Matiu 12:28 - Yennu Gbounpaauŋ Mɔɔr

²⁸ Ŋaan min ŋanin, Yennu Seyeeŋ paake ki n nyint narinbiit niib ni; ŋanne mun bia want nan Yennu naan baar i boor niwa.

Yennu Gbouŋ Mɔɔr

²⁸ Ŋaan min ŋarin, Yennu Seyeeŋ paake ki n nyint narinbiit niib ni; ŋanne mun bia want nan Yennu naan be i boor ni.

Matiu 12:28 ပူးပေါင်းရင်းမြစ်များ

Matiu 12:18

“Gotir, ma gann n bik nbae na ŋɔɔe ki n mantik loonɔ na; n numm mantik gboouwa. N sa jii n Seyeeŋ ki teen u ni. U tan sa mɔɔnt buut bunu nba took ki tur binba ki tee Juu teebi.

Matiu 12:29

“Sɔɔ kan fit kɔɔ jawakitir ŋaak ni ki bakir u bona ki nyi nanni, li-i kii tee ki li yɔɔ dɔŋ ki lorɔ ŋmii kaawa, ŋaan fit ki kɔɔ ki bakir u bona maŋi.

Matiu 21:31

Yisa nba din yimm barjouk maŋ ki gbenn na, ki u ji boi niib na a “Waas bannlee na ni, ŋmee tun u baa loommu?” Ki bi jiin a “Saakɔɔ po na.” Ki Yisa betib a “Barmɔniie ki n beeri na, lampogaarteeb nan bonchonchona tan sa dɔŋi Yennu naan ni kɔɔnuwa,

Matiu 21:43

Ki Yisa ji betib a “Barmɔniie ki n beeri na, Yennu tan sa gaar u naan i boor ni ki tur nibooru nba sa te ki wun di u naan nyɔɔt.

Matiu 4:24

Ki bi din lin ki mɔɔnt u sann Siria tingbouŋ ni kura po. Ki bi din jikit baatboorii boorii kura, ki baat namm u boor ni: binba din yiar yiarbooru nba kur, gbanantont, binba din gbee nan narinbiit, binba din baa gbitgbia, nan gbanankpeenn damm, ki u din te ki bi paak.

Matiu 6:33

Ŋaant man ki i baka-ii be Yennu naan ni nan yentinu ni labaar, ki u sa jii bona nba na kur ki turi.

Barŋanii nba ki MAK din sɔb nae na 1:15

ki yeen a “Yoo baara, ki Yennu naan baaru per na; li paak, teent man barŋanii maŋ yada ŋaan nyik i toonbiit.”

Barŋanii nba ki MAK din sɔb nae na 11:10

Yennu mɔsonŋann-ii bia be ti yeja David naan nba baat na paak. Hosana, Yennu wunba be sanpaapo na, tintit mɔtana.”

Barŋanii nba ki MAK din sɔb nae na 16:17

Ŋaan binba teenin yada sa tun yaarlituk toona nee: bi sii taan n sann ki nyint narinbiit niib ni; ki bia pak barganii nba ki bi tuu ki mi piakii;

Barŋanii nba ki LUK din sɔb nae na 10:11

‘Ti taa nba tab i doo na tanbiinii na, ti pit ŋanne ki lubin ki chabitii na. I mi man nan Yennu naan poŋ baar ki nakiniiwa.’

Barŋanii nba ki LUK din sɔb nae na 11:20

Tɔn, min ŋanin, Yennu paŋ paake ki n nyint narinbiit niib ni; ŋanne mun bia want nan Yennu naan poŋ baar i boor niwa.

Barŋanii nba ki LUK din sɔb nae na 16:16

“Moses sennu nan Yennu sɔkiniinba sɔbu din mɔk yaak mɔkmɔk nan Jɔɔnn nba din tan baar. La nyii Jɔɔnn baaru yoo niewa ki bi mɔɔntir Yennu barŋanii ki jikit saa Yennu naan po, ki sɔɔ kur mukisir u mɔŋ a wun kɔɔ Yennu naan maŋ ni.

Barŋanii nba ki LUK din sɔb nae na 9:2

ki ji din te ki bi yat a bii lin kii mɔɔntir Yennu naan po, ki bia te ki baatib paak;

Toona 10:38

I bia poŋ mi biaŋinba ki Yennu nyinn senn Yisa maŋ, ki turɔ u Seyeeŋ nan u paŋ, ki u lin ki tuun toonŋana, ki bia te ki binba kur ki Sintaanii teemm baatib na la laafia, kimaan Yennu be nanɔ.

Rom Teeb 14:17

Kimaan Yennu naan labaar ki tee jeetdinu amii nyunu labaar kaa, ŋaan li tee popeenn nan parmaasir nan parpeenn yar nba ki Yennu Seyeeŋ turite.

Kolosa teeb 1:13

ki bia nyinnit Sintaanii bunbɔnn naan ni, ŋaan jiit nan laafia ki kɔɔnt u Bilonkak maŋ naan ni.

Hiibru teeb 12:28

Li paak, ta gaar naan nba kan mi ki nik na paak, yi ŋaan ki tii teen Yennu niipoouk man, ki jiantɔ nan nibaakir nan jaŋmaanii ki u numm-n gboo,

1 Jɔɔnn 3:8

Sintaanii poŋ tee biitdaanɔe piinu niwa nan mɔtana, ki daanɔ nba tuun biit, ŋɔɔe tee Sintaanii yɔɔ. Ŋaan ki Yennu Bija Yisa sik baar a wun biir Sintaanii toona.