Matiu 13:23 - Yennu Gbounpaauŋ Mɔɔr

²³ Ŋaan bonboorii nba baa tinŋaŋ ni na tee kaman nan wunba gbat Yennu maan na, ki bann li paak, ki li tan kpaat ki nan; ki siab nan kobik kobik, siab mun nan piinnloob loob, siab mun bia nan piinntataa nee.”

Yennu Gbouŋ Mɔɔr

²³ Ki bonboorii nba baa tinŋaŋ ni na tee nan wunba gbat Yennu maan na, ki bann li paak, ki li tan kpaat ki nan; ki siab nan kobik kobik, siab mun nan piinloob-loob, ki siab mun bia nan piintaa-taa nae.”

Matiu 13:23 ပူးပေါင်းရင်းမြစ်များ

Matiu 12:33

Ki Yisa bia din yet a “Li-i tee ki tiik ŋan, u loon tilɔɔnŋanae; ŋaan li-i tee ki tiik ki ŋani, u sii loon lɔɔnbiite, kimaan tiik lɔɔna nie ki bi bantɔ.

Matiu 13:8

Ŋaan ki leer mun din baa tinŋaŋ ni, ki nan naanŋauŋ; ki siab nan kobik kobik, ki siab piinnloob loob, ki siab mun piinntataa.

Matiu 3:10

Pajar poŋ teen siira a wun chɔɔ tiinii; ki tiik nba kur ki loon lɔɔnŋana, bi sa chɔɔre ki lur muu ni.

Matiu 3:8

Yii tuun man linba sa wann nan i set nyik i biit.

Barŋanii nba ki MAK din sɔb nae na 10:15

Barmɔniie ki n beeri na, wunba ki gaar Yennu naan kaman nan bik na, u kan mi kɔɔ li ni fabaa,”

Barŋanii nba ki MAK din sɔb nae na 4:20

Ŋaan nisiab ŋanin naan nan bonboorii nba tuu baa tinŋaŋ ni nee. Ŋamm gbia maan maŋ ki gaan, ki li naan. Siab naan piinntataa, ki siab naan piinnloobloob, ki siab mun bia naan kobik kobik.”

Barŋanii nba ki LUK din sɔb nae na 13:9

ki tin daa got laan li sa lon lɔɔna binn po-oo? Li-i tee ki li ki loniie, fan ji tan ŋaan ki bin chɔɔr.’ ”

Barŋanii nba ki LUK din sɔb nae na 8:15

Ki linba mun baa tinŋaŋ ni na ŋanin naan nan popeendamm nba gbat n maan maŋ, ki bi para ni be fanu, ki bi dia maan na kenken, ki bia mɔk sukuru, ki nân nan barmɔnii.

Barŋanii nba ki LUK din sɔb nae na 8:8

Ŋaan ki leer mun baa tinŋaŋ ni, ki pia ki kpaat bonŋann, ki tan nan nyik nyik nyik.” Yisa nba yimm barjouk maŋ ki gbenn na, ki u yet a “Wunba mɔk tuba ki sa gbat, wun gbiint.”

Jɔɔnn 15:16

Yimm kaa gann mine, ŋaan mine gann yimm, ki turi toona ma yii saa kii lôon lɔɔna bonchiann, lɔɔna nba sii be mɔkmɔk nan mɔkmɔk, a n Baa Yennu-n turi linba ki i miarɔ n sann ni.

Jɔɔnn 8:47

Wunba nyii Yennu peŋ, ŋɔɔe gbia Yennu maan; ŋaan ya ki nyii Yennu peŋ na, li paake te ki i ki gbia Yennu maan maŋi.”

Toona 16:14

Poob nba din gbat ti maan maŋ, bi yenɔ sann din tee Lidia. U din nyii Tiatairae, ki din tee chinchenmuŋ nba ki li daauk paar na kɔɔtitɔɔ, ki bia din tee wunba jiantir Yennu. Ki Yennu din loot u par ni a wun sak Pɔɔl maan nba ki u piak na.

Toona 17:11

Leŋ niib yan din kɔɔ Yisa maan maŋ ni ki gar Tesalonika teeb, ki bi set din sak maan na nan bi para kura, ki daa kur ki bi karin Yennu gbouŋ, ki gorii, a bin laan Pɔɔl nba piak linba maŋ, a li set tee mɔnii amii nlee.

2 Korint teeb 9:10

Yennu nba teen niib diboorii ki bi buur, ŋaan bia teemm jeet ki bi di na, ŋɔɔe sa turi bont kur ki lin jaŋi ki gar, ki yin ji mantik somm niib.

Filipi teeb 1:11

ki i binbeŋ-ii mɔk yentinu ki yii tuun toonŋana bonchiann, Yisa Masia paŋ ni, ki Yennu sann-n la dontir nan paku.

Filipi teeb 4:17

Li ki tee a n loon mii gaan i piinii kuukɔɔ kaa, ŋaan n loon ki yin gaar Seyeeŋ nyɔɔt nba sa pukin i po.

Kolosa teeb 1:10

ki yin fit kii be kaman nan ti Yomdaanɔ nba loon biaŋinba, ki bia fit kii tuun linba sii pent u par, ki yin fit kii tuun toonŋana kur, kii ŋammit bant Yennu.

Kolosa teeb 1:6

Ki barŋanii maŋe baat nani kaman nan la yat ki kpaatir tingbouŋ na kur ni ki ŋammit niib binbeŋ, ki bia tuun nna i mɔŋ boor ni, la nyii daar nba ki i din gbat ki bann Yennu ninbatinu nan barmɔnii maŋ nba tee biaŋinba na.

1 Tesalonika teeb 4:1

Ti naa waas, ya din tumii ti peŋ biaŋinba ki i sii tuun ki pent Yennu par ni na, nnee ki i poŋ din tuun. Mɔtana, ti barimiie ki kpaani ti Yomdaanɔ Yisa sann paak, yii ŋammit kii tuun nna man,

2 Tesalonika teeb 2:10

U tan sa jɔɔb faak boori kur ki kpann binba ki Yennu tan sa biirib na. Bi tan sa biira, kimaan ba ki loon barmɔnii nba bo sa tinnib maŋ ki yêtir na paak.

Hiibru teeb 4:2

Kimaan ti gbat barŋanii kaman nan ba mun din gbatir biaŋinba, ŋaan li din ki turib nyɔɔti, kimaan ba din gbatir yoonba bi din ki gaarir nan yada.

Hiibru teeb 6:7

Tɔn, tiŋ nba ki saak baa li paak ki li maakit ki tee jeet teen binba ŋammitir na, Yennue senn mɔsonŋann ki teen tiŋ maŋ paak;

Hiibru teeb 8:10

Min nba tee i Yomdaanɔ na beeri ma yaa n senn mɔlor ki tur Israel niib daa nba baat na ni: n ji sa tabin n sennii maŋ bi dudukit nie, ki sɔbir tabin bi para ni. Mine sii tee bi Yennu ki bi tee n niib.

2 Piita 3:18

Yi ŋamm gaar ti Yomdaanɔ Yisa Masia wunba tee ti Tinntɔɔ na sommir ki pukin man, kii tumii u mɔmaan na. Ŋɔɔe yen dontir ki jikit saa nan yoo nba kaa gbennu. Mɔmɔmm.

1 Jɔɔnn 5:20

Ti mi nan Yennu Bija Yisa din sik tingbouŋ na ni ki tan turit yan a tii bant barmɔnii Yennu. Ta gaa nan u Bija Yisa Masia na paak, ŋanne bia te ki ti gaa nan u Baa Yennu paak; ki ŋɔɔe set tee barmɔnii Yennu, ki bia tee daanɔ nba teent manfoor nba kaa gbennu.