Matiu 2:4 - Yennu Gbounpaauŋ Mɔɔr

⁴ Ki u din yiin Yennu jiantu yudamm nan sennu wannteeb ki tan boib a “Lee ki bi sa mar Yennu Niganntɔɔ Masia na?”

Yennu Gbouŋ Mɔɔr

⁴ Ki u yiin mannteeb yudamm nan sennu wannteeb ki tan boib a “Lee ki bi saa mar Yennu Niganntɔɔ Masia na?”

Matiu 2:4 ပူးပေါင်းရင်းမြစ်များ

Matiu 13:52

Ki u betib a “Li paak, Yennu sennu wanntɔɔ nba kur tumii n wannu ki jii jiin Yennu naan po ki bann li paak fanu, u tee kaman nan ŋaadaanɔ nba nyint bonkpera nan bonpaana u mɔkint ni nee.”

Matiu 2:3

Bat Herod nba din gbat nna maŋ, ki li biir ŋɔɔ nan Jerusalem teeb kur para ni, ki bi ji din ki fit kari.

Matiu 2:5

Ki bi jiinɔ a “Betlehem doo nba be Judea tingbouŋ ni na; kimaan Yennu sɔkinii na din sɔb ki yaa a Yennu yet a

Matiu 21:15

Ŋaan Yennu jiantu yudamm nan sennu wannteeb nba din la bakitnauŋ toona nba ki u tun na, ki bia gbat ki waas yikin Yennu jiantu ŋasaakak ni ki yeen a “Hosana! I piak man David yaaboonn na,” ki li donn bi wutoa.

Matiu 21:23

Yisa nba din saan ki saa kɔɔ Yennu jiantu ŋasaakak ni ki want niib Yennu maan yoonba na, ki Yennu jiantu yudamm nan tiŋ maŋ ni saakab baar u boor ni, ki tan boiɔ a “Yikoo lannpoe ki a mɔk ki tuun linba na kuri? Ki ŋmee chaba li yikoo?”

Matiu 26:3

Li yoo maŋ ki Yennu jiantu yudamm nan Juu teeb saakab din tikir leeb Kayafas ŋaak ni, wunba tee Yennu jiantu yudamm saakɔɔ na.

Matiu 26:47

U mɔb daa din ki baa tiŋi, ki Judas wunba tee u poorpoweiteeb na ni yenɔ dɔkit nan niburchiauŋ, ki siab dia jukbanjai, ki siab mun dia gbajara, ki nyii Yennu jiantu yudamm nan saakab boor ni.

Matiu 27:1

La yent sanyapob ni, ki Yennu jiantu yudamm nan saakab lor ba sa teen biaŋinba ki kpi Yisa.

Matiu 7:29

kimaan u wannib kaman nan daanɔ nba yen yikoo nee, ki ki wannib kaman nan sennu wannteeb nba wantib biaŋinba na.

Barŋanii nba ki MAK din sɔb nae na 8:31

Ki Yisa ji want u poorpoweiteeb a “See ki min nisaarik Bik dii fara bonchiann, ki saakab nan Yennu jiantu yudamm nan sennu wannteeb-n tan yêtin, ki bia kpin; ŋaan li daa ŋanntaa daar ki n sa fiir kuun ni biak.”

Barŋanii nba ki LUK din sɔb nae na 20:19

Ki sennu wannteeb nan Yennu jiantu yudamm bann nan Yisa nba yin barjouk na li saan gaan bi paake; li paak, ki bi ji din koor a bin soorɔ li tonton na, ŋaan tiin niib na jaŋmaanii.

Barŋanii nba ki LUK din sɔb nae na 23:10

Ki Yennu jiantu yudamm nan sennu wannteeb mun din see leŋ ki piak nan paŋ ki want Yisa biit.

Jɔɔnn 18:3

Ŋanne ki Judas tan baar kpaab maŋ ni nan lanjimanba, nan Yennu jiantu yudamm nan Farisiinba toontunna; ki bi din dia jatiat nan fita nan mulanbaabii.

Jɔɔnn 3:10

Ki Yisa jiinɔ a “A tee daanɔ nba want Israel teeb Yennu maan, ŋaan tan ki mi linba na paakii?

Jɔɔnn 7:32

Ki Farisiinba din gbat niib nba burin burin piak nna maŋ Yisa po na, ki ŋamm nan Yennu jiantu yudamm din tun Yennu jiantu ŋasaakak lanjimanba a bin saan ki saa soor Yisa.

Jɔɔnn 8:3

Ŋanne ki sennu wannteeb nan Farisiinba baar nan poo nba tun bonchonchonn toonn, ki te ki u set Yisa tɔɔnn po,

Toona 23:9

Ŋanne ki bi tintianii na ŋammit ki do ki pukii. Ki sennu wannteeb na siab, binba tee Farisiinba na, fiir pak nan nunmɔnn a “Ti ki la jɔɔ na biiti. Li pasiar Yennu set tun seek amii malakae, ki u pak turɔ a wun pak.”

Toona 4:5

La tan yent sanyiɔk ni, ki Juu teeb yudamm nan saakab nan sennu wannteeb lakin bi tituk kaanu ni Jersualem;

Toona 6:12

Ba yet nna maŋ yoonba, ki niib na nan saakab nan sennu wannteeb wutoa doo, ki bi fiir ki soorɔ, ki saan nanɔ bi yudamm tituk boor ni;