Matiu 2:13 - Yennu Gbounpaauŋ Mɔɔr

¹³ Bannteeb na nba din kun na poorpoe ki ti Yomdaanɔ Yennu malaka din baar Josef boor u dammiit ni, ki betɔ a “Fiit ki jii sanpantik maŋ nan u naa kii tiin kii saa Ijipt tingbouŋ ni, ki saa kar leŋ nan yoo nba ki n tan sa tura mɔb biak, kimaan Bat Herod loon ki wun lon bik maŋ boore ki kpiu.”

Yennu Gbouŋ Mɔɔr

¹³ Bannteeb na nba din kun na poorpoe ki Yennu malaka baar Joosef boor damiit ni, ki betɔ a “Fiit ki jii sanpantik maŋ nan u naa kii tiin kii saa Ijipt tingbouŋ ni, ki saa kar leŋ nan yoo nba ki n tan saa tura mɔb, kimaan Bat Herod saa lon bik na boore a wun kpiu.”

Matiu 2:13 ပူးပေါင်းရင်းမြစ်များ

Matiu 1:20

Wa ji din dukii linba na po nee, ki Yennu malaka baar u boor ni u dammiit ni ki tan betɔ a “Fin Josef, wunba tee David yaaboonn, daa yêen a sarkpeŋ Mari kɔɔnu, kimaan wa mɔk poor nba na tee Yennu Seyeeŋ paŋ nie ki u soor poor maŋ.

Matiu 10:23

Bi-i taŋŋi mukisi digban-yenn ni, yin nyi leŋ ki lɔɔr digbanleer ni; ŋaan barmɔniie ki n beeri na, i daa kan fit ki lin ki gbenn Juu teeb digbana kuri, ki min nisaarik Bik poŋ jenna.

Matiu 2:12

Tɔn, ki Yennu din pak ki turib bi dammiit ni, a bi ji daa ŋmat Bat Herod boor ni; li paak, ki bi ji din tɔkin sanjogauŋ ki ŋmat kun bi doo ni.

Matiu 2:14

Ki u din fiir nyiɔk ki jii bik na nan u naa ki chiar ki saan namm Ijipt tingbouŋ ni.

Matiu 2:16

Herod nba din tan bann nan bannteeb maŋ kparɔe na, ki li gbatɔ bonchiann, ki u din tun lanjimanba a bin saan Betlehem nan li digbanbis ni ki saa kpi bonjabis kur; ki bi din kpi sanpantii nan binba tee bina ŋannlelee kaman nan wa daan boi bannteeb maŋ ki bann yoo nba ki ŋmaabir na daan nyii na.

Matiu 2:22

Wa din tan gbat a Akelaus dii naan ki kar u baa Herod naangbant paak Judea tiŋ ni na, ki jaŋmaanii soorɔ nan wun kun leŋ; ki Yennu bia din wannɔ u dammiit ni a wun ŋmat saan Galilee tingbouŋ ni.

Toona 10:22

Ki bi jiin a “Chanbaa Kɔneliuse tumit. U tee lanjimanba yudaanɔe, ki tee niburchimɔe biak, ki jiantir Yennu, ki Juu teeb kur teenɔ nibaakir. Tɔn, Yennu malaka won baar betɔ a wun yiina ki a baar u ŋaak ni, ki wun tan gbat linba ki a sa pak ki turɔ.”

Toona 10:7

Malaka maŋ nba din pak nanɔ na ji din yaat, ki Kɔnelius ji yiin u ŋaatoontunna bannlee nan lanjima sɔɔ nna, wunba din tee Yenjiantitɔɔ, ki tee u kpaakyenɔ na.

Toona 12:11

Ŋanne ki Piita ji yerint bann, ki yet a “Mɔtanae ki n ji daa bann nan li set tee mɔniie nan Yennu tun u malaka ki u baar nyinnin Bat Herod nuu ni, ki bia nyinnin nan Juu teeb nba dukii a bin tumin biaŋinba na ni.”

Toona 12:7

Li taakpaak ni ki ti Yomdaanɔ malaka dɔkit, ki yentu yent dansarik diiuk na ni, ki u nik nik Piita bɔpiɔk ki muntɔ, ŋaan yetɔ a “Fiit yian yian!” Ki u fiir. Wa fiir yoonba, ki jarit na pit u nii ni ki baa.

Toona 16:36

Ki dansarguurɔ na bet Pɔɔl a “Barbuura na tun lanjimanba a n te ki fin nan Sailas-n nyi. Li paak na, i nyi man kii saa nan laafia.”

Toona 5:19

Ki li nyiɔk maŋe ki Yennu malaka sik ki loot dansarik tammɔi, ki nyinn toomiinba maŋ, ŋaan betib a

Toona 7:19

Ki kpanbar maŋ din dia ti niib diabiiuk, ki din tuu ton namm bonchiann, ki bia din tuu miab a bin nyinn bi sanpantii bi ŋei ni ki lub ki bin kpo.

Fiitu 12:14

Ki Yennu jii kanbagbeŋŋir kpinkpant ŋannlee ki tur poo na a wun yukir ŋaan nyik waakperbiiuk na, ki saan muuk ni kii saa kii be siaminba ki bi sii dintɔ bina ŋanntaa nan binjinn.

Fiitu 12:4

Ki u jii u joor ki dat ŋmaabira na bɔkitu ŋanntaa ni yenn ki nyinnir sanpaapo ki lur tingbouŋ na ni. Ŋanne ki u ji see poo nba mɔ matyiaru na tɔɔnn, ki guu a wun mar gbenna, ki wun ji ŋman sanpantik na.

Fiitu 12:6

Ki poo na mun chiar ki saan muuk ni siaminba ki Yennu teen siir ki guunɔ na, ki sii dintɔ ki saa dian daa tusir nan kobiinnlee nan piinnloob.