Matiu 13:25 - Yennu Gbounpaauŋ Mɔɔr

²⁵ Ki niib tan dɔɔr, ki u dataak saan saa bur dinatimii ki kɔɔn diboorŋanii na ni, ŋaan yaat.

Yennu Gbouŋ Mɔɔr

²⁵ Ki niib tan dɔɔr, ki u dataak saan bur dinatimii ki kɔɔn diboorŋanii na ni, ŋaan yaat.

Matiu 13:25 ပူးပေါင်းရင်းမြစ်များ

Matiu 13:24

Ki Yisa bia din yimm barjouk na ki pukin a “Yennu naan tee kaman nan jasɔɔ nba din doo u kpaab ni ki saa bur diboorŋanii, ŋaan ŋmat kun.

Matiu 13:26

Dii na nba din tan puk ki ji maar yoonba, ki bi ji bann nan dinatimii be leŋ.

Matiu 13:27

Ŋanne ki u ŋaatoontunna baar ki tan boiɔ a ‘Chanbaa, diboorŋanii kuukɔɔ kaa ki a daan bur a kpaab na ni-ii? Ŋaan li teen nlee ki dinatimii tan be leŋi?’

Matiu 13:29

Ŋanne ki u jiin a ‘Aaii, kimaan i-i yaa yin ŋabiri, i tan sa kpet ŋabir dimɔniie.

Matiu 13:30

Li paak, nyikin man ki lii be nan dijaan yoo; ki dijaan yooe ki n tan sa bet dijaan teeb na ki bin chɔɔ dinatimii na sinsinn ki poon ki joo muu; ŋaan kpen nan diŋanii na ki tan wuun n dii sinsoŋ ni.’ ”

Matiu 13:39

Dataak nba bur dinatimii na mun tee Sintaanii; ki dijaan yoo na tee dunia na gbennu yoo; ki dijaanteeb na mun tee Yennu malakanba.

Matiu 25:5

Pooyookir sɔrɔ maŋ din ki baar yiami, ki gɔɔn tan soor sapaamm na kura, ki bi gɔɔn.

Galasia teeb 2:4

Binba be ki fa faak bi mɔŋ paak a bi mun tee Masiaweira na ŋanin din loon ki Taitus-n tun nnawa. Li niib din kɔɔ ti sinsuuk ni woonin ni, a bin bann ta mɔk yentinmɔŋ nba Yisa Masia ni na. Bi loon tii tee Moses sennu daabae,

Hiibru teeb 12:15

Guut i mɔŋ man ki tan daa kɔŋŋit Yennu ninbatinu na. I sɔɔ daa mɔk tonu u par ni, ki u tonu na-n baar nan parbiir leeb paak, ki biir niburchiauŋi.

1 Piita 5:8

Yii dia i mɔŋ man, ŋaan kii mi i dataak nba tee Sintaanii na po; u line kaman nan yambɔr nee, ki loon wun la sɔɔ ki soor ŋman.

2 Piita 2:1

Faak sɔkiniinba nba din be Juu teeb sinsuuk ni sianyoo biaŋinba na, nnee ki faak wannteeb mun bia sii be i sinsuuk ni, ki wanti faak wannu woonin ni, linba sa biiri. Bi sa yêt ti Yomdaanɔ Yisa wunba din daab na gbaa; ki Yennu sa dat bi tuba yiama.

Fiitu 12:9

bi jii waakperbiiuk na ki nyinnɔ; u poŋ tuu tee waauk nba tuu beewa, ki u sann yi Sanbiirtɔɔ amii Sintaanii, ki tuu kpann tingbouŋ na teeb kur na. Ki bi nyinn ŋɔɔ nan u malakanba ki lub tingbouŋ na ni.

Fiitu 13:14

Ki Yennu nba chabɔ ki u tuun bakitnauŋ nyina na muuk ni bonkobsinsinn tɔɔnn na, ki u kpann tingbouŋ na teeb, ki betib a bin maa patir ki lii naan muuk ni bonkobuk nba la jukbanjiak daŋ ŋaan tan ki kpo na.

Fiitu 2:20

Ŋaan i biit tee nnee: ya sak poo nba ki bi yiu Jesebel ki u yaa a u tee Yennu sɔkinii, ki ji taan ki be i boor ni ki kpann n toontunna ki wantib a bii chomm nan leeb kii di pata nant na.