Matiu 13:19 - Yennu Gbounpaauŋ Mɔɔr

¹⁹ Nirɔ-i gbat Yennu naan barŋanii, ŋaan ki bann li paaki, Sintaanii tuu baare ki tan nyinn linba bo kɔɔ li daanɔ par ni maŋ; ŋanne tee bonboorii nba baa sanjouk paak na.

Yennu Gbouŋ Mɔɔr

¹⁹ Nirɔ-i gbat Yennu naan barŋanii, ŋaan ki bann li paaki, Sintaanii tuu baare ki tan nyinn linba bo kɔɔ li daanɔ par ni na; ŋanne tee bonboorii nba baa sɔnjouk paak na.

Matiu 13:19 ပူးပေါင်းရင်းမြစ်များ

Matiu 12:26

Li-i tee ki Sintaanii nyint u mɔŋ, li want nan u kɔn ki bɔkitir u mɔŋe; nlee ki u naan na sa seti?

Matiu 13:20

Bonboorii nba mun baa tanpuut paak na tee kaman nan wunba gbat Yennu maan na, ki gaar yiama nan parpeenn;

Matiu 13:38

Tingbouŋ nae tee kpaab na; ki diboorŋanii na tee Yennu naan ni niib; ŋaan ki dinatimii na mun tee Sintaanii niib.

Matiu 4:23

Yisa din lin Galilee tiŋ maŋ kura po, ki want niib Yennu maan, jiantu diit ni, ki mɔɔntir Yennu naan barŋanii mɔɔntii ki teemm, ki te ki binba mɔk yiarboorii boorii kur nan binba mɔk gbanantont kur paak.

Matiu 5:37

ŋaan ŋaant man ki i jiinu-ii tee, ‘Nn,’ amii ‘Aaii,’ kimaan li-i tee ki a por siar ki pukin linba na paak, li ji nyii Biitdaanɔ maŋe.

Barŋanii nba ki MAK din sɔb nae na 4:15

Ki nisiab naan nan bonboorii nba baa sanjouk paak nee; bi-i gbat Yennu maan yoonba, ŋaan Sintaanii tuu baar ki nyinnir bi para nie yiama.

Barŋanii nba ki LUK din sɔb nae na 10:9

ŋaan bia te ki baatib-n paak doo maŋ ni kii beer niib maŋ a ‘Yennu naan nakiniiwa.’

Barŋanii nba ki LUK din sɔb nae na 9:2

ki ji din te ki bi yat a bii lin kii mɔɔntir Yennu naan po, ki bia te ki baatib paak;

Jɔɔnn 18:38

Ki Pailat boiɔ a “Bee tee barmɔnii?” ŋaan ŋmat nyii nanyer Juu teeb yudamm na boor ki betib a “N ki la jɔɔ na biit ki sa biirɔ.

Jɔɔnn 8:43

Bee teen ki i ki bann n maan na paaki? kimaan ya kan fit gbat n maan maŋ na.

Toona 17:32

Ba gbat ki Pɔɔl pak kuunfiiru po na, ki siab laa ki sarikitɔ, ŋaan ki siab mun yaa a “Ti bia loon ki tin ŋamm gbiint linba ki a sa pak nee.”

Toona 18:15

ŋaan la tee maan nba jii ki jiin i mɔŋ mɔmaan, nan i sana, nan i mɔŋ sennu naie, i mɔŋ mɔŋ-n got li ni, kimaan n ki sak a n sa bu li mabooru,”

Toona 20:25

“Nnara, i mi nan n din lin i kura ŋei ni, ki mɔɔntir Yennu naan labaar. Tɔn, ki mɔtana, n mi nan i ji kan mi ki lami.

Toona 28:23

Li paak ki bi senn daar. Ki niib bonchiann tan baar Pɔɔl peŋ daar maŋ ni. Ki u kat wannib nan nunmɔnn Yennu naan po, sanyiɔk ni mɔkmɔk nan dajouk, ki wantib Yisa barii nba be Moses sennu ni nan Yennu sɔkiniinba sɔbu ni biaŋinba, ki yabii a wun tunn niib na yan ki jiin Yisa po.

Rom Teeb 1:28

Nifosaarii nba din ki loon ki bin bann Yennu, li paake ki Yennu nyikib nan bi dudukbiit, ki bi tuun toona nba bi bonchiann.

Rom Teeb 14:17

Kimaan Yennu naan labaar ki tee jeetdinu amii nyunu labaar kaa, ŋaan li tee popeenn nan parmaasir nan parpeenn yar nba ki Yennu Seyeeŋ turite.

Rom Teeb 2:8

Ŋaan binba mɔk kunkɔna, ki ki sak linba tee barmɔnii na, ŋaan tuun toonbiit, Yennu wutoor sa do bi paak.

Efesus teeb 3:8

Yennu niib sinsuuk ni, mine tan joont wunba ki be kann ni, ŋaan Yennu tur mine yaak a man jii barŋanii mɔɔntii nba wantit Masia nba sii teent binba ki tee Juu teeb na bonŋana bonchiann biaŋinba,

2 Tesalonika teeb 2:12

Yennu tan sa biir binba ki teen barmɔnii maŋ yada ŋaan loon toonbiit tumu na.

Hiibru teeb 2:1

Li paak, li kpaa talase ki tin gbiint barmɔnii nba ki ti din gbat na fanu ki tan daa kɔŋŋitiri.

1 Jɔɔnn 3:12

Li ki ŋan ki tii be kaman nan Keenn nba din be biaŋinba na; ŋɔɔ din tee bonbiiuk daanɔ Sintaanii yɔɔe, ki din kpii u waarɔ. Bee paake te ki u din kpiiu? U din la u waarɔ tuun toonŋana, ŋaan ki u yar bi.

1 Jɔɔnn 5:18

Ki ti mi nan damm nba nyii Yennu ni, bi ki tuun biiti, kimaan Yennu Bija Yisa guub, ki bonbiiuk daanɔ Sintaanii kan teemm siari.

1 Jɔɔnn 5:20

Ti mi nan Yennu Bija Yisa din sik tingbouŋ na ni ki tan turit yan a tii bant barmɔnii Yennu. Ta gaa nan u Bija Yisa Masia na paak, ŋanne bia te ki ti gaa nan u Baa Yennu paak; ki ŋɔɔe set tee barmɔnii Yennu, ki bia tee daanɔ nba teent manfoor nba kaa gbennu.