Matiu 13:47 - Yennu Gbounpaauŋ Mɔɔr

⁴⁷ “Yennu naan bia tee kaman nan janlaauŋ nba ki bi tuu jii ki lu nyun ni ki soor janbooru booru nee.

Yennu Gbouŋ Mɔɔr

⁴⁷ “Yennu naan bia tee nan janlaauŋ nba ki bi lu ki soor janbooru booru nae.

Matiu 13:47 ပူးပေါင်းရင်းမြစ်များ

Matiu 13:44

“Yennu naan tee kaman nan mɔkint nba din pii tiŋ ni sɔɔ kpaab ni nee; ki jasɔɔ tan baar la ki ŋamm gbiir tant piinnir, ŋaan saan nan parpeenn ki saa kɔi wa mɔk linba kura, ki jen tan daa kpaab maŋ.

Matiu 13:46

U din saa la yenn ki li daauk paar bonchiann; ki u ŋmat saa kɔi wa mɔk linba kura, ki saan saa daa tuliiat maŋ.

Matiu 13:48

La din gbee yoonba ki bi dat donn gbingbann, ki kar gann janŋanii ki teen chubit ni, ŋaan lu janbiit na.

Matiu 4:19

Ki u yetib a “I waan man, ki n sa te ki yii daak nifosaarii kii teen Yennu kaman nan ya so janii biaŋinba na.”

Barŋanii nba ki MAK din sɔb nae na 1:17

Ki u yetib a “I waan man, ki n sa te ki yii daak niib kii baat namm n boor.”

Barŋanii nba ki LUK din sɔb nae na 5:10

nan u leeb, Jems nan Jɔɔnn nba din tee Sebedee waas na. Ki Yisa bet Simon a “Daa tiin jaŋmaanii. La jii dinna ki saa, a sa saan kii daak niib kii baat namm n boor.”

Jɔɔnn 15:2

ki u tuu chɔɔ yiinu kur nba gaa n paak ŋaan ki lôon lɔɔna na. Ŋaan yiinii kur nba ŋarin lôon lɔɔna na, u tuu gbat gbat ŋanne, ki lin ŋamm ki lôn lɔɔna bonchiann.

Jɔɔnn 15:6

Ki jenna, wunba ki yɔɔ gaa n paaki, Yennu sa chɔɔe ki lu kaman nan ba tuu chɔɔ tiyiinu nba ki lu ki wun koor na. Li tiyiinboorue ki bi tuu tikir ki joo muu.

Toona 20:30

Ki yoo bia baat ki nisiab tan sa nyi i mɔŋ mɔŋ sinsuuk ni, ki fa fai Yennu barmɔnii wannu po, ki biir Yisaweira, ki tunnii bi yan ki te ki bii waa ŋamme.

1 Korint teeb 11:19

Li set tee mɔniie nan lukitin kpan be i sinsuuk ni, kimaan ŋanne sa wann binba set waa barmɔnii sɔnu na yeenin ni.

2 Korint teeb 11:26

N din tuu somm yoo kur ki saa n sɔnii, ki laat nyun ni nunbɔŋ, ki bia tuu laat nunbɔŋ fatiteeb boor ni, nan n tiauŋ niib boor ni, nan niboorganu boor ni, ki bia laat nunbɔŋ digbangbeŋŋa ni, nan muuk ni, nan mɔkgbeŋŋa ni, nan nisiab nba kpann a bi tee Masiaweira na boor ni.

Galasia teeb 2:4

Binba be ki fa faak bi mɔŋ paak a bi mun tee Masiaweira na ŋanin din loon ki Taitus-n tun nnawa. Li niib din kɔɔ ti sinsuuk ni woonin ni, a bin bann ta mɔk yentinmɔŋ nba Yisa Masia ni na. Bi loon tii tee Moses sennu daabae,

Fiitu 3:1

Ki wunba ki n lau na bia betin a n sɔb labaar na ki tur u weira nba lakin be Saadis doo ni na malaka a “Labaar na nyii wunba mɔk Yennu Sei ŋannlore nan ŋmaabira ŋannlore na boore: ŋɔɔe yet a ‘N mi i toona nba tee biaŋinba, ki bia mi nan niib dukii a i fo, ŋaan i ki fo.