu.”

Yennu Gbouŋ Mɔɔr

²⁸ nan min nisaarik Bik nba tee biaŋinba na, kimaan n ki baar maa niib n tun turin kaa, ŋaan n baar maa n tun ki tur niibe, ki bia kpo ki lin te niib bonchiann n la tinnu.”

Matiu 20:28 ပူးပေါင်းရင်းမြစ်များ

Matiu 20:27

Ki li-i bia tee ki sɔɔ loon wun tan gar sinsinni, wun kpant i daabir,

Matiu 26:28

Linba nee tee n sɔn nba sa te ki Yennu mɔsonn-n set nan barmɔnii, sɔn nba tan sa nyi n gbanant ni, nisaarii bonchiann paak, a Yennu-n nyik chab bi biite na.

Matiu 8:20

Ki Yisa yetɔ a “Lunlona mɔk fɔrii, ki nɔɔnii mun bia mɔk tiat, ŋaan min nisaarik Bik ki mɔk dundɔɔnboori.”

Barŋanii nba ki MAK din sɔb nae na 10:45

kimaan min nisaarik Bik, n ki baar ma niib-n tun turin kaa, ŋaan n baar ma n tun ki tur niibe, ki bia kpo a n te ki niib bonchiann-n la tinnu.”

Barŋanii nba ki MAK din sɔb nae na 14:24

Ki u yetib a “Linba nee tee n sɔn nyinn; ki n sɔn na sa nyi n gbanant ni nisaarii bonchiann paak, ki wann nan Yennu senn mɔsonpaann.

Barŋanii nba ki LUK din sɔb nae na 22:27

Tɔn, ŋmee tee nijaann ki gar u lɔɔ, wunba di jeet, amii wunba teene? Li ki tee wunba di na kaa-aa? Ŋaan min ŋanin be i sinsuuk ni kaman nan toontunnɔ nee.

Rom Teeb 4:25

Ŋɔɔe din jii Yisa ki chab ki u kpo ti toonbiit paak, ŋaan bia fiinɔ kuun ni, a wun te ki tii tee niŋamm u tɔɔnn.

2 Korint teeb 8:9

I mi ti Yomdaanɔ Yisa Masia nuu nba yaa biaŋinba. U tee mɔkitɔɔe, ŋaan ki i paak ki u din kpant tarik, ki u tarik kpantu maŋ paak te ki yimm ji teen mɔkita.

Galasia teeb 3:13

Ŋaan ti din be Yennu mɔtomm nie, kimaan ti kan fit wei sennu fanu, ŋaan Masia tiauŋo din gaar ti paak ki din be mɔtomm maŋ ni ki nyinnit li mɔtomm ni, kimaan li sɔb Yennu gbouŋ ni a “Wunba ki bi kpaau dapunpunn paak na, Yennu mɔtomm be u paak.”

Efesus teeb 1:7

Kimaan Yennu nyik chab ti biit ki nyinnit daabsin ni u Bilonkak maŋ sɔn paake.

Efesus teeb 5:2

ki ŋaan ki loomm-ii dia-i kaman nan Masia nba din loont bonchiann ki gaar ti paak ki kpo ki teen mannu nba ki Yennu loon na.

1 Timoti 2:6

wunba din jii u mɔŋ ki mann mannu ki tur sɔɔ kur na a wun nyinnib daabsin ni; ki bi mɔɔntir barŋanii maŋ yoo kur.

Taitus 2:14

ŋɔɔe din gaar ti paak ki kpo a wun nyinnit biit kur daabsin ni, ki te ki ti tee popeendamm nba tee u kuukɔɔ yab, kii teen niib nba numm mɔn nan toonŋana tumu.

Hiibru teeb 2:10

Kimaan Yennu nba din nan bonsiar kur ki bia dia li kur na, wa jii u waas bonchiann ki kɔɔmm u naan ni na, li din tokin u boor ni a wun te ki bi tinnu daanɔ Yisa-n teen bi Tinntɔɔ nan barmɔnii u fara dinu ni.

Hiibru teeb 5:8

U tee Yennu Bijae, ŋaan u mun din dii farae Yennu mɔbsaku ni,

Hiibru teeb 9:28

Li paak, Masia nba din jii u mɔŋ mann marouŋ yomkɔɔ ki nyinn nifosaarii bonchiann biit na tan sa jena, ki ji tan kan boi biit po kaa, ŋaan u tan sa tinn binba guu-u nan bi para kur nee.

1 Piita 2:24

Ŋɔɔ Masia mɔŋ mɔŋe din jii ti toonbiit u gbanant ni, ki bi kpaau dapunpunn paak, a tin nyi biit ni ŋaan tee niŋamm. U daŋ paake ki i la laafia.

1 Piita 3:18

kimaan Masia din gaar biitdamm kur paak ki kpo yomkɔɔe; niŋanɔ maŋe din gaar biitdamm paak ki kpo, a wun te tin saan Yennu boor. Bi din kpiu, ŋaan ki u bia din fiir kuun ni Yennu Seyeeŋ paak.

1 Jɔɔnn 2:2

Ki wa din sik ki tan gaar ti paak ki kpo na, ŋɔɔe ji teen ti marouŋ Yennu boor ni ti toonbiit paak; ki u marouŋ maŋ, li ki tee timm Masiaweira kuukɔɔ toonbiit paak kaa, ŋaan li tee timm nan tingbouŋ na ŋaateeb kur toonbiit paake.