Matiu 14:19 - Yennu Gbounpaauŋ Mɔɔr

¹⁹ Ki u bet nibur na a bin lakin kar kar mɔɔt paak; ŋaan jii boroboro kuna ŋaŋŋmu na, nan janbis ŋannlee na, ki gokit u yur sanpaapo, ŋaan tur Yennu niipoouk li paak, ŋaan ŋmit ŋmit boroboro na ki tur u poorpoweiteeb, ki bi jii tor nibur na.

Yennu Gbouŋ Mɔɔr

¹⁹ ŋaan bet nibur na a bin kar mɔɔt paak. Ki u jii boroboro kuna ŋanŋmu nan janbis ŋanlee na, ki gokit got sanpaapo, ki tur Yennu niipoouk jeet na paak, ki ji ŋmit ŋmit boroboro na ki tur u poorpoweiteeb, ki bi tor nibur na.

Matiu 14:19 ပူးပေါင်းရင်းမြစ်များ

Matiu 14:18

Ŋanne ki u betib a “Jiin na man ki turin.”

Barŋanii nba ki MAK din sɔb nae na 6:39

Ŋanne ki u bet nibur maŋ a bin bɔkit kar mɔpaauŋ paak wora wora nna.

Barŋanii nba ki MAK din sɔb nae na 6:41

Ki u jii boroboro na, nan janii ŋannlee na, ŋaan yaat got sanpaapo, ki tur Yennu niipoouk, ŋaan ŋmit ŋmit boroboro kuna na ki tur u poorpoweiteeb a bin tor niib maŋ; ki u bia ŋmit ŋmit janii ŋannlee na, ki bi tor sɔɔ kura.

Barŋanii nba ki MAK din sɔb nae na 7:34

ki got sanpaapo ŋaan kurint sikin, ki bet jɔɔ maŋ a “Efata,” ki li paak tee “Muutir.”

Barŋanii nba ki LUK din sɔb nae na 22:17

Ŋanne ki u jii nyunyuŋmaŋ nan tilɔɔna nyun, ki tur Yennu niipoouk li paak, ŋaan yetib a “Gaat na man ki chent i leeb ki nyu.

Barŋanii nba ki LUK din sɔb nae na 22:19

Ŋanne ki u jii boroboro ki tur Yennu niipoouk li paak, ki ŋmit ŋmit ki turib ŋaan yetib a “Nee tee n gbanant ki n yaa n tur ki bin kpir i paak na. Yii yɔɔ kii tee nna kii tian n po.”

Barŋanii nba ki LUK din sɔb nae na 24:30

Ki u tan kar a wun di namm; ŋanne ki u jii boroboro na ki tur Yennu niipoouk li paak, ŋaan bɔkit ki turib.

Barŋanii nba ki LUK din sɔb nae na 9:14

(Jab nba din be leŋ na din tee kaman nan tusa ŋaŋŋmu.) Ki u bet u poorpoweiteeb a “Ŋaant ki niib na-n bɔkit kar piiŋŋmuŋmu.”

Barŋanii nba ki LUK din sɔb nae na 9:16

Ki u jii boroboro kuna ŋaŋŋmu nan janii ŋannlee na, ŋaan yaat got sanpaapo, ki tur Yennu niipoouk jeet na paak, ki ji din ŋmit ŋmit ki teen u poorpoweiteeb na a bii toor nibur na.

Jɔɔnn 11:41

Ŋanne ki bi biit kaauk na. Ki Yisa gokit sanpaapo, ŋaan yet a “N Baa Yennu, n teena niipoouk nan fa sak n miaru na.

Jɔɔnn 6:23

Burgbetlia bia nyii Taiberias ki baat ki per siaminba niib won dii jeet nba ki ti Yomdaanɔ won tur Yennu niipoouk li paak na.

Toona 27:35

Pɔɔl nba pak nna maŋ, ŋaan jii boroboro, ki tur Yennu niipoouk bi nunii ni, ŋaan ji ŋmit dii.

Rom Teeb 14:6

Wunba dukii a dayena ŋan ki gar dalia na, u tee nna ki teen ti Yomdaanɔ baakire; ki wunba mun di jeet kur na, u tee nnee ki teen ti Yomdaanɔ baakir mun, kimaan u teen Yennu niipoouk jeet na paak; ki wunba mun kɔɔ jesiat na mun tee nnee ki teen ti Yomdaanɔ baakir, ki mun bia teen Yennu niipoouk.

1 Korint teeb 10:16

Niipoouk turu ŋmanbanyuutik nba ki ti tuu tur Yennu niipoouk ŋaan nyu leŋ na paak, ŋanne see Masia sɔn ni; ki boroboro nba ki ti tuu ŋmit ŋmit ki ŋman na, ŋanne mun bia see Masia gbanant ni.

1 Korint teeb 10:31

Tɔn, li-i tee ki i di, amii ki i nyu bonnyunyuut, amii ki i tuun linba kur, yii tee man linba sa tur Yennu baakir.

1 Korint teeb 11:24

ŋaan tur Yennu niipoouk, ki ŋmit ŋmit ki tur u poorpoweiteeb a bin ŋman, ŋaan yetib a “Nee tee n gbanant nba ki n yaa n tur ki bin kpir i paak na, a li paak, yii yɔɔ kii tee nna kii tian n po.”

Kolosa teeb 3:17

Li paak, ya tuun linba, amii ya yeen linba, yii tuun nan ti Yomdaanɔ Yisa sann ni, kii teen ti Baa Yennu niipoouk u sann ni.