Matiu 10:4 - Yennu Gbounpaauŋ Mɔɔr

⁴ nan Simon wunba din loon ŋamm Juu teeb-ii yen bi mɔŋ na; nan Judas Iskariot wunba din tan nyii Yisa poor na.

Yennu Gbouŋ Mɔɔr

⁴ nan Simonn nba din loon ŋamm Juu teeb-ii yen bi mɔŋ na, nan Judas Iskariot wunba din tan nyii Yiisa poor na.

Matiu 10:4 ပူးပေါင်းရင်းမြစ်များ

Matiu 26:14

Li yoo na ki Yisa poorpoweiteeb na ni yenɔ, wunba ki bi yiu Judas Iskariot na, nyii ki saan Yennu jiantu yudamm boor ni,

Matiu 26:15

ki saa boib a “I sa turin bee ŋaan ki n lon sɔnii ki Yisa-n kɔɔ i nuu ni?” Ki bi kan sarima likibin piinntaa ki turɔ.

Matiu 26:2

“I mi nan daarpoe tee yukitgar tiaru jaamm, ki bi daan sa jii min nisaarik Bik ki tur niib a bin kpaan dapunpunn paak.”

Matiu 26:47

U mɔb daa din ki baa tiŋi, ki Judas wunba tee u poorpoweiteeb na ni yenɔ dɔkit nan niburchiauŋ, ki siab dia jukbanjai, ki siab mun dia gbajara, ki nyii Yennu jiantu yudamm nan saakab boor ni.

Matiu 27:3

Judas, mɔlanfikdaanɔ na nba gbat ki bi bu joont ki yaa a Yisa ŋan nan kuume na, ki u par din biir bonchiann; ki u jii sarima likibin piinntaa na ki ŋmat saa jiin tur Yennu jiantu yudamm nan saakab maŋ,

Barŋanii nba ki MAK din sɔb nae na 14:10

Ŋanne ki Yisa poorpoweiteeb piik nan bannlee na yenɔ, wunba ki bi yiu Judas Iskariot na, din saan Yennu jiantu yudamm boor ni a wun kɔi Yisa.

Barŋanii nba ki MAK din sɔb nae na 14:43

Yisa nba daa piak na, ki u poorpoweiteeb piik nan bannlee na ni yenɔ, wunba ki bi din yiu Judas na, baar nan niburchiauŋ; ki bi siab dia jukbanjai, ki siab mun dia gbajara; ki Yennu jiantu yudamm nan sennu wannteeb nan saakab tumm.

Barŋanii nba ki LUK din sɔb nae na 22:3

Li yoo na ki Sintaanii kɔɔ Judas wunba din yi Iskariot ki bia din tee Yisa poorpoweiteeb piik nan bannlee na ni yenɔ.

Barŋanii nba ki LUK din sɔb nae na 22:47

Wa din daa piak namm na, ki u la ki nibur baat. Ki Judas wunba tee u poorpoweiteeb piik nan bannlee na ni yenɔ, gar bi tɔɔnn, ki tan baar Yisa boor ni a wun mɔɔt u tankpinn.

Jɔɔnn 13:2

Li yoo na ki ŋɔɔ nan u poorpoweiteeb din di jeet; ki Sintaanii poŋ din dɔŋ ki te ki Judas Iskariot wunba tee Simon bik na dukin a u sa nyi Yisa poor.

Jɔɔnn 6:64

Ŋaan i siab lek ki teenin yada.” Yisa din pakib linba na, kimaan u poŋ mi sinsinn binba tan kan teenɔ yada, nan wunba mun tan sa nyi u poor.

Jɔɔnn 6:71

U din yeen Judas wunba tee Simon Iskariot bik na poe; ŋɔɔe din tee u poorpoweiteeb piik nan bannlee na ni yenɔ, ŋaan ki u lek yaa wun nyi u poor.

Toona 1:13

Ba baar Jerusalem yoonba ki bi saan kɔɔ ŋaak nba ki bi tuu be na ni ki doo ditɔɔtuk paak. Binba din kɔɔ maŋ din tee Piita nan Jɔɔnn nan Jems nan Andru nan Filip nan Tomas nan Batolomiu nan Matiu nan Jems wunba din tee Alfeus bik, nan Simon Nikakitik, nan Judas wunba tee sɔɔ nna ki bi yiu Jems na bik;

Toona 1:25

ki wun teen toomii ki gaar a toonn na yiar nba ki Judas nyik ŋaan saan saa be siaminba ŋan nanɔ na.”