Matiu 10:3 - Yennu Gbounpaauŋ Mɔɔr

³ nan Filip nan Batolomiu; nan Tomas, nan Matiu wunba din tee lampogaartɔɔ na; nan Jems wunba din tee Alfeus bik na, nan Tadeus;

Yennu Gbouŋ Mɔɔr

³ nan Filip nan Batolomiu; nan Tomas, nan Matiu, wunba din tee lampogaartɔɔ na; nan Jeems nba din tee Alfeus bija na, nan Tadeus;

Matiu 10:3 ပူးပေါင်းရင်းမြစ်များ

Matiu 18:17

Li-i tee ki u bia ki sak wun gbat ki turibi, fan pak ki wann Yennu niib kura; ki li-i tee ki u bia ki sak nan wun gbat ki tur Yennu niibi, yin ji ŋaan ki u tee kaman nan wunba ki tee Yenweirɔ na, amii lampogaartɔɔ na.

Matiu 27:56

Bi yemme din tee Mari Magdaliin, nan Sebedee waas naa na, nan Mari nba din tee Jems nan Josef naa na.

Matiu 9:9

Ki Yisa din nyii leŋ ki saa, ki saa la jasɔɔ nna, ki bi yiu Matiu, ki u kar u toonn paak lampogaar diiuk ni; ki Yisa betɔ a “Fiit kii waan.” Ki u fiir ki waau.

Barŋanii nba ki MAK din sɔb nae na 15:40

Tɔn, Mari Magdaliin nan Mari wunba din tee Joses nan Jemsbik naa na, nan Salome, ki bi din pukin poosiab po ki see banfɔkira ŋaan gorii.

Barŋanii nba ki MAK din sɔb nae na 2:14

Ŋanne ki u din gar tɔɔnn po ki saa la jasɔɔ nna ki u sann din tee Liifai, wunba din tee Alfeus bik, ki u kar u toonn paak lampogaar diiuk ni; ki Yisa betɔ a “Fiit kii waan.” Ki u fiir ki waau.

Barŋanii nba ki MAK din sɔb nae na 3:18

nan Andru nan Filip, nan Batolomiu, nan Matiu, nan Tomas, nan Jems wunba din tee Alfeus bik, nan Tadeus, nan Simon wunba din loon ŋamm Juu teeb-ii yen bi mɔŋ,

Barŋanii nba ki LUK din sɔb nae na 18:10

“Jab bannlee din saan saa kɔɔ Yennu jiantu ŋasaakak ni a bin miar Yennu, ki yenɔ din tee Farisii nirɔ, ki lɔɔ mun din tee lampogaartɔɔ.

Barŋanii nba ki LUK din sɔb nae na 18:11

Ki Farisii nirɔ na set ŋaan miar u mɔŋ dudukit ni ki yet a nna, ‘Yennu, n teena niipoouk, kimaan n ki tee biitdaanɔ kaman nan nileeb na. N ki tee ninfɔkdaanɔ, ki bia ki di fobiti, ki mun bia ki tuun bonchonchonsimi. Niipoouk nan ma ki tee kaman nan lampogaartɔɔ na na.

Barŋanii nba ki LUK din sɔb nae na 18:13

Ki lampogaartɔɔ na ŋanin din set dannuwa, ki din ki loon wun yaat got sanpaapo, ŋaan pak yur ki yet a ‘Yennu, tinimin ninbaauk, kimaan n tee biitdaanɔe.’ ”

Barŋanii nba ki LUK din sɔb nae na 19:2

Ki jasɔɔ din be leŋ maŋ ki tee lampogaarteeb yudaanɔ, ki u sann din yi Sakeus; ki u din mɔk mɔkint bonchiann.

Barŋanii nba ki LUK din sɔb nae na 5:27

Li poorpoe ki Yisa din nyii ŋaak maŋ ni ki saa, ki saa la lampogaartɔɔ, ki u sann din tee Liifai, ki u kar u toonn paak lampogaar diiuk ni; ki Yisa betɔ a “Fiit kii waan.”

Jɔɔnn 1:48

Ki Natanael boiɔ “A teen nlee ki mimi?” Ki Yisa yetɔ a “Filip nba daa bo ki baar ki yiina na, ŋaan sɔɔ ki n poŋ la-awa, ki a kar kinkaŋ nyakir.”

Jɔɔnn 11:16

Ki Tomas, wunba ki bi yiu Jaak na, yet u leeb a “Ŋaant ki ti mun-n saan man. Li-i sii tee kuun, timm nan ŋɔɔ-n kpo.”

Jɔɔnn 14:22

Ki Judas, (wunba ki tee Judas Iskariot na) boiɔ a “N Yomdaanɔ, bee teen ki a sa fiit a mɔŋ ki wannit, ŋaan kan fiit a mɔŋ ki tur tingbouŋ na ŋaateebi?”

Jɔɔnn 14:5

Ki Tomas boiɔ, “N Yomdaanɔ, ti ki mi fa saa siami. Nlee ki ti sa bann sɔnu nba ki ti sa saan leŋi?”

Jɔɔnn 14:9

Ki Yisa jiin a “Filip, n poŋ be nani ki li yukira, ŋaan ki a daa ki mimii? Wunba lan, u set la n Baa maŋe na. Ki bee ki a yaa a n wanni n Baa maŋi?

Jɔɔnn 21:2

Simon Piita nan Tomas (wunba ki bi din yiu Jaak na) nan Natanael (ŋɔɔe din nyii Kana nba be Galilee tiŋ ni na), nan Sebedee waas, nan Yisa poorpoweiteleeb bannlee din lakin be Taiberias mɔkgbeŋŋir maŋ ni.

Toona 1:13

Ba baar Jerusalem yoonba ki bi saan kɔɔ ŋaak nba ki bi tuu be na ni ki doo ditɔɔtuk paak. Binba din kɔɔ maŋ din tee Piita nan Jɔɔnn nan Jems nan Andru nan Filip nan Tomas nan Batolomiu nan Matiu nan Jems wunba din tee Alfeus bik, nan Simon Nikakitik, nan Judas wunba tee sɔɔ nna ki bi yiu Jems na bik;

Toona 12:17

Ki u donn nuu a bin ŋmin, ŋaan wannib biaŋinba ki ti Yomdaanɔ nyinnɔ dansarik ni; ki u betib a “I saa man, ki saa bet Jems nan Yisaweira leeb linba na po.” Li poorpo ki u nyikib ŋaan yaat saan siar po.

Toona 15:13

Ba betib gbenn yoonba, ki Jems yetib a “N naa waas, gbiintirin man,

Toona 21:18

Ki li yent sanyiɔk, ki timm nan Pɔɔl saan a ti saa foont Jems. Yisaweira saakab kura mun din be leŋ li yoo.

Galasia teeb 1:19

Li-i kii tee ti Yomdaanɔ Yisa naa bik Jemsi kaa, ŋaan n din ki la toomiinba na sɔɔ.

Galasia teeb 2:9

Jems nan Piita nan Jɔɔnn mɔŋ nba ki bi yib saakab na, ŋaan bi mɔŋ din bann nan Yennue turin toongannkar na; li paak min nan Banabas nan ŋamm din foont leeb ki yokin ti leeb nii ni, ŋanne din want a ti kura mɔk mɔtaauk nan ti leeb. Timm nan ŋamm din sake a min nan Banabas-ii mɔɔntir barŋanii kii teen binba ki tee Juu teeb na, ki bi mun-ii mɔɔntir kii teen Juu teeb.

Jeems 1:1

Min Jems, wunba tee Yennu toontunnɔ ki bia tee ti Yomdaanɔ Yisa Masia toontunnɔ, n foont Israel nibooru piik nan bannlee nba yat ki be tingbouŋ na kur ni.

Juud 1:1

Min Juud wunba tee Yisa Masia toontunnɔ, ki bia tee Jems naa bik nee sɔbin gbouŋ na ki teen niib nba ki ti Baa Yennu gannib ki loomm, ki Yisa Masia guub na.