Matiu 10:41 - Yennu Gbounpaauŋ Mɔɔr

⁴¹ Wunba gaar Yennu sɔkinii saauŋ nan wa tee Yennu sɔkinii na paaki, u tan sa gaar Yennu sɔkinii nyɔɔta; wunba gaar popeendaanɔ saauŋ nan wa tee popeendaanɔ na paaki, u tan sa gaar popeendaanɔ nyɔɔta.

Yennu Gbouŋ Mɔɔr

⁴¹ Wunba gaar Yennu sɔkinii saauŋ nan waa tee Yennu sɔkinii na paaki, u tan saa gaar Yennu sɔkinii nyɔɔte. Wunba gaar popeendaanɔ saauŋ nan waa tee popeendaanɔ na paaki, u tan saa gaar popeendaanɔ nyɔɔte.

Matiu 10:41 ပူးပေါင်းရင်းမြစ်များ

Matiu 16:27

Kimaan min nisaarik Bik tan sa jen nan n Baa Yennu paŋ, nan n malakanba, ki li yoo maŋ n tan sa pa sɔɔ kur kaman nan u toona nba tee biaŋinba.

Matiu 25:44

“Li yoo ki bi mun tan sa ŋmat ki boin a ‘Ti Yomdaanɔ, bee yooe ki ti din la-a ki kon mɔka, amii nyunyukiru mɔka, amii ki a tee saamɔ, amii ki a somm yann, amii ki a yiar, amii ki a kɔɔ dansarik, ŋaan ki ti yêt a sommiri?’

Matiu 25:45

Li yoo maŋe ki n sa jiin ki betib a ‘Barmɔniie ki n beeri na, ya din yêt nan yin tun linba ki tur wunba tee tatimɔɔ n naa waas na sinsuuk ni na yenɔkɔɔ, i din yêt nan yin tun ki tur mine.’

Matiu 6:1

“I daa tuun i toonŋana a niib-n la ki pakiini, kimaan i-i tuun nna, i kan la nyɔɔt i Baa Yennu nba be sanpaapo na boor ni.

Matiu 6:18

linba nee sa te ki leeb kan bann nan a lor mɔbi, ŋaan a Baa Yennu nba be woonin ni na kuukɔɔe sii mi; ki a Baa Yennu nba laat linba ki a tuun woonin ni ki teenɔ na sa pa-a paanu ni.

Matiu 6:4

Tumin woonin ni, ki a Baa Yennu nba laat woonin ni na sa pa-a paanu ni.

Matiu 6:6

Ŋaan li-i tee ki a yaa a miar Yennue, fan kɔɔ a diiuk ni ki loon a gann, ŋaan miar a Baa Yennu nba be woonin ni maŋ, ki a Baa Yennu nba laat linba ki a tuun woonin ni na sa pa-a paanu ni.

Matiu 7:8

kimaan wunba kur mei Yennu gaane; ki wunba mun loon, u laate; ki wunba kpaan gann, ki bi lootir teenɔ.

Toona 16:15

Ki ti din wur ŋɔɔ nan u ŋaateeb Yennu nyunwuru. Ki u din gɔɔrit, ki yet a “Li-i tee ki i mi a n set tee ti Yomdaanɔ yada nan barmɔniie, yin baar kii be n ŋaak ni.” Ŋanne ki ti baar ki kɔɔ be.

Rom Teeb 16:23

Gaius wunba gaar min Pɔɔl nan Masiaweira kur u ŋaak ni na, u mun foonti. Erastus, wunba tee doo na likguutɔɔ na, ŋɔɔ nan ti naa bik Kɔɔtus mun foonti.

1 Korint teeb 9:17

Mi-i bo-i gann toonn maŋ n tiauŋue, n bo sa la nyɔɔt, ŋaan min-i kaa gann n mɔŋi, li tee Yennue guunin toonn maŋ.

Hiibru teeb 6:10

Kimaan Yennue ŋan, ki kan tamm ya tun linba ki turɔ amii ya loonɔ biaŋinba ki somm Masiaweira, ki bia daa sommitib na.

2 Jɔɔnn 1:8

Li paak, i mi man kii tan kɔŋ linba ki ti poŋ yabir i paak na, ki i tan sa la i nyɔɔt kur Yennu boor ni.