Matiu 12:50 - Yennu Gbounpaauŋ Mɔɔr

⁵⁰ kimaan wunba kur tuun n Baa Yennu nba be sanpaapo na loommu, ŋɔɔe tee n ninja, nan n niipoo nan n naa.”

Yennu Gbouŋ Mɔɔr

⁵⁰ Wunba kur tuun n Baa Yennu nba be sanpaapo na loommu, ŋɔɔe tee n ninja, nan n niipoo, nan n naa.”

Matiu 12:50 ပူးပေါင်းရင်းမြစ်များ

Matiu 12:49

ŋaan din tant u nuu ki wann u poorpoweiteeb ŋaan yet a “Gotirii, n naa nan n waariie na;

Matiu 13:1

Li daar maŋ ki Yisa din nyii ŋaak na ni ki saan ki saa kar mɔkgbeŋŋir kpiŋ.

Matiu 17:5

Ki Piita mɔb daa ki baa tiŋi, ki sanpagbanpeeuŋ sik bakin bi paak; ki bi gbat kunkɔsiar nyii sanpagbann na ni, ki yet a “N Bilonkakii na, wunba ki n numm gboou na, gbiintir u mɔb man.”

Matiu 25:40

Ki min Bat na mun tan sa jiin ki betib a ‘Barmɔniie ki n beeri na, ya din tun linba ki tur wunba tee tatimɔɔ n naa waas na sinsuuk ni na yenɔkɔɔ, i din tuun ki teen mine.’

Matiu 25:45

Li yoo maŋe ki n sa jiin ki betib a ‘Barmɔniie ki n beeri na, ya din yêt nan yin tun linba ki tur wunba tee tatimɔɔ n naa waas na sinsuuk ni na yenɔkɔɔ, i din yêt nan yin tun ki tur mine.’

Matiu 28:10

Ki u betib a “I daa tiin jaŋmaanii; i saa man ki saa bet n naa waas maŋ a bin saan Galilee; leŋewa ki bi sa lan.”

Barŋanii nba ki MAK din sɔb nae na 3:35

Wunba kur tuun Yennu loomm, ŋɔɔe tee n waarɔ nan n niipoo nan n naa.”

Barŋanii nba ki LUK din sɔb nae na 8:21

Ŋanne ki u yetib a “Binba gbia Yennu maan ki saak ki bia tuun li biaŋ, ŋamme tee n naa nan n waarii.”

Jɔɔnn 15:14

“Li-i tee ki i tuun ma beti biaŋinba na, i tee n yɔɔsinbae.

Jɔɔnn 20:17

Ki Yisa betɔ “Ji daa siitimi, kimaan n daa ki do sanpaapo n Baa boor ni; ŋaan i saa n naa waas peŋ, ki saa betib a n sa do sanpaapo, wunba tee n Baa nan i Baa na peŋa; ŋɔɔe bia tee n Yennu nan i Yennu na.”

Jɔɔnn 6:29

Ki Yisa jiimm a “Toonn nee ki Yennu loon ki yii tuun, a yin teen wunba ki u tumɔ na yada.”

Jɔɔnn 6:40

Nnee ki n Baa Yennu loon, a sɔɔ kur nba bann min, u Bija, ki teenin yada, u sa la manfoor nba kaa gbennu; ki n tan sa fiimm kuun ni dunia gbennu daar.”

Toona 17:30

Yoo nba din gar, ki niib ki mi Yennu na, u din ki jii bi biiti. Ŋaan mɔtana u beer a sɔɔ kur-n nyik u biit,

Toona 26:20

Ŋaan sinsinn n din dɔŋ ki mɔɔnt Damaskus teebe, ki pukin Jerusalem nan Judea tiŋ ni doi nba be lokir kur po. Li poorpoewa, ki n tan mɔɔnt ki tur binba ki tee Juu teebi. N wannu ki tur niib na kur tee a bin nyik bi biit kii waa Yennu sɔnu, kii tuun bonŋann, ki lin wann nan bi set nyik bi biit nan mɔnii.

Rom Teeb 8:29

U poŋ din senn nan binba ki u yiimm na a bi binbeŋ-ii tee kaman nan u Bija binbeŋ nee, ki Bija na-n teen Bikperik, waas bonchiann sinsuuk ni.

1 Korint teeb 9:5

Ti bia ki mɔk yaak nba ki sa jii poo kii lin nanɔ kaman nan toomiinba siab nan ti Yomdaanɔ naa waas nan Piita nba tee biaŋinba na-aa?

2 Korint teeb 11:2

N looni bonchiann kaman nan Yennu nba looni biaŋinba na. I tee kaman nan sapaamɔ nba ki mi jɔɔ nae, ki n loon ki n jiie ki tur Masia ki yii waa ŋɔɔ kuukɔɔ.

Galasia teeb 5:6

Kimaan ti-i be Yisa Masia ni, ti-i lekii pot ti puna amii ti-i kii poti, li ki kpaa talasi. Ti-i teen Yisa Masia yada ki loon leeb, ŋanne tee linba kpaa talas.

Galasia teeb 6:15

Bɔkitu kaa wunba pot u punn nan wunba ki pot u punn sinsuuk ni. Linba ji kpaa talas tee binbenpaaŋ nba ki Yennu turit nee.

Kolosa teeb 3:11

Li paak, bɔkitu ji kaa binba tee Juu teeb nan binba ki tee Juu teeb sinsuuk ni; binba pot puna nan binba ki pot kura ji ki mɔk bɔkitu nan leebi; bɔkitu ji kaa muuk ni niib nan doo ni yab sinsuuk ni; bɔkitu bia kaa daaba nan yentinmɔŋ damm sinsuuk ni, ŋaan i kur tee Masia yab, ki u be i kur ni.

1 Timoti 5:2

ki jii pookpera na ki bii tee kaman nan a naanba na, ki poopaannii na-ii naan nan a mɔŋ mɔŋ niipoob na nan binbenyeeŋ kura ni.

Hiibru teeb 5:9

ki din tan gbenn fara dinu maŋ, ki te ki binba kur saak u mɔb na la tinnu nba kaa gbennu.

1 Piita 4:2

La jii yoo na ki saa, i daa jikit i gbanant ki tuun nisaarik loonbiiti, ŋaan kii waa Yennu loomm.

1 Jɔɔnn 2:17

Tingbouŋ na tan sa gbenn, ki tingbouŋ na ŋaateeb niauŋ na mun bia sa gbenn, ŋaan wunba tuun Yennu yanbɔɔtoona, ŋɔɔe tan sii be mɔkmɔk nan yoo nba kaa gbennu.

Fiitu 22:14

Damm nba wuur bi para nan Yisa sɔn na, parpeenn tee bi yare; ki li paak ki bi mɔk sɔnu nba ki bi sa di tilɔɔna nba teen manfoor na, ki sa kɔɔ tammɔb na ni ki saan doo na ni.