Matiu 16:20 - Yennu Gbounpaauŋ Mɔɔr

²⁰ Ŋanne ki Yisa kpaan u poorpoweiteeb na a bii mi ki bin bet sɔɔ nan ŋɔɔe tee Yennu Niganntɔɔ Masia na.

Yennu Gbouŋ Mɔɔr

²⁰ Ŋanne ki Yiisa kpaan u poorpoweiteeb na nan ninmɔnn a bii mi ki bin bet sɔɔ nan ŋɔɔe tee Yennu Niganntɔɔ Masia na.

Matiu 16:20 ပူးပေါင်းရင်းမြစ်များ

Matiu 1:16

Jakɔb din mar Josef, ki Josef mun din tee Mari sɔrɔ, ki Mari din mar Yisa nba ki bi yiu Yennu Niganntɔɔ Masia na.

Matiu 16:16

Ŋanne ki Simon Piita jiin yetɔ a “Fine tee manfodaanɔ Yennu Bija Masia, wunba ki u gannɔ na.”

Matiu 17:9

Ba nyii jɔɔr na paak ki sik yoonba, ki Yisa kpaamm a “I daa beer sɔɔ linba ki i la na, ki saa tuu yoo nba ki min nisaarik Bik na tan sa fiir kuun ni.”

Matiu 8:4

Ŋaan ki Yisa kpaanɔ a “I mi ki a bet sɔɔ barii na, ŋaan i saa Yennu mantɔɔ boor ki jii a mɔŋ ki wannɔ, ki bia mann marouŋ ki tur Yennu kaman nan u sɔkinii Moses nba din senn ki jiin gbaata tebu po na, a sɔɔ kur-n bann nan a ŋaauk maŋ set gbenna.”

Barŋanii nba ki MAK din sɔb nae na 8:30

Ŋanne ki Yisa kpaamm a bii mi ki bin bet sɔɔ labaar maŋ.

Barŋanii nba ki MAK din sɔb nae na 9:9

Ba nyii jɔɔr maŋ paak ki siik, ki Yisa kpaamm a bi daa beer sɔɔ linba ki bi la na nan yoo nba ki ŋɔɔ nisaarik Bik tan sa fiir kuun ni.

Barŋanii nba ki LUK din sɔb nae na 2:11

Dinna nyiɔk na bi mar i Tinntɔɔ wunba tee Yennu Niganntɔɔ Masia, wunba tee ti Yomdaanɔ na; ki bi marɔ David doo ni.

Barŋanii nba ki LUK din sɔb nae na 9:21

Ŋanne ki Yisa kpaamm nan ninmɔnn a bi daa beer sɔɔ labaar maŋi,

Barŋanii nba ki LUK din sɔb nae na 9:36

Kunkɔr na nba din pak gbenn yoonba, ki bi ji la ki Yisa kɔɔe biar see. Li poorpoe ki bi ji din biar ŋmin ki jikit saa linba ki bi la na po, ŋaan ki ki kumii sɔɔ labaar maŋ, ki li yoo tan gar.

Jɔɔnn 1:41

Wa din nyii Yisa boor ni na poorpoe, ki u saan yiama ki saa lon u yɔɔrɔ Simon boor, ki tan betɔ yaa a “Ti la Masia nawa,” (ki Masia paak tee Yennu Niganntɔɔ,)

Jɔɔnn 1:45

Ki Filip mun saan ki saa lon Natanael boor ki betɔ a “Ti la wunba ki Moses din sɔb u po Yennu sennu gbouŋ ni, ki sɔkiniinba bia din sɔb u po, ki pak a u sa baar na. Ŋɔɔe tee Yisa wunba tee Josef bik, ki u nyii Nasaret.”

Jɔɔnn 11:27

Ki u jiin a “N Yomdaanɔ, nn, n teen yada nan fine tee Yennu Niganntɔɔ Masia, ki bia tee ŋɔɔ Yennu Bija wunba ki ti tuu daan u baaru na.”

Jɔɔnn 20:31

Ŋaan toonjaana nba sɔb ki be nna na, bi sɔb a yin teen yada nan Yisae tee Yennu Niganntɔɔ Masia, ki bia tee Yennu Bija. Li-i tee ki i teenɔ yada, i sa la manfoor nba kaa gbennu, u paak.

Toona 2:36

Ki Piita bia yet a “Tɔn, li ŋan ki yimm Israel teeb kur-n bann nan li tee Yisa nee, wunba ki i daan te ki bi kpaau dapunpunn paak ki kpiiu na, ŋɔɔe ki Yennu wann nan u tee u Niganntɔɔ Masia, ki bia tee ti Yomdaanɔ biak.”

1 Jɔɔnn 2:22

Ki ŋmee tee faak daanɔ? Li tee wunba yaa a Yisa ki tee Yennu Niganntɔɔ Masia wunba ki u din tumɔ tingbouŋ na ni nae. Ŋɔɔe tee Yisa dataak maŋ, ki yêen ti Baa Yennu nan u Bija Yisa mun biak.

1 Jɔɔnn 5:1

Binba kur tee yada nan Yisa tee Yennu Niganntɔɔ Masia na, li yabe tee Yennu waas. Ki daanɔ nba loon nisɔɔ, u bia sii loon nirɔ maŋ waase.