Matiu 14:31 - Yennu Gbounpaauŋ Mɔɔr

³¹ Ki Yisa tant u nuu yiama ki soorɔ, ŋaan boiɔ a “Fin yadakanpɔɔn daanɔ na, bee ki a birisimi?”

Yennu Gbouŋ Mɔɔr

³¹ Ki Yiisa tant nuu yiama ki soorɔ, ŋaan boiɔ a “Fin yadkanpɔɔnn na, bee ki a birisimi?”

Matiu 14:31 ပူးပေါင်းရင်းမြစ်များ

Matiu 14:30

Wa la ki wouŋ pir nyunpana ki baat yoonba, ki jaŋmaanii soorɔ, ki u piint kpii li yoo, ŋaan yikin a “N Yomdaanɔ, tinntin!”

Matiu 14:32

Ba ŋmat saa kɔɔ burgbetir na ni yoonba, ki wouŋ na nyik danu.

Matiu 16:8

Ŋanne ki u bann ba yeen linba maŋ, ki boib a “Yimm yadakanpɔɔna damm na, bee ki i beer i leeb nan ya ki baar nan boroboro na paake?

Matiu 17:20

Ki u jiin betib a “I yada kaarin paak. Barmɔniie ki n beeri na, li-i tee ki i teen Yennu yada ki li yab kaman nan jinjirik binn na, i sa fit yet jɔɔr na a ‘Fiit ki saa baa nawa,’ ki li set sa fiire; i bo sa fit tun bonsiar kura.

Matiu 6:30

Mɔɔt nba be dinna, ŋaan wonn ki bi joo muuwa na, Yennu nba faŋŋitir biaŋinba na, ki u kan gbabin yimmii? Yimm yadakanpɔɔna damm na!

Matiu 8:26

Ki Yisa yetib a “Yimm yadakanpɔɔna damm, bee ki i tiin jaŋmaanii?” ŋaan fiir ki tian wouŋ nan nyunpana na paak a bin ŋmin, ki bi set ŋmin soonna.

Barŋanii nba ki MAK din sɔb nae na 1:31

Ki Yisa din saan soor u nuu ki fiinɔ kaan, ki u gbanantouŋ maŋ gbenn, ki u fiir ki chantib saauŋ.

Barŋanii nba ki MAK din sɔb nae na 1:41

Ki ninbaauk din soor Yisa, ki u tant u nuu ki siiu, ŋaan yetɔ a “N saka. A ŋaauk maŋ-n gbenn!”

Barŋanii nba ki MAK din sɔb nae na 11:23

Barmɔniie ki n beeri na, wunba kur yet jɔɔr na a lin fikit ki saa baa mɔkgbeŋŋir ni, ŋaan ki ki mɔk birsuk u par ni, ki teen yada nan wa yet linba maŋ sa tuma, li set sa tun turɔwa.

Barŋanii nba ki MAK din sɔb nae na 16:7

Yi ŋmat ki saa bet u poorpoweiteeb nan Piita a u gar bi tɔɔnn po ki saan Galileewa; leŋe ki bi sa saa lau kaman nan wa poŋ daan betib biaŋinba na.”

Barŋanii nba ki MAK din sɔb nae na 4:40

Ŋanne ki u boi u poorpoweiteeb maŋ a “Bee ki i mɔk gbananjekinti? I bia daa ki mɔk yada-aa?”

Barŋanii nba ki MAK din sɔb nae na 5:41

Ba kɔɔ yoonba, ki u soor bik na nuu ŋaan yetɔ a “Talitha kumi.” Li paak tee, “Bonpobik, mii beta, fiit.”

Barŋanii nba ki LUK din sɔb nae na 24:34

Ŋanne ki u poorpoweiteeb na betib a “Ti Yomdaanɔ set fiire nan barmɔnii. U dɔkit Simon paak.”

Toona 4:30

ŋaan tant a nuu ki te ki baatib-n la paaku, ki ŋaan ki tii tuun bakitnauŋ toonjaana, nan a popeenn toontunnɔ Yisa sann paŋ ni.”

1 Timoti 2:8

N loon ki jab-ii mei Yennu siaminba kur. Jab nba set tee popeendamm ki ki mɔk wutoor amii mɔniɔk na sa fit donn bi nii sanpaapo kii mei Yennu.

1 Piita 1:5

ki guu yimm nba ki Yennu paŋ dia-i i yada paak, a yin la i tinnu nyɔɔt nba teen siir ki sa nyi paanu dajoontii na.