Matiu 16:16 - Yennu Gbounpaauŋ Mɔɔr

¹⁶ Ŋanne ki Simon Piita jiin yetɔ a “Fine tee manfodaanɔ Yennu Bija Masia, wunba ki u gannɔ na.”

Yennu Gbouŋ Mɔɔr

¹⁶ Ŋanne ki Simonn Piita yetɔ a “Fine tee Yennu nba fo na Bija Masia, wunba ki u gannɔ na.”

Matiu 16:16 ပူးပေါင်းရင်းမြစ်များ

Matiu 1:16

Jakɔb din mar Josef, ki Josef mun din tee Mari sɔrɔ, ki Mari din mar Yisa nba ki bi yiu Yennu Niganntɔɔ Masia na.

Matiu 14:33

Ki binba din be burgbetir na ni baar ki tan gbaan jiantir Yisa ŋaan yeen a “Barmɔniie, a set tee Yennu Bijae.”

Matiu 16:15

Ki u ji boib a “Ki yimm muni, i yaa a n tee ŋmee?”

Matiu 26:63

Ŋaan ki Yisa ki jiin siari. Ki Yennu jiantu yudaanɔ maŋ ŋamm boiɔ “Betirit manfodaanɔ Yennu paak, fine set tee u Niganntɔɔ Masia ki bia tee u Bija na-aa?”

Matiu 27:54

Ki lanjimanba yudaanɔ na, nan u lanjimanba nba pukin u paak ki bi guu Yisa na nba la nna yoonba, nan tiŋ dammu na, ki jaŋmaanii soorib bonchiann, ki bi yeen beer bi leeb a “Barmɔniie, jɔɔ na set tee Yennu Bijae.”

Matiu 4:3

Ki Sintaanii baar u boor ni ki tan yetɔ a “Li-i tee ki a set kii tee Yennu Bijaie, fan yet tana na ki lin kpant jeet ki a di.”

Barŋanii nba ki MAK din sɔb nae na 14:61

Ŋaan ki Yisa lek ŋmina, ki ki jiin siari. Ki u bia ŋamm boiɔ a “Fine set tee Yennu Niganntɔɔ Masia wunba tee ŋɔɔ Yennu Bija na-aa?”

Barŋanii nba ki LUK din sɔb nae na 2:11

Dinna nyiɔk na bi mar i Tinntɔɔ wunba tee Yennu Niganntɔɔ Masia, wunba tee ti Yomdaanɔ na; ki bi marɔ David doo ni.

Jɔɔnn 1:49

Ki Natanael yetɔ a “Chanbaa, a tee Yennu Bijae, ki bia tee Israel teeb kpanbar.”

Jɔɔnn 11:27

Ki u jiin a “N Yomdaanɔ, nn, n teen yada nan fine tee Yennu Niganntɔɔ Masia, ki bia tee ŋɔɔ Yennu Bija wunba ki ti tuu daan u baaru na.”

Jɔɔnn 20:31

Ŋaan toonjaana nba sɔb ki be nna na, bi sɔb a yin teen yada nan Yisae tee Yennu Niganntɔɔ Masia, ki bia tee Yennu Bija. Li-i tee ki i teenɔ yada, i sa la manfoor nba kaa gbennu, u paak.

Jɔɔnn 6:57

“N Baa Yennu nba be nee yen manfoor, ŋaan tumin, ki u paak ki n mun mɔk manfoor maŋ ki be. Li mun bia sii tee nnee, li-i tee ki wunba ŋman n gbanant, n paak, u sii mɔk manfoor maŋ.

Jɔɔnn 6:68

Ki Simon Piita jiin yetɔ a “Ti Yomdaanɔ, ki ti mun ji sa nyika ŋaan saan ŋmee boori? Fine mɔk manfoor nba kaa gbennu wannu.

Jɔɔnn 6:69

Ki mɔtana ti teena yadawa ki mi nan fine tee Yennu popeendaanɔ.”

Toona 14:15

“Bee ki i tee nna? Ti mun tee nisaariie kaman nan yimm na, ki mɔɔntir Yisa barŋanii, a tin ŋmanti ki yi nyik bon-yana maŋ, ŋaan kii waa manfodaanɔ Yennu, wunba din nan sanpaak nan tiŋ nan mɔkgbeŋŋa nan linba kur be li ni.

Toona 8:36

Ba tɔk sɔnu maŋ ki siik yoonba, ki bi la nyun nna dɔɔ. Ki jatɔɔkir na yetɔ a “Gotir, nyume na. A bee yaa lin teen ki a kan wurin Yennu nyunwuru?”

Toona 8:37

Ki Filip yetɔ a “Li-i tee ki a teen Yisa yada nan a par kura, n sa wurawa.” Ki u jiin a “N teen yada nan Yisa Masia tee Yennu Bijae.”

Toona 9:20

ki din saan yiama Yenjiantu diit ni, ki mɔɔntir Yisa po, a Yisa kpan set tee Yennu Bijae.

Rom Teeb 1:4

ki Yennu Seyeeŋ din wann nan paŋ nan u set tee Yennu Bija u kuunfiiru paake.

2 Korint teeb 1:19

Kimaan Yisa Masia nba tee Yennu Bija na, wunba ki min nan Sailas nan Timoti din mɔɔnt u po ki turi na, u ki tee “Nn” nan “Aaii” kaa, ŋaan u mɔlora kur ni tee “Mme.”

2 Korint teeb 3:3

Li dɔɔ paanu ni nan yimme tee Masia gbouŋ maŋ ki u din sɔb ki tunt nann; li tee gbouŋ nba ki nisaarik kaa jii makmɔɔnu ki sɔb tanpatlai paaki, ŋaan manfodaanɔ Yennu Seyeeŋe sɔbir nisaarii para ni.

2 Korint teeb 6:16

Yennu diiuk nan pochianfeek tee yemmee? Aaii. Timme tee diiuk ki tur manfodaanɔ Yennu, kimaan ŋɔɔ Yennu din yet a “N sii be n niib para nie, kii somm bi sinsuuk ni. N sii tee bi Yennue, ki bi mun sii tee n niib.”

1 Tesalonika teeb 1:9

Niib na kur piak jiint ya din gaarit biaŋinba ta din foonti yoonba na, bi piak biaŋinba ki i tunn nyik pata ŋaan baar Yennu boore, a yii jiantir ŋɔɔ Yennu nba tee manfodaanɔ na,

1 Timoti 3:15

ŋaan li-i yukir ki n ki baar, gbouŋ na sa te ki a bann ta sii be biaŋinba Yennu ŋaaniib sinsuuk ni, binba ki ŋɔɔ Manfodaanɔ Yennu gannib na. Ŋamme dia barŋanii nba tee barmɔnii na, ki bia set li paak.

1 Timoti 4:10

Ti gbaae ki tuun nan nunmɔnn kimaan ti mɔk dindann Manfodaanɔ Yennu paak, kimaan u be ki tee sɔɔ kur Tinntɔɔ, ki sa tinn sɔɔ kur nba teenɔ yada.

Hiibru teeb 10:31

Li tee bonbilankante ki sɔɔ-n tan kɔɔ manfodaanɔ Yennu wutoor ni.

Hiibru teeb 12:22

Ŋaan yimm ŋanin baar jɔɔr nba yaa sann yi Sion, linba tee manfodaanɔ Yennu doo nba tee Yendɔuŋ ni Jerusalem, siaminba ki malakanba tusa tusa lakin nan parpeenn.

Hiibru teeb 3:12

Tɔn, n naasinyɔɔsinba, yi bann i yan ni ki sɔɔ daa tee biitdaanɔ ki kɔŋŋit yada ki tan mann ŋmat poor ki nyik manfodaanɔ Yennu na.

Hiibru teeb 9:14

Linba na-i ŋamm gbanant, ki Masia sɔn mantik sa nyinn biit ti para ni a tii waa manfodaanɔ Yennu, kimaan Seyeeŋ nba be yoo nba kaa gbennu paŋ ni ki ŋɔɔ Masia din jii u mɔŋ ki mann marouŋ nba be fanu fanu ki tur Yennu.

1 Jɔɔnn 4:15

Wunba yaa a u teen yada nan Yisa tee Yennu Bija, ŋɔɔe ki Yennu be u ni, ki u mun bia gaa Yennu paak.

1 Jɔɔnn 5:20

Ti mi nan Yennu Bija Yisa din sik tingbouŋ na ni ki tan turit yan a tii bant barmɔnii Yennu. Ta gaa nan u Bija Yisa Masia na paak, ŋanne bia te ki ti gaa nan u Baa Yennu paak; ki ŋɔɔe set tee barmɔnii Yennu, ki bia tee daanɔ nba teent manfoor nba kaa gbennu.

1 Jɔɔnn 5:5

Ki ŋmee sii nyant jinjammii maŋi? Wunba teen yada nan Yisa tee Yennu Bija.

Fiitu 7:2

Li yoo ki n la malakaganɔ ki u nyii yendopo ki dia dɔk nba tee manfodaanɔ Yennu yar na; ki u yikin nan kunkɔsaakar ki yeen malakanba banna nba ki Yennu turib yaak a bin biir tiŋ nan mɔkgbeŋŋa na,