Matiu 13:11 - Yennu Gbounpaauŋ Mɔɔr

¹¹ Ki u jiin ki betib a “Yimm ŋanin, Yennu chab a yin bann woonin ni barii ki jii jiin u naan po, ŋaan ŋamm ŋanin, u ki chabibi.

Yennu Gbouŋ Mɔɔr

¹¹ Ki u betib a “Yimm ŋarin, Yennu chabi a yin bann woonin ni barii ki jiin u naan po, ŋaan ŋamm ŋarin, u ki chabibi.

Matiu 13:11 ပူးပေါင်းရင်းမြစ်များ

Matiu 13:10

Ŋanne ki Yisa poorpoweiteeb din baar u boor ni ki tan boiɔ a “Bee ki a piak barjokit kuukɔɔ ki teen niib na?”

Matiu 16:17

Ki Yisa betɔ a “Fin Simon, wunba tee Jona bija na, parpeenn be a paak, kimaan nisaarik kaa fiit barii na wannani, ŋaan n Baa Yennu wunba be sanpaapo nee fiit ki wanna.

Matiu 19:11

Ki u yetib a “Sɔɔ kur kan fit dia wannu maŋi; binba ki Yennu turib li yaak na, ŋamm kuukɔɔe sa fit diar.

Matiu 20:23

Ki Yisa betib a “Tɔn, i set sa jii n jikpiatir nawa; ŋaan n ki mɔk yaak nba sa gann wunba tan sa kar n diitu po amii n niigaŋ po, kimaan n Baa Yennu mɔŋ mɔŋe gann binba tan sa kar li kinkaanii paak.”

Barŋanii nba ki MAK din sɔb nae na 10:40

Ŋaan n ki mɔk yaak nba sa gann wunba tan sa kar n nuudiitu po nan n nuugaŋ po. Yennue gann binba tan sa kar li kinkaanii paak.”

Barŋanii nba ki MAK din sɔb nae na 4:11

Ki u yetib a “Yimm ŋanin, Yennu fiit woonin ni barii ki jii jiin u naan po ki wanniiwa, ŋaan binba ki be i ni na ŋanin gbia bonsiar kura nan barjokite

Barŋanii nba ki LUK din sɔb nae na 8:10

Ki u jiin ki betib a “Yimm ŋanin, Yennu chab a yin bann woonin ni barii ki jii jiin u naan po, ŋaan nileeb ŋanin, u yimm barjokite, a bin got ŋaan daa laati, ki bia gbiint, ŋaan daa bant li paaki.”

Jɔɔnn 6:65

Ki u bia ŋamm yet a “Li paake te ki n beti a sɔɔ kan fit baar n boor ni ki teen n yɔɔ, see ki n Baa Yennu te ki u baar.”

Jɔɔnn 7:17

Wunba loon wun tun Yennu yanbɔɔtoona, ŋɔɔe sa bann linba ki n piak ki want na nan li nyii Yennu boor amii n boor.

Toona 16:14

Poob nba din gbat ti maan maŋ, bi yenɔ sann din tee Lidia. U din nyii Tiatairae, ki din tee chinchenmuŋ nba ki li daauk paar na kɔɔtitɔɔ, ki bia din tee wunba jiantir Yennu. Ki Yennu din loot u par ni a wun sak Pɔɔl maan nba ki u piak na.

Rom Teeb 11:25

N naa waas, n loon ki yin bann woonin ni bonsiar, a i daa dukii nan i tee yan damme; ki li tee a Juu tesiab yura paar, ki li sii be nnee ki tan baar yoo nba ki binba ki tee Juu teeb kur nba ki Yennu gannib na, bin tan teen Yisa yab.

Rom Teeb 16:25

Li ŋan ki tin baak Yennu, kimaan u fit te ki i set waau fanu kaman nan ma mɔɔnt barŋanii ki jiin Yisa Masia po na, ki fiit woonin ni maan nba din bɔr bina bina na.

1 Korint teeb 13:2

Mi-i fit sɔkint Yennu mɔmaan, ki bant woonin ni maan kur, ki mɔk bannu, ki mɔk yada nba sa fit te ki jɔɔr-n fikit ki saan boleer po, ŋaan ki ki mɔk loommi, n tee yanne.

1 Korint teeb 15:51

N yaa n beti woonin ni maame. Ti siab tan sa kpo; ki siab mun tan sii be mɔkmɔk nan Yisa baaru daar; ŋaan ti kur sa lebita.

1 Korint teeb 2:14

ŋaan wunba ki mɔk Yennu Seyeeŋ maŋ, li yɔɔ ki gaan Yennu Seyeeŋ na maami, kimaan li sii tee jatiie ki turɔ, ki u kan bann li paaki, kimaan li bannu nyi Seyeeŋ na boor nie.

1 Korint teeb 2:7

Yan nba ki ti piak na tee Yennu woonin ni yan nba woon ki nirɔ ki mi, linba ki Yennu poŋ dɔŋ gann a wun donnit, ki sɔɔ ki dunia daa din ki nan na.

1 Korint teeb 4:1

Ŋann amii, i jiit ki tii tee Masia toontunna nba ki Yennu jiit ki guunit u woonin ni maan na.

1 Korint teeb 4:7

Ŋmee tura saakatuk a leeb ni? Yennu kaa tura linba kur ki a mɔk na-aa? ki bee teen ki a dont a mɔŋ, ki li tee nan linba ki a mɔk maŋ ki tee piinii kaa na?

Efesus teeb 1:18

N bia meiɔ ma wun yent i nummpo ki yin bann dindann nba paak ki u yiini na, ki bia bann nan bona nba ki u tan sa tur u niib nae ŋan bonchiann,

Efesus teeb 1:9

ki fiit wannit woonin ni lora nba ki u din senn a wun tan tun Masia ni na.

Efesus teeb 5:32

Yennu mɔmaan na sumii bonchiann, ŋaan min mi nan li want Masia nan u niib poe.

Efesus teeb 6:19

ki bia miar Yennu tur n mun ki man fit la sɔnu ki pak nan parcheenn ki mɔn woonin ni barŋanii na,

Kolosa teeb 2:2

N yaa bi para-n chee, ki bin lakin taan leeb nan loomm, ki bann Yisa barii paak, ki teenɔ yada nan barmɔnii, ki daa mɔk birsuku, ki bann Yennu woonin ni labaar maŋ, linba tee Masia po;

1 Timoti 3:16

Li tee barmɔniie nan Masia labaar nba ki Yennu fiit wannit na sumii bonchiann: U din dɔkit nan gbanante, Yennu Seyeeŋ wann nan u be fanu; ki malakanba din lau. Ki niib din mɔɔnt u labaar ki tur nibooru, ki bi teenɔ yada tingbouŋ na ni, ki Yennu din tan donnɔ sanpaapo ki u la dontir.

1 Timoti 3:9

Li kpaa talas ki bii dia yada barii nba ki Yennu fiit wannit na fanu, ki bi daa mɔk biiti.

Jeems 1:5

Li-i tee ki i sɔɔ pɔt yan, wun miar Yennu wunba pi sɔɔ kur piinii nan burchint, ki ki dint sɔɔ fei na, ki u sa turɔwa.

1 Jɔɔnn 2:20

Yisa Masia, popeendaanɔ nee, sikin u Seyeeŋ i paak, ki u te ki i kur mi wannu nba took.

1 Jɔɔnn 2:27

ŋaan yimm ŋarin, Yisa sikin u Seyeeŋ maŋ i paaka. Seyeeŋ maŋ nba biar be i ni na, i ji kii loon ki sɔɔ-n wanniini, kimaan Seyeeŋ maŋ mɔŋe wanti bont kura, ki u wannu maŋe tee barmɔnii wannu, ki li ki tee faak wannu kaa. Li paak, yii gaa Yisa paak man kaman nan Seyeeŋ maŋ nba wanti biaŋinba na.