Matiu 17:27 - Yennu Gbounpaauŋ Mɔɔr

²⁷ Ŋaan ta ki loon ki tin biir bi para ni na paak, li paak, i saa mɔkgbeŋŋir na ni, ki saa lu janpeenu ki dat jaŋ nba ki a soorɔ sinsinn na ki donn; li-i tee ki a yaat u mɔb, a sa la likirii nba sa fit pa min nan fin paak; ki fan jii ki pab.”

Yennu Gbouŋ Mɔɔr

²⁷ Ŋaan taa ki loon ki tin biir bi para na paak, ii saa mɔkgbeŋir na ni, ki saa lu janpeenu. Jaŋ nba ki a soorɔ sinsinn ki donnɔ na, fan yaat u mɔb; a saa la likirii nba saa fit pa min nan fin paak, ki fan jii pa.”

Matiu 17:27 ပူးပေါင်းရင်းမြစ်များ

Matiu 17:26

Ki u jiin a “Saamme.” Ki Yisa yetɔ a “Tɔn, li-i tee nnaie, li want nan bi mɔŋ booru ni nuu kaa nni.

Matiu 18:6

“Waas nba teenin yada na ŋanin, wunba te ki bi yenɔkɔɔ tun toonbiit, bi-i bo-i lann naar li daanɔ turu ni ki tutɔ nann ki lu-u mɔkgbeŋŋir ni gbaa ki wun di nyun, li bo sii sɔ ki turɔ.

Matiu 18:8

“Li-i tee ki a nuu amii a taapauŋ te ki a yaa a tun toonbiit, fan potir ki lu. Li-i tee ki a mɔk nuu yennkɔɔ, amii taapan-yennkɔɔ, ki la manfoor nba kaa gbennu, li chee nan fii mɔk a nii kur nan a taa kur ŋaan Yennu-n tan kɔɔna muu nba kan mi kpeen na ni.

Matiu 5:29

Li-i tee ki a diitu po ninbinnie te ki a yaa a tun toonbiit, fan kpakirɔ ki lu, kimaan li-i tee ki a kɔŋ a ninbinn yennkɔɔ, li chee nan ki Yennu-n tan kɔɔn a gbanant kur muu nba kan mi kpeen na ni.

Matiu 5:30

Li-i tee ki a nuudiitue te ki a yaa a tun toonbiit, fan potɔ ki lu, kimaan li-i tee ki a kɔŋ a nuu yennkɔɔ, li chee nan ki a gbanant kur-n tan kɔɔ muu maŋ ni.

Barŋanii nba ki MAK din sɔb nae na 9:42

Ki Yisa bia ŋamm ki yet a “Wunba te ki waas maŋ nba teenin yada na yenɔkɔɔ tun toonbiit, bi-i bo-i lann naar li daanɔ turu ni ki tutɔ nann ki lu-u mɔkgbeŋŋir ni gbaa, li bo sii sɔ ki turɔ.

Barŋanii nba ki MAK din sɔb nae na 9:43

Li paak, a nuu-i te ki a yaa a tun toonbiit, fan potir ki lu. Li sɔ ki nirɔ-ii mɔk nuu yennkɔɔ ki la manfoor nba kaa gbennu, ki gar wun tan kɔɔ muu nba kan mi kpeen na ni nan u nii kur.

Barŋanii nba ki LUK din sɔb nae na 17:2

Bi-i bo-i jii naar ki lann u turu ni ki lu-u mɔkir ni, li bo sii sɔ nan wa bo sa te ki waas na yenɔkɔɔ-n tun toonbiit.

Jɔɔnn 6:61

Sɔɔ din ki wann Yisa ŋarimi, ŋaan u din bann nan u poorpoweiteeb na mɔk bunburimii u wannu maŋ paak. Li paak, ki u boib a “Maan nee te ki i birisimii?

Rom Teeb 14:21

Linba ŋan tee ki a nyik linba sa te ki a naa bik-n baa, li-i lekii tee nant ŋmamu amii daan nyunu.

1 Korint teeb 8:13

Li-i tee jeet nba ki n di na paakiie te ki n baant n naa biki, ŋann n ji kan ŋman nant nba sa te ki wun baa.

1 Korint teeb 8:9

I mi man, li pasiar yin tan jii i yaak na ki lin kpant baruk ki tur niib nba yada waar na ni.

2 Korint teeb 6:3

Timm ŋanin ki tuun bonsiar linba sa gɔɔr sɔɔ Yisa Masia sɔnu ni, ki sɔɔ-n tan mann yet a ti toona na mɔk biiti.

2 Korint teeb 8:9

I mi ti Yomdaanɔ Yisa Masia nuu nba yaa biaŋinba. U tee mɔkitɔɔe, ŋaan ki i paak ki u din kpant tarik, ki u tarik kpantu maŋ paak te ki yimm ji teen mɔkita.

1 Tesalonika teeb 5:22

ki nyi biitbooru booru kura ni.

Jeems 2:5

N naa walonkai, gbiintir man, Yennue gann binba tee nandamm tingbouŋ na niib boor, a bin teen mɔkita u boor, kimaan bi teenɔ yada, ki teen u waas nba sa di naan nba ki u din senn mɔsonn a u sa tur binba loonɔ na.