Matiu 16:18 - Yennu Gbounpaauŋ Mɔɔr

¹⁸ Fin Piita, min ŋanin beerae, a tee tanne; ki tanpiiuk na paake ki n sa jii n niib ki senn; ki kuun kan mi fit nyannibi.

Yennu Gbouŋ Mɔɔr

¹⁸ Fin Piita, min ŋarin beerae, a tee tanne; ki tanpiiuk na paake ki n saa jii n niib ki senn; ki kuun kan fit nyannibi.

Matiu 16:18 ပူးပေါင်းရင်းမြစ်များ

Matiu 10:2

U poorpoweiteeb piik nan bannlee maŋ sanae na: Simon, wunba sann bia din yi Piita na; nan u waarɔ Andru; nan Jems nan u waarɔ Jɔɔnn, binba din tee Sebedee waas na;

Matiu 11:23

Ki yimm Kapenaum teeb, Yennu tan sa donni sanpaapo-oo? Aaii. U tan sa sikini muu nba kaa gbennu niwa, kimaan mi-i bo-i tun bakitnauŋ toonjaana Sodom doo ni kaman nan ma daan tun i doo maŋ ni na, Sodom doo maŋ din bo daa be man.

Matiu 18:17

Li-i tee ki u bia ki sak wun gbat ki turibi, fan pak ki wann Yennu niib kura; ki li-i tee ki u bia ki sak nan wun gbat ki tur Yennu niibi, yin ji ŋaan ki u tee kaman nan wunba ki tee Yenweirɔ na, amii lampogaartɔɔ na.

Matiu 4:18

Yisa nba din somm Galilee mɔkgbeŋŋir kpiŋ na, ki u tan la nirɔ wunba ki bi yiu Simon ki bia yiu Piita na, nan u waarɔ Andru, ki bi lubin janlaauŋ mɔkir ni, kimaan bi din tee jansoorae.

Matiu 7:24

“Li paak, wunba kur gbia n maan na ki waa-r fanu, n sa nannɔ nan yandaansɔɔ nba din maa u ŋaak tanpiiuk paak nee;

Jɔɔnn 1:42

ŋaan baar nanɔ Yisa boor. Ki Yisa gotɔ sirrr, ki tan betɔ a “Fine tee Simon wunba tee Jɔɔnn bija, ŋaan a sann bia sii yi Siifas.” (Siifas nan Piita sana tee yomme, ki li paak tee tann.)

Toona 2:47

Ki yoo kur ki bi piak dont Yennu sann, ki sɔɔ kur par mei bi paak. Ki daar kur ki ti Yomdaanɔ bia ŋammit ki te ki niib laat tinnu ki pukii bi paak.

Toona 20:28

Li paak, i dia i mɔŋ man bonŋann, nan Yisaweira nba ki Yennu Seyeeŋ kubin i nuu ni a yii tee bi yudamm kii goriib. Ŋamme ki Yennu jiib ki teemm u niib, kimaan u Bija Yisa nba din kpo na paak.

Toona 8:1

Ki Sɔɔl din sak ba din yaa bin kpiu na po. Li daar maŋe ki muksubiir din baar Yisaweira nba din be Jerusalem na paak; ki bi kura din nyii yat ki saan Judea nan Samaria yaka po, ŋaan nyik toomiinba na kuukɔɔ leŋ.

Galasia teeb 2:9

Jems nan Piita nan Jɔɔnn mɔŋ nba ki bi yib saakab na, ŋaan bi mɔŋ din bann nan Yennue turin toongannkar na; li paak min nan Banabas nan ŋamm din foont leeb ki yokin ti leeb nii ni, ŋanne din want a ti kura mɔk mɔtaauk nan ti leeb. Timm nan ŋamm din sake a min nan Banabas-ii mɔɔntir barŋanii kii teen binba ki tee Juu teeb na, ki bi mun-ii mɔɔntir kii teen Juu teeb.

Efesus teeb 3:10

a Masia niib paak malakanba yent damm nan Yendɔuŋ ni yikoo damm-n tan tumii mɔtana u subinbooru booru.

Efesus teeb 5:32

Yennu mɔmaan na sumii bonchiann, ŋaan min mi nan li want Masia nan u niib poe.

Kolosa teeb 1:18

Ŋɔɔe tee u niib yur, ŋaan ki bi tee u gbanant. U niib maŋ manfoor nyi u boor nie. Ŋɔɔe tee Yennu Bija wunba din kpo ki fiir kuun ni sinsinn, a u kuukɔɔ-ii tee bonsiar kur yudaanɔ,

1 Timoti 3:15

ŋaan li-i yukir ki n ki baar, gbouŋ na sa te ki a bann ta sii be biaŋinba Yennu ŋaaniib sinsuuk ni, binba ki ŋɔɔ Manfodaanɔ Yennu gannib na. Ŋamme dia barŋanii nba tee barmɔnii na, ki bia set li paak.

1 Timoti 3:5

Ŋaadaanɔ-i kii mi wa sa dia u ŋaak niib biaŋinba, nlee ki u sa fit dia Yennu niibi?

Hiibru teeb 12:28

Li paak, ta gaar naan nba kan mi ki nik na paak, yi ŋaan ki tii teen Yennu niipoouk man, ki jiantɔ nan nibaakir nan jaŋmaanii ki u numm-n gboo,

Fiitu 11:15

Li yoo ki malaka nba pukin bannlore na pebir u kikaak na, ki kunkɔsaakara yeen Yendɔuŋ ni a “Tingbouŋ na naan kur kpant ti Yomdaanɔ Yennu nan u Niganntɔɔ Masia yara, ki u sa diab mɔkmɔk nan yoo nba ki mɔk gbennu.”

Fiitu 21:14

Doo maŋ fiakir see tana piik nan ŋannlee paake, ki Pebik na toomiinba piik nan bannlee na sana sɔb tana piik nan ŋannlee na paak.