Matiu 16:27 - Yennu Gbounpaauŋ Mɔɔr

²⁷ Kimaan min nisaarik Bik tan sa jen nan n Baa Yennu paŋ, nan n malakanba, ki li yoo maŋ n tan sa pa sɔɔ kur kaman nan u toona nba tee biaŋinba.

Yennu Gbouŋ Mɔɔr

²⁷ Min nisaarik Bik tan saa jen nan n Baa Yennu paŋ, nan n malakanba, li yoo maŋ, n tan saa pa sɔɔ kur nan u toona nba tee biaŋinba.

Matiu 16:27 ပူးပေါင်းရင်းမြစ်များ

Matiu 13:41

Min nisaarik Bik tan sa tun n malakanba ki bin gann nibiit kur nba te ki leeb tuun toonbiit, nan biitdamm kur nba be n yent ni,

Matiu 13:49

Li tan sii tee nnee dunia na gbennu daar; Yennu malakanba tan sa baare ki gann nifoŋamm, ŋaan nyik nibiit.

Matiu 24:30

Li yoo maŋ ki niib tan sa la min nisaarik Bik jenu nyinn sanpaapo, ki nibooru booru nba be tingbouŋ na kur tan sii fabin, ki ji la min nisaarik Bik ki n be sanpagbana ni ki siik nan paŋ nan yentsaakar.

Matiu 25:31

“Tɔn, min nisaarik Bik-i taŋŋi jen nan n paŋ nan malakanba kura, n tan sa kar n naangbouŋ paak, ki la baakchiauŋ,

Matiu 26:64

Ki Yisa jiin a “Nn, fine yaa. Ŋaan n beerie, la nyii mɔtana ki jii saa, i tan sa la min nisaarik Bik ki n kar Yabint Yennu nuudiitu po, ki bia tan sa lan ki n be sanpagbana ni ki siik.”

Matiu 8:20

Ki Yisa yetɔ a “Lunlona mɔk fɔrii, ki nɔɔnii mun bia mɔk tiat, ŋaan min nisaarik Bik ki mɔk dundɔɔnboori.”

Barŋanii nba ki MAK din sɔb nae na 14:62

Ki Yisa jiin a “Nn, mine na. I tan sa la min nisaarik Bik ki n kar Yabint Yennu nuudiitu po, ki bia tan sa lan ki n be sanpagbana ni ki siik.”

Barŋanii nba ki MAK din sɔb nae na 8:38

Ki wunba-i tiin fei ki jiin min nan n wannu na po tingbouŋ na biitdamm nan tubkangbata damm paak, min nisaarik Bik-i taŋŋi jen nan n Baa Yennu paŋ nan u malakanba, n tan sa tinɔ fei nan man jiiu ki pukin n niib niwa.”

Barŋanii nba ki LUK din sɔb nae na 21:27

Li yoo ki bi tan sa la ki min nisaarik Bik dɔkitir baat sanpagbouŋ ni nan paŋ bonchiann nan yentsaakar.

Barŋanii nba ki LUK din sɔb nae na 22:69

La nyii mɔtana ki jii saa min nisaarik Bik tan sii kar Yabint Yennu nuudiitu po.”

Barŋanii nba ki LUK din sɔb nae na 9:26

Wunba tiin fei ki jîin min nan n wannu na po, min nisaarik Bik-i taŋŋi jen nan n paŋ, nan n Baa Yennu paŋ, nan u malakanba paŋ, li yoo maŋ n tan sa tin fei nan man jii li daanɔ ki pukinɔ n niib niwa.

Jɔɔnn 21:22

Ki Yisa jiin yetɔ a “Mi-i loon ki wuu be nan ma tan sa jen, li ki laani. Fin-ii waan.”

Jɔɔnn 21:23

Li paake teen ki Yisa poorpoweiteeb din yeen a Yisa poorpoweitɔɔ maŋ kan kpo. Ŋaan Yisa ŋarin din ki pak yaa a u kan kpo kaa. U din yet a “Mi-i loon wuu be nan ma tan sa jen, li ki laani.”

Toona 1:11

ki boib a “Yimm Galilee teeb, bee ki i see nna ki gorii sanpaapo nna? Yisa na nba nyii i boor ni ki doo Yendɔuŋ ni biaŋinba na, u bia tan sa nyi Yendɔuŋ maŋ ni ki jen sik kaman nan ya goriiɔ ki u do sanpaapo biaŋinba nee.”

Rom Teeb 14:12

Li paak, sɔɔ kur tan sa fiit u mɔŋ ki tur Yennu.

Rom Teeb 2:6

kimaan sɔɔ kur sa la u toona nyɔɔt nba tee biaŋinba.

1 Korint teeb 15:23

Sɔɔ kur sa fiir u kuun fiiru yoo; Masiae fiir sinsinn, ki binba tee u niib mun tan sa fiir u baaru daar maŋ.

1 Korint teeb 3:13

Masia baaru daar maŋ nie, ki sɔɔ kur toona nba tee biaŋinba tan sa nyi paanu. Muue tan sa fiit wannir, ki bikin sɔɔ kur toona ki wann la tan sii tee biaŋinba.

1 Korint teeb 8:8

Ŋaan nant kaa sa te ki ti ki fɔk nan Yennu; kimaan ti-i dii, li ki pukint siari; ti-i biakii kii dii, li bia ki jiintit poori.

2 Korint teeb 5:10

Kimaan ti kur binbeŋ tan sa nyi paanu Masia tɔɔnn po barbuut daar, ki sɔɔ kur tan sa gaar piinii kaman nan u toona nba din tee biaŋinba tingbouŋ na ni na, la tan ŋanii, la bii, li fan nana.

Efesus teeb 6:8

kii tian nan ti Yomdaanɔ tan sa tur wunba yen u mɔŋ nan daabir kura bi toonŋana paauko.

Kolosa teeb 3:25

Ki biitdaanɔ mun tan sa gaar u toonbiit tubdatu, wa tun linba paak, kimaan Yennu tan sa dat u tuba, ki lukitin kaa.

1 Tesalonika teeb 1:10

ki guur u Bija Yisa, wunba tan sa nyi Yendɔuŋ ni ki baar na; wunba ki u din fiinɔ kuun ni, ki u fatit Yennu wutoor nba baat na ni na.

1 Tesalonika teeb 4:16

kimaan ti Yomdaanɔ tan sa nyi Yendɔuŋ ni ki sik nan tintian paari, nan malaka saakɔɔ yiiniie, nan Yennu kikaak mɔnii, ki Masiaweira nba din kpo na tan sa fiir sinsinn;

Jeems 5:7

N naa waas, yii mɔk gbankur man kii guu ti Yomdaanɔ baaru daar maŋ. Gotir man kpaarɔ nba tuu mɔk gbankur ki guu kpafusaak mɔkmɔk nan sajoontik ki u jeet-n ji tan nan bonŋann.

1 Piita 1:17

Li-i tee ki i mei Yennu, i yiu Baae; ŋɔɔe bu niib kur buut kaman nan ba tun biaŋinba na, ki ningannii kaa; li paak, yoo nba kur ki i be tingbouŋ na ni, yii tiinɔ man.

1 Jɔɔnn 2:28

Tɔn, n waas, yii gaa Yisa paak man. Li-i tee ki i yɔɔ gaa u paakie, ti sii mɔk parcheenn, ki ti kan di fei u boor yoo nba ki u tan sa jen na.

Juud 1:14

Enok wunba paa Adam yoo paak munnlore ni na din sɔkin ki yet bi po a “Ti Yomdaanɔ nan u malakanbaŋamm tusa tusa baat

Fiitu 1:7

Gotir man, ŋɔɔe be sanpagbant ni ki baat na. Sɔɔ kur ninbina tan sa lau, nan binba din ŋmu-u na gbaa. Yoo nba ki u tan sii baat na, tingbouŋ na niib kur tan sa bui u paak. Mɔmɔmm, li sa teen nnawa.

Fiitu 2:23

ki kpi u weira kura; ki n weira kur sa bann nan mine tee wunba mi niib dudukit nan bi loomm nba tee biaŋinba, ŋaan sa tur sɔɔ kur u toona nyɔɔt nba tee biaŋinba.

Fiitu 20:12

Ki n la binba din kpo na, nijaana nan nitarii na, ki bi see naangbouŋ na tɔɔnn po; ki sɔɔ pɔbitir gbant, ki bia pɔbit gbanleer nba ki bi sɔb manfopaann damm sana ki teen leŋ na. Ki Yennu bu binba kpo na buut, ki li waa nan ba tuu tee biaŋinba bi toona ni na, ki li sɔb gbant maŋ ni.