Matiu 18:3 - Yennu Gbounpaauŋ Mɔɔr

³ ŋaan betib a “Barmɔniie ki n beeri na, wunba ki lebit u binbeŋ ki li tee kaman nan bik binbeŋ na, u kan kɔɔ Yennu naan ni kaawa.

Yennu Gbouŋ Mɔɔr

³ ŋaan betib a “Barmɔniie ki n beeri na, wunba ki lebit u binbeŋ ki li tee nan bik binbeŋ na, u kan kɔɔ Yennu naan ni kaawa.

Matiu 18:3 ပူးပေါင်းရင်းမြစ်များ

Matiu 13:15

Kimaan niib na yan dɔkin, bi tuba mun paare, bi bia mun bi ninbinae, kimaan bi ki loon bin la siari, ki bia ki loon bin gbati, ki bia ki loon a bi yan-n dɔkiti, ki bia ki loon bin nyik bi biit, ki min tinnibi.’

Matiu 18:2

Ki u yiin bik nna ki tan sennɔ bi sinsuuk ni,

Matiu 18:4

Wunba sikint u mɔŋ ki u binbeŋ tee kaman nan bik na binbeŋ na, ŋɔɔe tan sii tee saakɔɔ Yennu naan ni.

Matiu 19:14

Ki Yisa yet a “Ŋaant man ki waas maŋ-ii baat n boor ni na, ki daa tiammi, kimaan bi boorue yen Yennu naan,”

Matiu 19:23

Ŋanne ki Yisa ji yet u poorpoweiteeb a “Barmɔniie ki n beeri na, li sii paar bonchiann nan mɔkitɔɔ-n kɔɔ Yennu naan ni.

Matiu 5:18

kimaan barmɔniie ki n beeri na, sanpaak nan tingbouŋ na tan sa gbenn, ŋaan Yennu sennu na nan li bonmintik kan mi bot, see ki li kura tan tun ki gbenn.

Matiu 5:20

Kimaan mii beeri nan see ki i toonŋana yab ki gar sennu wannteeb nan Farisiinba yar, li-i kii tee nnai kaa, i kan mi ki kɔɔ Yennu naan ni.

Matiu 6:16

“Li-i tee ki i yaa i lor mɔiie, ya daa biir i nunii po kaman nan kpinkpannii damm na, kimaan bi tuu biir bi nunii po, a sɔɔ kur-n la ki bann nan bi lor mɔiie. Barmɔniie ki n beeri na, bi poŋ gaar bi nyɔɔta.

Matiu 6:2

“Li-i tee ki a yaa a tur talasdamm piiniie, fa daa mɔɔntir kaman nan kpinkpannii damm nba tuun biaŋinba Yenjiantu diit ni, nan doi ni, a niib-n la bi toonŋana ki pakib na. Barmɔniie ki n beeri na, bi poŋ gaar bi nyɔɔta.

Matiu 6:5

“Li-i tee ki a yaa a miar Yennu, fa daa tuun kaman nan kpinkpannii damm na nba tuun biaŋinba na, kimaan bi loon bii see Yenjiantu diit nie, nan sɔnpaataa nba be doi ni, kii mei Yennu a niib-ii laatib. Barmɔniie ki n beeri na, bi poŋ gaar bi nyɔɔta.

Barŋanii nba ki MAK din sɔb nae na 4:12

a ‘Bin got ŋaan daa laat, ki bia gbiint ŋaan daa bant li paaki; kimaan bi-i la ki bann bi sa jen ki baar Yennu boor ni ki wun nyik chab bi biita.’ ”

Barŋanii nba ki LUK din sɔb nae na 13:24

“See ki i mukis i mɔŋ ki yebin ki kɔɔ tammɔyebik na ni. N beerie, niib bonchiann tan sii loon bin kɔɔ leŋ, ŋaan tan gbar li kɔɔnu.

Barŋanii nba ki LUK din sɔb nae na 22:32

Ŋaan fin Simon, mine miar Yennu a paak, ki a yada daa baa; ki yoo nba ki a ji jen n boor ni, a tot a naa waas.”

Jɔɔnn 1:51

Barmɔniie ki n beeri na, i sa la sanpaapo loot, ki Yennu malakanba siik nisaarik Bik na paak, ki ŋmat do sanpaapo.”

Jɔɔnn 3:3

Ki Yisa betɔ a “Barmɔniie ki n beera na, sɔɔ kan fit ki kɔɔ Yennu naan ni, ki li ki tee ki bi ŋamm marɔ kaa.”

Jɔɔnn 3:5

Ki Yisa yetɔ a “Barmɔniie ki n beera, nirɔ maaru, li kan fit jaŋ nan wun baar Yennu naan ni, ŋaan see ki u la maaru munnlee, ki li tee Yennu Seyeeŋ yar. Nnee-i kaa, u kan fit ki baar Yennu naami.

Toona 14:22

ki ŋammit want Yisaweira u maan, ki cheen bi para doi maŋ ni, ki beerib a “I kpaŋŋii dia i yada maŋ nna man,” ki wantib a “Nan ki tin tan kɔɔ Yennu naan ni na, see ki ti fabir ki dii muksuk bonchiann.”

Toona 28:27

kimaan niib na tee yankpeena damme, ki bi bia kpaa bi tuba nan bin gbat, a ki bi bia mun bi nunii nan bin la. Bi-i bo-i kii mun bi nunii, bi bo sa lawa, ki biakii bo-i kii kpaa bi tuba, bi bo sa gbata, ki bi-i biakii bo-i kii tee yankpeena dammi, bi bo sa bann li paaka. Li-i kii teen nna bonni, bi bo sa nyik bi biit, ki n te ki bin paaka.’ ”

Toona 3:19

“Li paak, i nyik i biit man, kii waa Yennu sɔnu, ki wun nyik chab i toonbiit,

1 Korint teeb 14:20

N naa waas, i daa dia bisin ni dudukiti, ŋaan biit ni, yii tee kaman nan sanpantii nee; ŋaant man ki i dudukit-ii tee subintɔɔ dudukit.

1 Piita 2:2

I poŋ la nan ti Yomdaanɔ ŋane, li paak, yii loon Yennu mɔmaan man kaman nan sanpantik nba loon biin biaŋinba na; kimaan maan maŋ sa te ki yin kpaat tinnu sɔnu ni.

2 Piita 1:11

ki Yennu sa te ki yin tan kɔɔ ti Yomdaanɔ Yisa Masia nba tee ti Tinntɔɔ na naan ni; u naan maŋe yɔɔ be ki ki mɔk gbennu.