Matiu 15:31 - Yennu Gbounpaauŋ Mɔɔr

³¹ Ki nibur na nba la ki mui piak, ki dianii paak, ki wɔbii somm, ki jɔɔnii laat na; ki li yaar ŋaan litib, ki bi piak dont ŋamm Israel teeb yabint Yennu na sann.

Yennu Gbouŋ Mɔɔr

³¹ Nibur na nba la ki mui piak, ki dianii somm fanu, ki wɔbii somm, ki jɔɔnii laat na, ki li yaar litib, ki bi piak dont ŋamm Israel teeb Yabint Yennu na sann.

Matiu 15:31 ပူးပေါင်းရင်းမြစ်များ

Matiu 15:30

Ki niburchiauŋ baar u boor; ki bi baar nan wɔbii, nan jɔɔnii, nan mui, nan dianii, nan binba yiar yiarbooru booru kura, ki tan birib u tɔɔnn ni; ki u te ki bi kura paak.

Matiu 18:8

“Li-i tee ki a nuu amii a taapauŋ te ki a yaa a tun toonbiit, fan potir ki lu. Li-i tee ki a mɔk nuu yennkɔɔ, amii taapan-yennkɔɔ, ki la manfoor nba kaa gbennu, li chee nan fii mɔk a nii kur nan a taa kur ŋaan Yennu-n tan kɔɔna muu nba kan mi kpeen na ni.

Matiu 21:14

Ki jɔɔnii nan wɔbii din baar u boor ni Yennu jiantu ŋasaakak ni, ki u din te ki bi kura paaka.

Matiu 8:10

Yisa nba din gbat linba na, ki li yaar ŋaan litɔ; ki u jiant got niib nba waa u poor po na ki betib a “Barmɔniie ki n beeri na, n daa ki mi la sɔɔ ki u teenin yada na booru yimm Israel teeb niwa gbaa.

Matiu 9:32

Ba din fiir ki nyii yoonba, ki siab mun din baar nan jasɔɔ wunba ki narinbimuuk be u ni na, ki baar nanɔ Yisa boor ni.

Matiu 9:33

Ki Yisa din nyinn narinbimuuk na jɔɔ na ni, ki u ji fit piin ki piak li yoo. Li din yaar ŋaan lit niburchiauŋ maŋ, ki bi ji yeen a “Ti daa ki mi la bonbooru na timm Israel teeb tiŋ nna.”

Matiu 9:8

Nibur na nba din la nna maŋ ki jaŋmaanii soorib; ki bi piak dont Yennu nba tur nisaarik yikoo na booru.

Barŋanii nba ki MAK din sɔb nae na 2:12

Li taakpaak ni ki u fiir ki jii u liaŋ ki nyii bi kura ninbina ni; ki li bakitib bonchiann; ki bi piak dont Yennu sann ki yeen a “Ti daa ki mi la bakitnauŋ toona na booru.”

Barŋanii nba ki MAK din sɔb nae na 7:37

Ki binba kur gbat labaar maŋ, ki li teemm bakitnauŋ bonchiann; ki bi boi bi leeb a “Toonŋanboor bee ki jɔɔ na tuun na mani? ki tukpaa gbaa tan fit gbia, ki mui bia fit piak.”

Barŋanii nba ki MAK din sɔb nae na 9:43

Li paak, a nuu-i te ki a yaa a tun toonbiit, fan potir ki lu. Li sɔ ki nirɔ-ii mɔk nuu yennkɔɔ ki la manfoor nba kaa gbennu, ki gar wun tan kɔɔ muu nba kan mi kpeen na ni nan u nii kur.

Barŋanii nba ki LUK din sɔb nae na 14:13

Li-i tee ki a yiin jaamue, fan yiin talasdamm nan wɔbii nan dianii nan jɔɔnii,

Barŋanii nba ki LUK din sɔb nae na 14:21

“Ŋanne ki daabir maŋ ŋmat ki saa bet u yomdaanɔ linba na kur. Ki u yomdaanɔ maŋ wutoor doo bonchiann, ki u bet u daabir na, ‘Nyimin ki saan doo ni yian yian, ki saa got sɔnii ni, ki yiin talasdamm nan wɔbii nan dianii nan jɔɔnii ki jen namm na.’

Barŋanii nba ki LUK din sɔb nae na 18:43

Li taakpaak ni ki u ninbina nyɔɔnt ki u ji laat, ki waa Yisa ki saa ki dont Yennu sann. Yoo nba ki niib na la nna maŋ, ki bi kura ji piak Yennu.

Barŋanii nba ki LUK din sɔb nae na 7:16

Ki jaŋmaanii ji din soor niib kur nba be leŋ na, ki bi din dont Yennu sann ki yeen leeb a “Yennu sɔkiniijaann be ti sinsuuk ni;” ki bia yeen bi leeb a “Yennu sik a wun somm u niib.”

Jɔɔnn 9:24

Ki li taar munnlee nie ki bi bia ŋamm yiin jɔɔ nba tuu tee jɔɔŋ ŋaan tan nyɔɔnt na, ki tan betɔ a “I teen Yennue nibaakir nan niipoouk; kimaan ti mi nan Yisae tee biitdaanɔ.”