Matiu 11:14 - Yennu Gbounpaauŋ Mɔɔr

¹⁴ Li-i tee ki i loon yin teen linba na yadaie, ŋɔɔe tee Yennu sɔkinii Elaija wunba yaa wun tan baar na.

Yennu Gbouŋ Mɔɔr

¹⁴ Li-i tee ki i loon yin teen linba na yadaie, ŋɔɔ Jɔɔnn-e tee Yennu sɔkinii Elaija, wunba yaa wun tan baar na.

Matiu 11:14 ပူးပေါင်းရင်းမြစ်များ

Matiu 11:13

Yennu sennu nan u sɔkiniinba maan na poŋ din pak u naan poewa, ki Jɔɔnn tan baar.

Barŋanii nba ki LUK din sɔb nae na 1:17

U sii mɔk Yennu Seyeeŋ nan paŋ kaman nan Yennu sɔkinii Elaija nba din mɔk biaŋinba na, ki tan sa dɔŋ liit ti Yomdaanɔ, ki tunn mɔtana nigbouŋ na yan ki bin jen gaar bi yejamm danbont, ki bia tunn mɔyêtdamm yan ki bin bann yentinu, ki u bia tan sa te ki niib-n teen siir kii guu bi Yomdaanɔ.”

Jɔɔnn 16:12

“Maan be bonchiann ki n bo sa paki, ŋaan i kan fit gaar mɔtana.

1 Korint teeb 3:2

N mɔɔnti biime, ki li ki tee jekpabaa kaa, kimaan i ki jaŋ nanni. Mɔtana gbaa i bia lek daa ki jaŋ nanni,

Fiitu 20:4

Ki n la naangbant, ki Yennu tur binba kar li paak na yaak a bin bu buut. Ki n bia la binba ki bi din pot bi yura na sei; ba din mɔɔntir Yisa barŋanii nan Yennu mɔmaan paak ki bi kpiib; bi din ki jiant bonkobuk na, amii li naauŋ na, amii bi bia din ki gaar bonkobuk maŋ dɔk bi yugbia paak amii bi nii ni. Bi fiir kuun nie ki lakin dii naan nan Masia bintusir. Nee tee sinsinn kpeemm fiiru.