Matiu 19:22 - Yennu Gbounpaauŋ Mɔɔr

²² Ki naasimɔ na nba gbat nna yoonba, ki u seet nan parbiir, kimaan u din mɔk mɔkint bonchiann.

Yennu Gbouŋ Mɔɔr

²² Naasimɔ na nba gbat nna yoo nba, ki u seet nan parbiir, kimaan u mɔkint yab bonchiann.

Matiu 19:22 ပူးပေါင်းရင်းမြစ်များ

Matiu 13:22

Bonboorii nba baa kunkonii ni na mun tee kaman nan wunba gbat Yennu maan na, ŋaan ki tingbouŋ na fara nan mɔkint loomm nyakin maan maŋ u par ni, ki li kan nami.

Matiu 14:9

Linba na din biir bat na par ni hei; ŋaan wa sat dɔŋ por mɔpor saamm na tɔɔnn na, li paak, u ji ki fit yêti; ki u chab a bin saan tun nna,

Matiu 16:26

Li-i tee ki nirɔ yen tingbouŋ na mɔkint kura, ŋaan tan kɔŋ u manfoor, nyɔlantpoe ki u sa la? Sɔɔ kan fit jii siar ki daa u manfoori.

Matiu 19:21

Ki Yisa betɔ a “Li-i tee ki a loon ki a binbeŋ-ii tee fanu nan barmɔnii, fii saa ki saa kɔi fa mɔk linba ki jii li likirii maŋ ki tur talasdamm, ki a tan sa la mɔkint sanpaapo; li poorpo ki a jenna kii waan.”

Matiu 19:23

Ŋanne ki Yisa ji yet u poorpoweiteeb a “Barmɔniie ki n beeri na, li sii paar bonchiann nan mɔkitɔɔ-n kɔɔ Yennu naan ni.

Matiu 6:24

“Sɔɔ kan fit tun ki tur yomdamm bannlee; u sii nan yenɔ ŋaan kii loon lɔɔ; amii u sii nian yenɔe, ŋaan kii sian lɔɔ na. I kan fit waa Yennu nan likirii biaki.

Barŋanii nba ki MAK din sɔb nae na 10:22

Jɔɔ na nba din gbat linba na ki u par ni biir bonchiann, ki u ŋmat kun nan parbiir, kimaan u din mɔk mɔkint bonchiann.

Barŋanii nba ki MAK din sɔb nae na 6:26

Ki linba na tur bat na parbiir bonchiann, ŋaan u ji din kan fit yêt bik maŋ nba loon linba na, kimaan u dɔŋ senn mɔsonn saamm maŋ boor niwa.

Barŋanii nba ki LUK din sɔb nae na 18:23

Wa gbat linba na ki u par ji biir, kimaan u din mɔk mɔkint bonchiann.

Jɔɔnn 16:20

Barmɔniie ki n beeri na, i tan sii fabin ki mɔ, ŋaan tingbouŋ na ŋaateeb ŋarin tan sii mɔk parpeenne. I sii mɔk parbiir, ŋaan li poorpo ki i parbiir maŋ tan sa tunn ki teen parpeenn.

Efesus teeb 5:5

Li ŋan yii mi nan wunba tee bonchonchonn amii jakint daanɔ amii nianchiauŋ daanɔ, ŋamme kan la yiar Masia nan Yennu naan ni; ki nianchiauŋ tee kaman nan patmannu nee.

Kolosa teeb 3:5

Li paak, yi nyik tingbouŋ na ni niauŋ nba tuun toona i ni na; li yenninbae tee bonchonchonsin, nan linba tee jakint toona, nan kunkɔmaasu, nan nianbiiuk, nan nianchiauŋ, linba tee patmannu booru.