Matiu 20:19 - Yennu Gbounpaauŋ Mɔɔr

¹⁹ Bi tan sa jiin ki tur binba ki tee Juu teeb a bii fiakin, ki boon kpaasir, ki kpaa tabinin dapunpunn paak ki man kpo, ŋaan ki li daa ŋanntaa daar, n bia sa fiir kuun niwa.”

Yennu Gbouŋ Mɔɔr

¹⁹ Bi tan saa jiin ki tur binba ki tee Juu teeb ki bin fiakin, ki boon kpaasir, ki kpaa tabinin dapunpunn paak ki man kpo, ŋaan li daa ŋantaa daar, n saa fiir kuun niwa.”

Matiu 20:19 ပူးပေါင်းရင်းမြစ်များ

Matiu 12:40

kimaan Jona maŋ nba din be jaŋgbeŋŋir poor ni yennu nan nyiɔk ki saan jaŋ daa ŋanntaa na, nnee ki min nifosaarik Bik mun tan sii be tiŋ ni yennu nan nyiɔk ki saa jaŋ daa ŋanntaa.

Matiu 16:21

La din nyii li yoo maŋ ki jii saa, ki Yisa piin ki beer u poorpoweiteeb a “See ki n fabir ki saan Jerusalem, ŋaan ti tiŋ ni saakab, nan Yennu jiantu yudamm, nan sennu wannteeb sa dinin fara bonchiann, ki bia tan sa kpima; ŋaan daa ŋanntaa daar ki Yennu sa fiinin kuun ni.”

Matiu 17:23

ki bin kpin, ŋaan daa ŋanntaa daar ki n bia sa fiir kuun ni.” Ki li ji biir u poorpoweiteeb para ni bonchiann.

Matiu 27:26

Ŋanne ki Pailat nyinn Barabas ŋaau, ŋaan te ki bi boo Yisa kpaasir, ki jiiu turib a bin saa kpaau dapunpunn paak.

Matiu 27:63

“Chanbaa, ti tian nan faak daanɔ maŋ nba daan be na, u yet a li-i tee ki u taŋŋi kpo, a ŋaan daa ŋanntaa daar u bia sa fiir kuun niwa.

Barŋanii nba ki MAK din sɔb nae na 14:65

Ki bi siab siin mɔsant u paak; ki bi piit u numm po, ŋaan pebitɔ ki betɔ a “Buntir wunba peba na.” Ki toontunna na soorɔ, ki jakɔ nan tanpakii.

Barŋanii nba ki MAK din sɔb nae na 15:1

Ki Yennu jiantu yudamm, nan tiŋ na ni saakab, nan sennu wannteeb, nan Juu teeb saakab kur lakin sanyapob ni, ki lor lora, ki baan Yisa bant ki jiiu saan nanɔ tiŋ yudaanɔ nba ki bi yiu Pailat na boor.

Barŋanii nba ki MAK din sɔb nae na 15:15

Ki Pailat loon wun penn nibur maŋ para, li paak ki u nyinn Barabas turib, ŋaan te ki bi boo Yisa, ki jiiu turib a bin kpaau dapunpunn paak ki wun kpo.

Barŋanii nba ki LUK din sɔb nae na 18:32

kimaan bi tan sa soorin ki teenin binba ki tee Juu teeb nuu ni, ki bi tan sa daanin nyatuk ki sukiin ki siin mɔsant n paak,

Barŋanii nba ki LUK din sɔb nae na 23:11

Ki Herod nan u lanjimanba ji sian Yisa ki daanɔ nyatuk, ki gbabinɔ chinchenŋann ki jiinɔ Pailat boor.

Barŋanii nba ki LUK din sɔb nae na 24:46

ki yetib a “Li sɔb a Yennu Niganntɔɔ Masia sa di fara ki kpo ki tan fiir kuun ni daa ŋanntaa daar;

Toona 2:23

Ŋaan Yennu mi linba yaa lin tan teen. Li paak, ki u dɔŋ lor lor ki kubinɔ i nuu ni, ki i te ki biitdamm kpaa tabinɔ dapunpunn paak ki kpiiu, ki li want nan yimme set kpiiu.

Toona 21:11

ki baar ti boor ni, ki tan jii Pɔɔl gbann, ki lor u mɔŋ mɔŋ taa nan u nii, ŋaan yet a “Yennu Seyeeŋ nba yaa biaŋinbae na, a gbann na daanɔ, a Juu teeb nba be Jerusalem na tan sa lorɔ nnee, ŋaan jiiu ki kubinɔ binba ki tee Juu teeb na nuu ni.”

Toona 4:27

“Li tee barmɔniie nan Herod nan Ponshus Pailat nan binba ki tee Israel teeb na nan Israel teeb daan set lakin doo na ni, ki lor lora a bin kpi a popeenn toontunnɔ Yisa, wunba ki a din gann ki sennɔ na.