Matiu 19:21 - Yennu Gbounpaauŋ Mɔɔr

²¹ Ki Yisa betɔ a “Li-i tee ki a loon ki a binbeŋ-ii tee fanu nan barmɔnii, fii saa ki saa kɔi fa mɔk linba ki jii li likirii maŋ ki tur talasdamm, ki a tan sa la mɔkint sanpaapo; li poorpo ki a jenna kii waan.”

Yennu Gbouŋ Mɔɔr

²¹ Ki Yiisa betɔ a “Li-i tee ki a loon a binbeŋ-ii tee fanu nan barmɔnii, fii saa ki saa kɔi faa mɔk linba kur, ki jii li likirii ki tur talasdamm, kii mɔk mɔkint Yendɔuŋ ni, ki ji kii waan.”

Matiu 19:21 ပူးပေါင်းရင်းမြစ်များ

Matiu 16:24

ŋaan bet u poorpoweiteeb a “Wunba-i loon wun wein, see ki u likin u saaŋmaŋ ki jii u kuun dapunpunn kii waan,

Matiu 19:20

Ki naasimɔ na betɔ a “N poŋ wei sennu na kura. Lannpoe ki n bia sa tun pukin linba na paaki?”

Matiu 19:22

Ki naasimɔ na nba gbat nna yoonba, ki u seet nan parbiir, kimaan u din mɔk mɔkint bonchiann.

Matiu 19:28

Ŋanne ki Yisa jiin ki betib a “Barmɔniie ki n beeri na, yoo nba ki min nisaarik Bik na tan kar n naangbant paak nan paŋ bonchiann dunia paann na ni, yimm nba tee n poorpoweiteeb na mun tan sa kar naangbant piik nan ŋannlee paake, kii bu Israel teeb booru piik nan bannlee na buut.

Matiu 4:19

Ki u yetib a “I waan man, ki n sa te ki yii daak nifosaarii kii teen Yennu kaman nan ya so janii biaŋinba na.”

Matiu 5:48

Li paak, yii be man fanu kaman nan i Baa Yennu nba be sanpaapo na nba be fanu biaŋinba na.

Matiu 8:22

Ki Yisa jiin betɔ a “I waan, ŋaan nyik ki kpeemm-ii pii bi kpeenleeb.”

Matiu 9:9

Ki Yisa din nyii leŋ ki saa, ki saa la jasɔɔ nna, ki bi yiu Matiu, ki u kar u toonn paak lampogaar diiuk ni; ki Yisa betɔ a “Fiit kii waan.” Ki u fiir ki waau.

Barŋanii nba ki MAK din sɔb nae na 10:21

Ki Yisa gotɔ sirrr nan loomm, ŋaan betɔ a “Ŋaan bonyennkɔɔe pɔta; i kun ki saa kɔi linba ki a mɔk, ki jii li likirii maŋ ki tur talasdamm, ki a tan sa la mɔkint sanpaapo; li poorpo ki a jenna kii waan.”

Barŋanii nba ki MAK din sɔb nae na 2:14

Ŋanne ki u din gar tɔɔnn po ki saa la jasɔɔ nna ki u sann din tee Liifai, wunba din tee Alfeus bik, ki u kar u toonn paak lampogaar diiuk ni; ki Yisa betɔ a “Fiit kii waan.” Ki u fiir ki waau.

Barŋanii nba ki MAK din sɔb nae na 8:34

Ŋanne ki Yisa yiin u poorpoweiteeb nan nibur nba waau na, ki tan betib a “Wunba-i loon wun wein, see ki u likin u saaŋmaŋ, ki jii u kuun dapunpunn kii waan,

Barŋanii nba ki LUK din sɔb nae na 12:33

Li paak amii, kɔin i bona nba ki i mɔk ki jii li likirii ki tur talasdamm, ki i tan sa la mɔkint nba ki mɔk gbennu. Mɔkint maŋ sii be Yendɔuŋ ni, ki kan wati, kimaan nanyukɔɔ kan kpian leŋi, ki bonŋmiŋmabit bia kan mɔɔri.

Barŋanii nba ki LUK din sɔb nae na 14:33

“Tɔn, nirɔ-i kii nyik u mɔkint kuri, u kan fit teen n poorpoweitɔɔ kaa.

Barŋanii nba ki LUK din sɔb nae na 16:9

Mine beeri na, yi nyinn tingbouŋ na likirii kii tuun linba sii Yennu par ni; ki likirii na-i taŋŋi gbenn yoonba, u sa gaari Yendɔuŋ ni, ŋei nba ki mɔk gbennu ni.

Barŋanii nba ki LUK din sɔb nae na 18:22

Yisa nba gbat u jiinu na ki u betɔ a “Bonyennkɔɔe pɔta; kɔin linba kur ki a mɔk ki jii li likirii ki tur talasdamm, ki a tan sa la mɔkint Yendɔuŋ ni. Li poorpo ki a jenna kii waan.”

Barŋanii nba ki LUK din sɔb nae na 5:27

Li poorpoe ki Yisa din nyii ŋaak maŋ ni ki saa, ki saa la lampogaartɔɔ, ki u sann din tee Liifai, ki u kar u toonn paak lampogaar diiuk ni; ki Yisa betɔ a “Fiit kii waan.”

Barŋanii nba ki LUK din sɔb nae na 6:40

A ki tumiitɔɔ ki gar u wanntɔɔ; ki tumiitɔɔ mun-i bann gbenn, ŋaan ŋɔɔ nan u wanntɔɔ sii jame.

Barŋanii nba ki LUK din sɔb nae na 9:23

Ŋanne ki u yet bi kur a “Wunba-i loon wun wein, see ki u likin u saaŋmaŋ ki jii u kuun dapunpunn daar kur kii waan,

Jɔɔnn 10:27

N pei saak n mɔb, ki n mib, ki bi waan,

Jɔɔnn 12:26

Daanɔ nba loon wuu tuun n toonn, see ki wuu waan, ki ma tan sii be siaminba, ki n toontunnɔ mun tan sii be leŋ. Ki bia jenna, daanɔ nba tuun n toonn, n Baa Yennu tan sa donnɔ.”

Toona 2:45

ki tuu kɔi bi faa ki jikit li likirii ki toor bi leeb, ki jaŋŋit kaman nan sɔɔ kur nba loon biaŋinba.

Hiibru teeb 10:34

I din mɔk ninbatinu nan binba be dansarii ni; ki sianyoo bin din tan fat i yent, ŋaan ki i lek mɔk parpeenn, kimaan i mi nan ya bia mɔk yent nba chee ki ki mɔk gbennu yaayoo.