Matiu 12:34 - Yennu Gbounpaauŋ Mɔɔr

³⁴ Yimm walabirii booru na, ya tee nifobiit biaŋinba na, nlee ki barŋanii sa fit nyi i mɔi ni? kimaan linba ki nifosaarik dukii u par ni, ŋanne bia nyi u mɔb ni.

Yennu Gbouŋ Mɔɔr

³⁴ Yimm waalabirii booru na, yaa tee nifobiit biaŋinba na, nlee ki barŋanii saa nyi i mɔi ni? Kimaan linba ki nisaarik dukii u par ni, ŋanne bia nyi u mɔb ni.

Matiu 12:34 ပူးပေါင်းရင်းမြစ်များ

Matiu 12:35

Niŋanɔe tuun toonŋana, kimaan u par ni ŋan; ki nibiiuk mun tuun toonbiit, kimaan u par ni bi.

Matiu 15:18

Ŋaan barbiit nba ki nisaarik piak u mɔb ni, li nyii u par nie, ŋann mune teenɔ jakint.

Matiu 23:33

Yimm wai; yimm walabirii waas na, nlee ki i tan sa nyi tubdatu muu nba kan mi kpeen na ni?

Matiu 3:7

Wa din tan la ki Farisiinba nan Sajusiinba bonchiann ki bi mun baat u boor ni a wun wurib Yennu nyunwuru na, ki u betib a “Yimm walabirii na! Ŋmee kpaani a yii tin ki nyi Yennu wutoor nba yaa lin baar i paak na ni?

Barŋanii nba ki LUK din sɔb nae na 3:7

Ŋann maŋe ki niib bonchiann din baar Jɔɔnn boor a wun wurib Yennu nyunwuru; ki u betib a “Yimm walabirii na! Ŋmee kpaani a i tin ki nyi Yennu wutoor nba yaa lin baar i paak na ni?

Barŋanii nba ki LUK din sɔb nae na 6:45

Niŋanɔe tuun toonŋana, kimaan u par ni ŋan; ki nibiiuk mun tuun toonbiit, kimaan u par ni bi. Linba be nirɔ par ni, ŋanne ki u piak.

Jɔɔnn 8:44

I tee i baa Sintaanii waase, ki loon ki i tuun i baa maŋ yanbɔɔtoona. Sinsinn u poŋ din tee nikpiiruko, ki bia fɔk nan barmɔnii, kimaan barmɔnii kaa u ni nan waama. U-i faar faak yoonba, li poŋ tee u toonkpere, kimaan wa tee faak daanɔ na. Fai kur nyi u boore.

Efesus teeb 4:29

I daa piak mɔbonbiit ki teen i leebi, ŋaan te ki i mɔbona-ii tee linba kpaa talas ki mɔk nyɔɔt, ki i leeb-i gbat, lin pukimm binbeŋ nba fan.

Efesus teeb 5:4

Yii teen Yennu niipoouk yoo kura, ŋaan daa te ki bonchonchonn toona barii nan jakint barii nan baryana nyi i mɔi ni.

Jeems 3:2

Ti kur tun linba ki tokin bonchiann, ŋaan wunba ki piak mabiit, li daanɔ set tee niŋanɔe ki sa fit soor u gbanant kura.

1 Jɔɔnn 3:10

Ŋaan binba kur ki tuun popeenn toona, bi ki tee Yennu waas kaa. Ki bia jenna, binba kur mun bia ki loon bi naa waasi, bi bia ki tee Yennu waas kaa. Ŋannii want binba tee Yennu waas nan binba tee Sintaanii waas.